Numeros 26
26
Ajtab'axi pilan majke ja kristyano'i
1Ja Moises sok ja Eleazar yunin ja pagre Aaroni, k'umajiye yuj ja Dyosi, ti alji yabye jastal ita: 2—Ilawik janek' ay ja israelenio jumasa ma'tik ek'elxa yuj ja jun tajb'e (20) jab'ili. Wax k'ana oj ja wa'wex och ju'un ja sb'i'il ja ma'tik oj b'ob' wajuke b'a tiro'aneli. Ja b'i'ilal jumasa jawi, t'ilan jach' oj k'u'laxuk ja janek' ay b'a jujune na'itsi—.
3Ja Moises sok ja Eleazari, yajni ti'xa aye b'a slujmal Moab b'a niwan ja' Jordan b'a sti' chonab' Jerico, ti yalwe yab' ja israelenio jumasa, 4b'a a sk'u'luke spetsanil ja jastal yalunej ja Dyosi. Ja it jumasa ja ma'tik elye b'a Egipto, ochelni ju'un ja sb'i'ile'i:
5Ja it jumasa, ja yuntikil ja Rubeni, ja Rubeni, ye'n b'ajtan alats yuj ja Jacobi, ti nochane ja it jumasa:
Ja Henoc,
Ja Palu,
6Ja Hesron sok ja
Carmi.
7Ja spetsanil ja yintil winik ja Rubeni, ay chab' tajb'e oxe mil juke syen sok jun tajb'e lajune winik (43,730).
8Ja Palu ajyi jun yunin: Sb'i'il Eliab.
9Jaxa Eliab, ajyi oxe yuntikil: Ja sb'i'ile ja iti.
Nemuel,
Datan sok
Abiram.
Ja Datan sok ja Abiram, teye sok ja k'ole jumasa sb'a Core, sk'okowe ja jas yala ja Dyosi, cho mini sk'u'ane ja jas wax yalawe ja Moises sok ja Aaroni. 10Ja'yuj sjama sb'aj ja lu'umi ch'ak b'uk'juke. Cho ay jun nole tsikub'al chamye, ay chab' syen sok chab' tajb'e lajune (250) kristyano jumasa. Jachuk, yila ja tuk kristyano jastal wax yi'aj wokol ja ma wa sk'oko ja jas wax yala ja Dyosi. 11Kechan kanye sak'an ja yuntikil ja Core.
12Ja k'ole jumasa yuntikil ja Simeoni, ja it jumasa:
Nemuel,
Jamin,
Jaquin,
13Zerah sok
Saul.
14Ja spetsanil ja k'ole jumasa jawi, ay chab' tajb'e chab' mil sok chab' syen winik (22,200).
15Ja k'ole jumasa yuntikil ja Gad, ja it jumasa:
Sefon,
Hagui,
Suni,
16Ozni,
Eri,
17Arod sok
Areli.
18Ja spetsanil ja janek' aye'i, ay chab' tajb'e mil jo'e syen winik (40,500).
19-20Ja k'ole jumasa yuntikil ja Juda, ja it jumasa:
Er,
Onan,
Sela,
Fares sok
Zerah.
Jaxa Er sok ja Onani ti chamye b'a slujmal ja Canaani, jayuj mi ajtab'axiye 21Ja Faresi, ajyi chab' yuntikil ja' sb'i'ile' ja iti:
Hesron sok
Hamul.
22Ja spetsanil ja ye'nle'i, ay ox tajb'e wak lajune mil sok jo'e syen winik (76,500).
23Ja k'ole jumasa yuntikil ja Isacar ja' sb'i'ile ja it jumasa:
Tola,
Puva,
24Jasub sok
Simeon.
25Ja spetsanil ja janek' aye'i, ay ox tajb'e sok chan lajune mil oxe syen winik (64,300).
26Ja k'ole jumasa yuntikil ja Zabuloni, ja' sb'i'ile ja it jumasa:
Sered,
Elon sok
Jahleel.
27Ja spetsanil ja ye'nle'i, ay ox tajb'e mil sok jo'e syen winik (60,500).
28Ja k'ole jumasa yuntikil ja Jose, ja it jumasa:
Manases sok
Efrain.
29Ja Manasesi, ajyi jun yunin: Sb'i'il Maquir.
Ja Maquir cho ajyi jun yunin ja ye'n sb'i'il:
Galaad.
30Ja k'ole jumasa yuntikil ja Galaadi, wakwane:
Ieser,
Helek,
31Asriel
Siquem,
32Semida sok
Hefer.
33Ja Heferi, ajyi jun yunin: sb'i'il Selofhad.
Ja selofhadi, mey yuntikil kerem kechan ak'ix, ja' sb'i'ile'i ja it jumasa:
Mahla,
Noa,
Hogla,
Milca sok
Tirsa.
34Ja spetsanil ja janek' aye' ja Manasesi, ay chab' tajb'e sok lajchawe mil juke syen winik (52,700).
35Ja k'ole jumasa yuntikil ja Efrain, ja sb'i'ile ja it jumasa:
Sutelah,
Bequer sok
Tahan.
