Numeros 33
33
Ja b'a b'ejyiye ja israelenio jumasa
1-50B'a yajtab' jo' lajune ja yixawil Abib, ja israelenio jumasa jel tsamal elye b'a Egipto, ti wax iljiye yuj spetsanil ja kristyano jumasa b'a chonab' jawi. Ja k'ak'u jawi, ja wa'ne smukjel ja sb'ajtanil yuntikile cham ja egipsiano jumasa, ye'nani ja Dyos ja ch'ak smil ja kristyano jumasa jawa, b'a ya yi' wokol ja sk'u'lub'al dyos jumasa ja egipsiano jumasa.
Ja israelenio jumasa, jach' b'ejyiye jastal wa scholo sb'aj ja soldado jumasa, ja'ni jastal wax yalawe ja Moises sok ja Aaroni. Ja Dyosi, yal yab' ja Moises a ya och ju'un ja chonab' jumasa b'a oj ek'uke'i, jach' jastal it ja sb'i'il ja chonab' jumasa b'a ek' ye'i, sok ja b'a jijliye ja yajni elye b'a chonab' Ramses b'a Egipto:
b'a Sucot,
b'a Etam, b'a wax k'ot tik'an ja takin lu'um k'inali,
b'a Pi-hahirot, b'a stojol wax jak ja k'ak'u yuj ja Baal-sefoni,
b'a Migdol,
b'a niwan paman ja' it jel ja yakili,
b'a takin lu'um k'inal b'a Etam,
b'a Mara,
b'a Elim, b'a ajyi lajchawe yok ja' sok ox tajb'e lajune (70) xa'an jumasa
b'a takin lu'um k'inal b'a Sin,
b'a Dofca,
b'a Alus,
b'a Refidim, b'a mi ajyi ja' oj yu'e'i,
b'a wits Sinai,
b'a Quibrot-hataava,
b'a Haserot,
b'a Ritma,
b'a Rimon-peres,
b'a Libna,
b'a Risa,
b'a Quehelata,
b'a Sefer,
b'a Harada,
b'a Maquelot,
b'a Tahat,
b'a Terah,
b'a Mitca,
b'a Hasmona,
b'a Moserot,
b'a Bene-jaacan,
b'a Hor b'a Guidgad,
b'a Jotbata,
b'a Abrona,
b'a Esion-gueber,
b'a Cades,
b'a wits Hor, ja' b'a wa stuluyi ja slujmal ja Edom,
b'a Salmona,
b'a Punon,
b'a Obot,
b'a Iie-abarim, b'a sts'ajk'an sok Moabi,
b'a Dibon-gad,
b'a Almon-diblataim,
ja wits jumasa b'a Abarim, b'a stojol wax jak ja k'ak'u yuj ja wits Nebo sok
b'a job'iltik Moab.
B'a janek' b'ejyiyeta ja kristyano jumasa, yajni k'otye b'a wits Hor, ja Dyosi ti yal yab' ja pagre Aaron ab'i yal yabye a k'e'uke b'a wits, ti'xa cham kan tiw ja Aaroni, ay yi'oj jun syen jun tajb'e sok oxe (123) jab'il. Ja iti waj b'a june yajtab' ja sjo'il ixaw b'a Ab, ek' chab' tajb'e (40) jab'il ja yajni elye b'a Egipto.
Cho ti'ni il ja yajni k'otye b'a wits Hor, b'a Arad ja mandaranum yuj ja cananeo jumasa, ja ye'n ti ajyi b'a takin lu'um k'inal b'a ko'el k'inal yuj ja Canaani, yab' yab'alil wa'n mojxel och ja israelenio jumasa b'a slu'umi.
Ja job'iltik b'a Moabi, tey sok lajan ja niwan ja' Jordan b'a sti' chonab' Jerico. Yajni waj ya'we k'e'uk ja snaje tojb'el sok k'u'uts ja israelenio ja tiwi, jel niwan syamawe ja lu'umi, stuluweyi b'a Bet-jesimot k'ot tik'an man b'a Abel-sitim.
Spila sb'aje slechanal ja lu'um b'a Canaani
Ja yajni ti' aye b'a job'iltik Moabi, ja Dyosi, ti yal yab' ja Moisesi:
51—Al yabye ja israelenio jumasa, ja yajni sk'utsuwe ja niwan ja' Jordani, yajnix ochye b'a slujmal Canaani, 52a ch'ak snutse' el spetsanil ja kristyano jumasa ma' tey tiwi. Cho jach'ni ja sdyose ton jumasa wa stoyowe'i, a ch'ak sb'uy'e kan sok ja sk'u'lub'al dyose'i, cho jach'ni ja yaltare'i, a sch'ay'e' sna'jel.
53—Jaxa yuj ja ke'n Dyoson yujile'i, oj ka' yi'e' ja lu'um jawi, b'a ti oj ajyuke tiwi. Ja'yuj t'ilan oj ya'we el kani, b'a ti oj ajyuke tiwi. 54B'a oj b'ob' pilxuk yi ja lu'um ja tuktukil k'ole kristyano jumasa, oj ilxuk ma' oj yi'e. Ja ma' a'ay aye'i, a'yi'e niwan ja ye'nle'i; jaxa ma' t'usane'i, xet'an a'yi'e. Ja lu'um oj yi' b'a jujune na'itsi, a b'ajni we'na'a. B'a slechanal ja lu'umi, oj k'epxuk yi b'a jujune k'ole.
55—Kechan ta mik'a oj ja wa'wex eluk ja kristyano jumasa ma'tik tey tiwi, jel oj ka yixtala'ukex ja tsa'ani, lajan sok jastal ochel ch'ijb'inilte' b'a wa satexi, ma jastal ochel k'i'ix wa b'ak'telexi. 56We'n oj ka'wi'ex ja wokol it wax kala oj ka'yi'e ajyi ja kristyano jumasa jawi.
Currently Selected:
Numeros 33: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
