Isaías 41
41
Diozen llchebe'e wasre'e Israelen
1Lese lliteze yell xhen lla' llwa nistaw.
Latj yell-liw ake', le gundiprall.
Le da, nench'na wello di'll ke dani
wadupllo, na wello xtille.
2Nuxhan guxh be'nnen za gan llra' willen
be'nn wnebian llunteze llunee ga'n cha?
¿Nuxhan llayun rallna latj yell-liw ka'
na llunee nench be'nn wnebia ka' wzenay ake' ke le'e,
nench'na kone spad ke'en, na xhis waxit ke'en
wxhoxje le ake', na guslase le ake' ka yixh beb cha?
3¿Nuxhan llun nench'na nawlloe le ake', na zajze'e, na bitbi llakzedre
to nike llroezen cha llraje raw yu?
4¿Nuxhan ba ben ke dani?
¿Nuxha, xte nellte
ba broe xneze gakren gak?
Nada', Xanle, tuze Dios
danellte, na gan llayullten.
5Latj yell-liw ka' lla' llwa nista'on bre akre
na blleb ake';
yell-li'on bxhizen gan bzuraon, na gan bayullten.
Bazak ake' gawchochze, ba zak ake'.
6Toaj toaj ake' llakren loellj ake',
na llundiprall ake' be'nn loellj ake' ka'.
7Be'nn wenchao yayen llundipralle be'nnen llunren ya chaw ka' llin,
be'nnen llunren martiyen llin, llundipralle benen llchochj yan,
na nee naksen wen ke dan ba benon,
natell llzoalle'e loe lsaken konen krab ake'
nench'na bi llakyalen.
8Bzenay, Israel, yell ke Jacob,
be'nn wen llin kian, nun ba biazrallan,
yell ke xustaw ke be'nn nlliera nzi Abraham:
9Nada' babeja rwe' gan zerawze yell-li'on,
zit kwis bayaxha rwe',
na gulla rwe': Rwen nako be'nn wen llin kia.
Nada' biazralla rwe', na bine' walliya rwe' kale.
10Bi llebo, le nada' zerenksa rwe',
bi llebo, le nadan naka Dios ko'o.
Nada' llundipralla rwe', nada' llakrena rwe',
nada' noxa rwe' konen yel korchis kian.
11Yoyte be'nn ka' llwiere rwen
waye akre, na si' ake' yelsdo,
be'nn ka' llakdilren rwen
waya akte kweyi.
12Wayirjo be'nn ka' llwiere rwen,
na bi wallelro le ake',
be'nn ka' llakdilren rwen
waran ake'.
13Le nada', Xano, Dios ko'o,
ba bexa takon;
na nada' ba gulla rwe': Bi llebo, nada' gakrena rwe'.
14Xanllon ba bnee:
Israel, yell ke Jacob,
lakse nako to da daoze, na bindiprallo
bi llebo, nada' gakrena rwe'
Nada', Dios Xhirall ke Israel, naka wasra ko'o.
15Guna rwe' ka' to dan llxhoxjtin,
to da kub, na kone da llia la'ye wen,
wxhoxjtino ya' ka', na wayunteon bichteze,
wayuno rum ka' ke yixh.
16Wzalon, na ben wachachen len,
be bdonen guzlasen len.
Natell rwe' yewero kan llun Xanllon,
na gunxheno Dios Xhirall ke Israelen.
17Be'nn yiach ka', na be'nn ka' bitbi nap ake' llayirj ake' nis
na bi llallel akren.
To ba niech rull aken, nike dan llbil akren,
axha nada', Xanle, wzenina le ake',
nada', Dios ke Israel, bi wsanlalla le ake'.
18Guna nench'na garj yeo raw ya' yech ka'
na ra nis radj rach ka',
wayuna latj dach yu billen ga wayull nis,
na guna nench'na lloj yeo raw yu yechen.
19Raw latj dach yu billen gaza yay cedr ake',
yay dan nzi acacias, arrayanes, na yay olivos;
raw yu yechen guna nench'na chiw yay dud ake'
konen yayen nzi abetos, na da ka' nzi cipres,
20nench'na doxhente yell-li'on re akre, na nes akre,
na wzenay ake', na chejnie akre
ke nada', Xanle, ba bena dani kone yelwak kian,
ke nada', Dios Xhirall ke Israelen, ba benan.
Diozen ll-lere dios wxhiye ka'
21Xanllo, be'nn wnebia ke Jacoben, nee:
Le da, loe lsak ake', akren kwinle,
le wroe ke dan ne'zeren.
22Le da nench'na yere neto' bixhan gak willjwani
na wzajniere neto' da ka' ba guk,
na wzenayto,
le ye neto' bixha da ka' ze gak,
nench'na re'reto akre wayull aken,
23leye neto' bixhan gak willjwani,
le wruere neto' ke dalin nakre dios ake'.
Le gun kon da llakre llunle, dawen o cha damar,
da yebaneto o cha da wcheb neto'.
24Axha re nutno nakre
na nike bi llakze llunle.
Yel'sral naken ke be'nn ka' ba nxenlall ren.
25Bena nench'na bra to be'nn gan lloj willen,
ba balwilla le'e kan nzie'e,
na rale ze'e.
Llrajchekwe be'nn ka' llnebian ka to benj,
kan llun be'nnen llune'n benjen llin, na llzaden konen nie'e ka'.
26¿Nuxhan bdixjwe dani kan bzurawte,
nench'na nezrellon cha?
¿Nuxha bnee kan gak kan batnate,
nench'na nello kaksen naken?
Ni to re' bi bdixjweren,
nutno benee cha bnere to di'll.
27Nadan bdixjweran Sión'na danellte,
na bsela to be'nn bdixjwere Jerusalén'na
nench'na ye be'nn ke'e ka' yeratze yeda dayubre.
28Llwia, na ni to dios ka' yela llroe rao ake';
nutno llra' we to di'll sin,
nutno llra' walli di'll ka' ba bnaban.
29Ni to le aken nutno nak ake'.
Bitbi zake gun ake',
loe lsak dach akzen.
Currently Selected:
Isaías 41: ZPUPAT
Highlight
Share
Copy
Want to have your highlights saved across all your devices? Sign up or sign in