36Ja b'a yintil jumasa ja Sutelah, ti el ja k'ole yintil ja Eran. 37Ja spetsanil ja yintil jumasa ja Efraini, ay jun tajb'e sok lajchawe mil jo'e' syen winik (32,500). Ja it jumasa, sok ja k'ole sb'a Manasesi, ye'nani yintil ja Jose.
38Ja k'ole jumasa yuntikil ja Benjamini, ja sb'i'ile ja it jumasa:
Bela,
Asbel,
Ahiram,
39Sufam sok
Hufam.
40Ja Bela ajyi chab' yuntikil sb'i'ile':
Ard sok
Naaman.
41Ja spetsanil ja yintil jumasa ja Benjamini, ay chab' tajb'e sok jo'e mil wake syen winik (45,600).
42-43Ja Dani, ajyi jun yunin, b'a yintil jumasa ja ye'n ti' stojb'es sb'aj ja k'ole: Suham. Ja spetsanil ja k'ole iti, ay ox tajb'e sok chane mil chane syen winik (64,400).
44Ja k'ole jumasa yuntikil ja Aseri, ja sb'i'ile ja it jumasa:
Imna,
Isvi sok
Beria.
45Ja Beria, ajyi chab' yuntikil sb'i'ile:
Heber sok
Malquiel.
46Ja Aseri, ajyi jun yak'ix sb'i'il Serah. 47Ja spetsanil ja janek' aye ja Aseri, ay chab' tajb'e sok ox lajune mil chane syen winik (53,400).
48Ja k'ole jumasa yuntikil ja Neftali, ja' sb'i'ile ja it jumasa:
Jahseel,
Guni,
49Jezer sok
Silem.
50Ja spetsanil ja janek' aye'i, ay chab' tajb'e sok jo'e mil chane syen winik (45,400).
51Ja spetsanil ja israelenio jumasa ochye ju'uni, ay wake syen sok jun mil juke syen jun tajb'e sok lajune winik (601,730).
Ja jastal oj pilxuk ja lu'umi
52Ja Dyosi, cho sk'uman ja Moisesi, ti yal yab'a:
53—Ja ya'n a spil sb'aje ja lu'um ja kristyano jumasa ma' it wantox ch'ak ajtab'axuki. 54Ja ma' a'ayi, oj yi' niwan ja slu'umi. Jaxa ma' t'usane'i, ko'elni oj yi'e'a. B'a jujune na'its ojni yi' slu'uma, jach'ni jastal ochele ju'uni. 55-56Oj spil sb'aje ja lu'umi, kechan oj yil'e machunk'a b'ajtan oj yi'i, ja' ma ja ma' a'ay aye b'a jun na'itsi, ma ja ma' t'usane'i. B'a jujun k'ole sok b'a jujun na'its chol oj ch'ak pilxuk yi'e.
Ja yintil jumasa ja Levi
57-58Cho jach'ni, ch'ak yajtab'ane spetsanil ja yintil jumasa ja Levi, ja ye'n ajyi oxe yuntikil ja sb'i'ile ja iti:
Guerson,
Quehat sok
Merari.
Jach' b'ob' stojb'es sb'aj ox k'ole; ja b'a k'ole jumasa jawi, cho stojb'es sb'aj pilan jo' k'ole, ja' sb'i'ile ja it jumasa:
Libni,
Hebron,
Quehat,
Mahli sok
Musi.
Ja Quehati, ajyi jun yunin sb'i'il: Amram.
59Ja Amrami ja nupani sok jun yak'ix ja Levi sb'i'il Jocabet. Ja ak'ix jawi, ti'to manxi jan b'a Egipto, manxi chab' yuntikile kerem sok jun ak'ix, ja sb'i'ile'i ja iti.
Aaron,
Moises sok
Maria.
60Ja Aaroni, ajyi chane yuntikil ja' sb'i'ile ja it jumasa:
Nadab,
Abihu,
Itamar sok
Eleazar.
61Jaxa Nadab sok ja Abihu, ti chamye b'a yoj snajtsil tsomjel yuj ja lom stsikawe pom mi jach' wa sk'ana ja Dyosi.
62Ja spetsanil ja yintil jumasa winik ja Levi b'a ek'elxa yuj ja jun ixawi, ay chab' tajb'e sok oxe mil (23,000). Ja ye'nle'i, mi ajtab'axiye sok ja israelenio jumasa yuj ja mi yi'aje lu'um ja ye'nle'i.
63Jach' a'ji ochuke ju'un jastal it ja israelenio jumasa yuj ja Moises sok ja pagre Eleazar ja yajni ti ajyiye b'a job'iltik Moab mojan b'a niwan ja' Jordani, sok b'a stojol ja chonab' Jerico. 64Ja b'a ju'un iti, mix chiknaji junuk ja winike jumasa ma'tik ch'ak ya'we och ju'un ja Moises sok ja Aaron ja sb'ajtanil majke b'a wits Sinai. 65Spetsanile ti ch'ak chamuke kan b'a takin lu'um k'inal yuj ja wokol ya'a ja Dyosi, ja ma' kan sak'ani kechan ja Caleb sok ja Josue.
Currently Selected:
Numeros 26: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
