Numeros 25
25
Ja israelenio jumasa stoyowe ja dyos Baal-peori
1Ja yajni ti aye b'a Sitim ja israelenio jumasa, sle'a smule sta'a sb'aje sok ja ixuke jumasa sb'a Moabi. 2Ye'n lokwaniye ja ixuke jumasa b'a sk'ine wa sk'u'lane'i. Ti wa'ye lajan tiwi, lajan stoyowe ja sdyose jumasa sb'a Moabi. 3Jachuk ja israelenio jumasa, och stoy'e' ja dyos Baal-peori.
Jaxa Dyos sak'ani, jel tajki, 4ti alji yab' ja Moisesi:
—Ch'akan lutu spetsanil ja ma'tik niwak ya'tel yuj ja kristyano jumasa, a k'e'uke lokan te' jastal jun jmajtan b'a jtoyjel. K'u'lan b'a sat k'ak'u; b'a jach' oj lamxukon, sok mixani ojto tajkukon sok ja israelenio jumasa'a—.
5Jaxa Moisesi, ti yal yab' ja ma' wa stojb'es ab'al k'umal jumasa yuj ja israelenio, jach' yala jastal iti:
—B'a jujune' ja we'nlexi, yuj k'a ay ma ja' stoyonejan ja dyos Baal-peor b'a wa k'ole'exi, ojni ch'aka mil'exa.
Jach'ni sk'u'lan ja tojb'esnum ab'al k'umal jumasa'a. 6Ja Moises sok ja tuk israelenio jumasa ti wa'ne k'ot ok'el b'a wax ajyi ochel b'a snajtsil tsomjeli, ti yilawe jun winik israelenio wa'n sjokjel och jun ixuk sb'a Madian b'a yoj snaj tojb'el sok k'u'utsi.
7Jaxa Finees yunin ja Eleazar yij ja Aaroni, yajni yila ja jastal jawi, yi'aj ja sni' ja spulte'i, 8och ja b'a na'its lutane'i, schawanile'i ti smila kan tiw ja israelenio sok ja ixuk Madianita. Jach' k'ot tek'an ja wokol wa'n ya'jel yi ajyi ja israelenio jumasa ja Dyosi. 9Jach' sk'u'lan ja winik jawi, yuxta ja k'ak'u jumasa jawi, chamta jun tajb'e sok chane (24,000) mil ja israelenio jumasa.
Ja jas yala ja Dyos oj sk'u'l yi ja Fineesi
10Ja Dyosi, yal yab' ja Moisesi:
11—Ja Fineesi, jach' jastal ke'na: Mi sk'ana oj ja toy'ex pilan dyos ja b'a wala ajyiyon ja ke'n. Jachuk b'ob' ya'ki laman ja jtajkeli, sok mixa ka'yi wokol ja israelenio jumasa. 12-13Ja ye'n sje'a jastal wa sk'anawon, Yuj ja ye'n ja'yuj b'ob' jch'ay yi ja smule ja israelenio jumasa; ja'yuj jk'u'lan sok jun niwan trato ja ye'n sok ja yintil jumasa: Ye'n oj ochuke pagre'il b'a oj a'tijuke jmok spetsanil k'ak'u—.
14Ja winik israelenio it chami, Zimri, ja sb'i'ili, ja' yunin ja Sauli, sok tatal ay b'a jun na'its yuj ja k'ole sb'a Simeoni. 15-19Jaxa ixuk madianita cham soki sb'i'il Cozbi. Ja yunin ja Suri, jun winik ay ya'tel b'a Madian. Ja'yuj ja tsa'an yajni ko'ye'ta mulali, ja Dyosi, yala yab' ja Moises a sch'ay sna'jel spetsanil ja madianita jumasa, ye'nani smule ja lom wa stoyowe ja sdyose Baal-peor ja israelenio jumasa.
Currently Selected:
Numeros 25: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
