Numeros 30
30
Ja jas wax kalatik oj k'ulti'k yi ja Dyosi
1Ja Moisesi, yal yab' ja ma'tik niwak ya'tel yuj ja k'ole jumasa sb'a israelenio:
—Ja Dyosi, yala kab' oj kala wabyex 2Ja jas wax kalatik oj k'u'luktik b'a jel t'ilan oj k'u'laxuk meran.
3—Jun ak'ix mi nupaneluk, yuj k'a wax yala ay jas oj sk'u'lyi ja Dyosi, 4cho yuj k'a lek wax yab' ja stati, sb'ejni oj sk'u'luka. 5Kechan ta yuj k'a mi lek wax yab' ja stat ja jas wax yala oj sk'u'luki, mi oj b'ob' t'enjuk a sk'u'l t'ilan, cho mini ja Dyosi, mi jas oj b'ob' aljuk yab' yuj.
6—Yuj k'a jun ak'ix mito nupaneluk wax yala ay jas oj sk'u'lyi ja Dyosi, mi sna'ojuk lek sok nupani, 7jaxa statami, cho lek b'i wax yab' ja ye'n, jel t'ilan oj sk'u'luk ja jas yalunej ja ak'ix jawi. 8Kechan ta yuj k'a mi lek wax yab' ja statam ja jas yalunej oj sk'u'luki, mi oj b'ob' t'enjuk a sk'u'l t'ilan, cho mini ja Dyosi, mi jas oj b'ob' aljuk yab' yuj.
9Jun ixuk viwuda ma ja ma' jipub'al kani, ojni sk'u'l t'ilan ja jas yalunej oj sk'u'lyi ja Dyosi.
10—Ta ay jun ixuk nupanel sok wax yala ay jas oj sk'u'lyi ja Dyosi, 11cho lek b'i wax yab' ja statami, t'ilani oj sk'u'luka. 12Kechan ta yuj k'a mi lek wax yab' ja statam ja jas yalunej oj sk'u'luki, mini oj sk'u'luka, cho mini ja Dyosi mi jas oj aljuk yab' yuj.
13—Ja tatamali ye'n oj yal ta oj sk'u'luk ja ixuk ja jas wax yala oj sk'u'lyi ja Dyosi. 14Ta wan k'a sna'a ja tatamal ja jas wa sk'ana oj sk'u'lyi ja Dyos ja sche'umi, t'ilani oj sk'u'luk ja ixuka. 15Jaxa tatamali, kechan ita k'a chab' oxe k'ak'u lek wax yab' ja jastal wa sk'u'lan ja che'umi, tsa'an wax yala mokxa sk'u'luk, ye'nani oj sta' smul b'a sti' sat ja Dyosi.
16Ja ab'al jumasa iti, ja a'jiyi ja Moises yuj ja Dyos b'a oj sk'u'luke ja ixuke jumasa ma' nupanel sok ja ak'ix jumasa ma' mi nupaneluki.
Currently Selected:
Numeros 30: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
