Jeremías 16
16
Xanllo gulle'e Jeremíazen bixhan gunee
1Xanllon balwille nada', na gulle'e nada': 2Bi wchuynao, na bi cha xhi'nno latj yell-liw ni. 3Le nada' Xanle, yepa rwe' bixhan gak ke bidao ki garj latj yell-liw ni, na akren gak ke xa' xna akbe ka'. 4Yillwe war gak akbe, na nutno koell ke akbe, na nutno wkoach le akbe: raw yu naze yega'n akbe ke nitlas xche bayix ake'. Wdil, na yeldun'na wasyullen guten le ake', na gaw chud le ake', na' bayix snia ake'.
5Lekse ka' Xanllon gulle'e nada': Bi chejo gan llna' ake' be'nn wat ka' yere, bi koello, na bi gakro ke be'nn waten, le raw yell ni, ba bsanlalla dan llzoa le ake' wen'na, na yel nllie kian, na yel llayachrall kian. Nada' Xanle ba bnia ka'. 6Ke kweyi be'nn wnia, na ke kweyi be'nn yiach latj yell-liw ni, axha nutno llajkoach le ake', na nutno koell ke ake', na nutno lljale le ake', na gun akze nu we kwin ake' o cha gunze yid yichj ake'. 7Nutno gunze dane' keten wna' ake' yeren nench'na wayak xhenle bich loellje ka', lakse cha llbeyi xa' xna ake'.
8Lekse ka' bi chow lo yo' ga llak lni', na bi yej gaw ren akoe. 9Le nada' Xanle nap doxhente yelwak, Dios ke Israel ba bnia: Nada' walana lni' ka', na gan sjalla ake' llul ake' gan llak wachuyna ka', ne' nbantere gak ke da ki, kwinsre re're kan aken.
10Keten wzenlo be'nn raw yellen ke di'll ki, na wnab akre rwe': ¿Bixhchen ba bnerize Xanllo gunee damar xhen keto? ¿Bi damar ba bento cha'? ¿Bi da xhinj ba bento raw Xanto Diozen? 11Na rwe' ye akoe: Xanllon ba bnee: Le xustawre kan bsanlall ake' nada', na bnao ake' dios yub akre na beraw ake' le ake', na bi balaraw ake' di'll ka' berena le aken. 12Na re' ba badetellre llunle kan ben xustawre ka', toaj toajre ba gukre be'nn wednay, na llunle kon kan ne' raxhdaore xhinjen, na bine' wzenayre kia. 13Kelen'na wachacha re' latj yell-liw ni, na lljagonre to latj yell-liw ga ni re', ni xustawre ka' bi ben bie akre, na gana' weraore du lla du yer dios yub akre, na bi wayachralla re'.
14Axha za to lla, nada' Xanle, llania yeto, bill ne're: Kone yelnban ke Xanllon babaje'e be'nn Israel ka' Egipton, 15axha ki ne're: Kone yelnban ke Xanllon babaje'e be'nn Israel ka' latj yell-li'on lli rale, na yoyte latj yell-liw gan beslase le aken. Nada' guna ke wabire latj yell-liw keren, yell-liw dan bia xustawre ka'.
16Na guna nench yed be'nn zan wxhen belya ake', nada' Xanle ba bnia ka'— nench'na sen ake' be'nn Israel ka'. Natell ga'xha be'nn wzap re', na yebaj ake' re' raw ya' ka', na raw rum ka', na le yaj bdinj ka'. 17Le nada' llrera yoyte da ka' llunren, bitbi llgach rawan, ni daxhinj ka' llkoachere nadan. 18Zatk chixhjre chop kwenle damar, na daxhinj kere ka', le btitjere latj yell-li'on kian kone loe lsak ka', raw doxhente latj yell-li'on bena' ren, na ba benle dazan da bi llazralla.
Jeremíazen balwille Xanllon
19Xana, rwen llgultipo, na llkoejo nada',
gan llkoachdoa keten zado da nxhollen,
gan zew'na wadgon be'nn zak latj yell-liw yubre,
na ga zerawze de yell-liw, na ne'e ake':
dios bi nak dogarj ake', nike bi zak akze, na bi nap ake' yelwak,
le aken'na bkoan xustawto ka' ke neto'.
20¿Wak be'nn nachen gunee dios ke'e cha'?
Na kelen'na binak aken dios dogarje.
Xanllon ballie'e di'llen
21Na na' wroetegara re'
yelwaken napan,
na kone ka' neze re' nadan naka Xanle.
Currently Selected:
Jeremías 16: ZPUPAT
Highlight
Copy
Compare
Share
Want to have your highlights saved across all your devices? Sign up or sign in
Bible Society of Mexico
Learn More About Be'nnka'be Xti'll Dios