Jeremías 11
11
Bi bdap ake' baran dan ba be ake' xtillen
1Xanllo balwille nada': Jeremías, na bnee: 2Jasarall be'nn Israel ka', nench'na wzenay ake' ke di'll ka' ba bchajllaton. Bne' be'nn ka' sjalla Judán, na rente be'nn ka' sjalla Jerusalén'na, 3na gull ake' ke nada', Xan ake' Dios ke Israel, guna de'e be'nn ka' bi wzenay di'll ka' ba bchajllaton. 4Ke di'll ka' bchajllarena xustaw ake' ka', kan babej ake' Egipton, latj yell-liw gan nak aken, ke to lo orn ga llason ake' ya, na gull ake': Le wzenay kia nada', na legun kan llzenla ren', na re', gakre yell kia, na nada' gaka Dios ke re'. 5Na cha re' wzenayre kia, na nada' walarawa ke di'll ka' ba bcheba kone xustawre ka', le nada' guna' re' yell-liw, gan ba nbanle re' na' lla, gan llar lech, bllindao, na dllirj aken ke dllirj nis.
Na bnia nada': Awa Xana.
6Natell Xanllon gulle'e nada': Bdixjwe di'll ki yell xhen ka' sjanbanle Judán, na' tnez ka' sjade Jerusalén'na. Gull be'nn ka': Lewzenay da ka' llayal gunle da ka' ba biaj xtillen, na le walaraon. 7Kan babeja xustawre ka' Egipton, na bdixjwe akre nench wzenay ake' kia, na kan batnate, na xte na' lla ne' nawa llepa re' ka'. 8Axha bi bzenay ake' kia, na ben ake' kon kan ne' yichj raxhdao ake' maren. Bi wen akre walaraw ake' dan ba biaj xtillen, dan gull ake' gun aken, na bena nench'na bxhakzi ake', kon kan nak dan ba nachjbian.
9Xanllon bnawkse lle'e nada': Be'nn Judá ka', na be'nn Jerusalén ka' ba bayechj ake' nada'. 10Ba ba'bi ake' llun ake' daxhinj ka' be'nn xustaw ake' ka', le'le aken bi wen akre wzenay ake' kia, na bnao ake' dios ka' yela, na' beraw aken. Ka ben Israelen, na ka ben Judán ba bchochj blan ake' di'll ka' bchajlla kone xustaw ake' ka'. 11Kelen'na wsela da gak dakenxhie ke ake', na bi wara ake'. Lakse cha llebraz gusia ake' walwill ake' nada', bi wzenaya ke ake'. Nada', Xanle ba bnia ka'. 12Natell be'nn ka' sjalla Judán, na be'nn ka' sjalla Jerusalén'na chaj ake' lljanab ake' gukre raw dios ka' llwerao aken, na sjallia ake' yar, axha le aken bi gak wasra ake' le ake' keten gak dakenxhie ke aken. 13Judán nape be'nn zan dios ake', na yell xhen ake', na tnez ake', na Jerusalén'na ba blis ake' dazan raw bkuy, nench'na sjallia ake' yar raw loe lsaken nzi Baal. 14Na kelen'na, rwe' Jeremías, bi wnabo gukre ke yellen, bi gatyoero wnabo nench gakrena le ake', le nada' bi wzenaya keten wnab ake' gukren, rawe gan ba llalleyraw aken.
15¿Bi llayirjze Israelen nllieran lo yodao kian,
ke naken ba bayull benee dazan kwis damar ake'?
¿Llakro cha za ka', na xper bayix ka' ba bzeyon,
wabiy dakenxhie ka' llak ko'on,
na llakro kone ka' gak wasra kwino cha'?
16Xanllon bsie'e ra'on, Yay olivo xhen,
da lliachach daxhixh da sjanak nbaraz,
na radje gan llchonch bzi'on,
gode'e yi' lay ko'o ka'
na ba gulnin xhoze ko'o ka'.
17Xanllon nap doxhente yelwaken, le'en guzee rwe', na ba bnee gak dakenxhie ko'o, xtol daxhinj ka' baben Israelen rente Judán, le ba godyi ake' nada' ka naken dan bllia ake' yaren raw dan nzi Baal.
Be'nn ka' llwiere Jeremíazen llen akre gut ake' le'e
18Xanllo bdixjwere nada' ke be'nn ka' llwiere nadan, llen akre gun ake' damar kia. Le'en bsarje yej rawa ka', nench'na gukbera. 19Nada' zoa nbaraz ke to xhirda'o ba bazej raw yay bsejen, na nike llunza xbab bixhan llen akre gun ake' kia. Na ne ake': wchuyllo yay xhen'na kanaken natk llbej rawe, wlall-llon raw yell-liw gan sjalla be'nn ka' sjade yelnban ke'en, nench'na nullno llajdinlall len.
20Axha rwe' Xana, nap doxhente yelwaken,
lluno yel korchis da nak dalixhej,
rwen numbiero yichj raxhdao be'nn nachen.
Broere nada' gakren wsakziw be'nn ka',
le ba bzoa kan llak kian raw naon.
21Na be'nn nach ka' sjalla gan nzi Anatot, le bzerall ake' gut ake' nada', na gull ake' nada' bill wneo rawraz Xanllon, le gut'to rwe' chet ka'. 22Na Xanllon nap doxhente yelwaken lle'e le ake': Nada' wsakzia re', na biweo kere ka' kweyi akbe raw wdilen, na xhi'nnre bi biew ka' na xhi'nnre bi nor ka' gat akbe yel dunze. 23Ni tich akbe bill yega'n, le ba za lla nench guna yel korchis ke re', re' be'nn nach sjalla gan nzi Anatot, na kena wsakzia re'.
Currently Selected:
Jeremías 11: ZPUPAT
Highlight
Copy
Compare
Share
Want to have your highlights saved across all your devices? Sign up or sign in
Bible Society of Mexico
Learn More About Be'nnka'be Xti'll Dios