Jeremías 15
15
Llixjwen da wsakzi le ake'
1Xanllon gulle'e nada': Lakse cha Moisés na Samuelen yedse ake' rawa ni, bi wayachralla yellen. Gull ake' wallach ake' gan zia ni. 2Na cha ye ake' rwe' gaxhan chej aken, gullgall ake' nada' ki:
Be'nn ka' banak kweyi kone yillwe,
kone yillwe'na kweyi akse,
be'nn ka' banak kweyi raw wdilen,
raw wdil nakse kweyi ake',
be'nn ka' banak kweyi dan llbildun aken,
kone yel llbildun nakse kweyi ake',
be'nn ka' banak zi wchach ake' le ake' yellen.
Le aksen wchach ake'.
3Nada' Xanle, ba bnia ka': Wsela tap da wsakzi le ake': Gut ake' le ake' raw wdil, kuellew bekw le ake', na gaw chud le ake', na gaw bayix snia le ake'. 4Guna nench wchebchachen be'nn ka' sjalla latj yell-liw yubre kan guna ke ake', xtol be'nnen llnebia Judán, be'nnen nzi Manasés xhi'nn Ezequías kan ba benee Jerusalén'na.
5¿Nuxha wayachrallrize rwe' Jerusalén?
¿Nuxha suyiachrize ko'o rwe' cha'?
¿Nuxha gakzedrize rwe' kan llak ko'on?
6Rwen bsanlallo nada', na ba bayechjo nada'.
Nada' Xanle ba bnia ka'.
Kelen'na nada' to bajachiera kanake ba bdapralla rwen,
wlisa takan na wsakzia rwe' nench'na wlleyia rwe'.
7Guzlasa be'nn ko'o ka' ke yixh beb,
na wchach ake' yell xhen ka' sjalla latj yell-li'on,
nullno xhi'nn ake' bakoana raw yell kian, ba blleyia le akbe,
le biwen akre wsanlall ake' daxhinj ka' llun ake' raw yelnban ke aken.
8Keksen nian yuxh ka' zajnit lloa nista'on
ket nian nor wazeb ka' ba bkoana'n.
Ke bllin wawillen le bsantia yelguten
kull nor ka' kone xhi'nn ake' bi weo ka',
na to setegaze bxhexja kone le ake'
dan llzoa yiachen, na dan llcheben.
9Xna ake' kone xhi'nn ake' bizan ka',
to zizen bich ke ake', na llyial ake'
to llaksban akre llayie akre,
beni ke tellan to llayakzen daxchul ke le ake'.
Cha yebal ake' llagan ake' kone yelnban,
nada' guna nench'na be'nn ka' llwiere le aken gut ake' le ake'.
Nada' Xanle bena' lloa xtillan.
Jeremíazen llawe xhia
10Niachraz naken kia nada' nawedao kia, dan bxhano nadan
kanake nutezen llakdilren nada'.
Nutno ne' koaja mell, na bitbi llbaya ke be'nn,
axha yoy akze llwie akre nada'.
11De'e ko'on gakchgan kia Xana,
cha nada' bine' guna to llin wen ko'o,
cha nada' bine' wnaba gakreno be'nn ka llwiere nadan
kan zuyach aken, na kan llak da kenxhie ke aken.
Diozen llixjwere kan sakzi Israelen
12¿Nuxha gakrize chichj
ya dan za ralen, na dan nzi bronce cha'?
13Xtol yoyte daxhinj ko'o ka' Israel,
wayuna rallna be'nn ka' llwiere rwen
yoyte yel wnia ko'o ka' sjanapon,
na yoyte da ka' sjanapo latj yell-liw ko'on
nench'na wasa aken.
14Guna ke guno xchin be'nn ka' llwiere rwen
latj yell-liw gan bi nombieron,
le yel llruk kian ba gulnine'n
ke to yi' da wzey rwe'.
Be'nnen llayixjwe di'llen llalwille'e Xanllon
15Xana rwe' nezro kwasru kan llak kian,
jadinlall nada', na gukren nada'.
Bazichga wzon be'nn ka' nawlloa nadan.
Bi wayachrallo le ake',
na bi guno' latj kweyia
le niko rwen ba bzoera lladyi' ake' nada'.
16Kan bereno nada' di'llen, nada' llebraz bawera bzenaya,
le aken'na guken to da bawe lo raxhdawan,
le nada' yoa rallnao,
Xana, na Dios nap doxhente yelwak.
17Bine' guna be'nn ka' txhen
be'nn ka' llawere gun lni' welse,
ketezen bzuraw bnebiao nadan,
tuza ba bzoa,
na ba basllao nada' kone yel llaklla ko'on.
18¿Bixhchen yedaleze ne' lleyrariza?
¿Bixhchen bi llayak yillwe kian?
¿Bixhchen bi llenen wayaken?
Ba guko kone nada'
ke to nis bej da llayechte'.
Xanllon ballie'e di'llen
19Natell Xanllon ballie'e xtillan:
Cha rwe' wazereno nada', nada' wazenina rwe'
na gak guno xchina.
Cha rwe' bill new di'll kenxhie
na weo di'll da zak,
rwe' wdeo xtilla ka'.
Kere rwe' gunzo kan llun le aken,
le akren gun ake' kan lluno rwe'.
20Nada' guna nench'na rwe' gako raw yellen
ke to ze de ya war dan nzi bronce, da nuno gak wachinj len.
Gakdilren ake' rwe',
axha bi sue akre rwe',
le nada' zerena rwe', nench'na gapa rwe', na wasratia rwe'.
Nada', Xanle ba bnia ka'.
21Wasra rwe' raw yelwak ke be'nn wednay ka',
na wasratia rwe' raw be'nn wenxhia ka'.
Currently Selected:
Jeremías 15: ZPUPAT
Highlight
Copy
Compare
Share
Want to have your highlights saved across all your devices? Sign up or sign in
Bible Society of Mexico
Learn More About Be'nnka'be Xti'll Dios
