Numeros 17
17
Ja yal b'ik'it ste' ja Aaroni
1Ja Dyosi, ti yal yab' ja Moisesi:
2-3Ala yab' ja ma'tik ay ya'tele b'a jujun k'ole yuj ja israelenio jumasa, a yi'e jan a wi jujune yal b'ik'it te', ja b'a yal b'ik'it te' jumasa jawi, tix yi'aje jan sts'ijb'anub'al ja sb'i'ile'i. Ja spetsanili, lajchawe b'ik'it yal te'. B'a b'ik'it yal ste' ja Levi ja oj sts'ijb'ane jan ja sb'i'il ja Aaroni. 4I'aj och b'a snajtsil tsomjel ja b'ik'it yal te' jumasa jawi, ti'xa wa'a b'a sti' sat ja skajonil strato ja Dyosi.
5June ja yal b'ik'it te' jumasa jawi, oj ka nichinuk, ja ma sb'aj ja yal b'ik'it te' jaw oj nichinuki, yuj ye'n wax tsa'a b'a oj sje'yi ja kristyano jumasa ja jas oj k'u'luki. B'a jach' mixa oj sta'ex ti' b'a mi sb'ejuk ja kristyano jumasa—.
6Ja'yuj ja Moisesi, ti yala yab' ja israelenio jumasa, b'a jujun k'ole, ay june ma' niwan ja ya'teli, t'ilan oj yi'e' ochki jujune ja yal b'ik'it te' b'a ti sts'ijb'anub'al och yujile ja sb'i'ile'i. Lajchawe yal b'ik'it te' oj sta' sb'aj ja spetsanili, kechan ti ajtab'axi tiw ja sb'a Aaroni.
7Yajni ch'ak k'otuk ja yal b'ik'it te' jumasa, jaxa Moisesi, ti yi'aj och b'a sti' sat ja skajonil strato ja Dyosi. 8Ja pilan k'ak'u, yajni och ja Moises b'a yoj snajtsil tsomjeli, ti yila xolinita ja yal b'ik'it ste' ja Aaroni, cho ayxa snich, ja sati tak'anxa. 9Jaxa Moisesi, ti'xa ya eluk ja yal b'ik'it te' jumasa b'a sti' sat ja Dyosi, sje'a yi ja kristyano jumasa. Yajni ch'ak yil'e ja ma'tik niwan ja ya'tele'i, ti'xa ch'ak yi'e jujune'e'a.
10Ja Dyosi, ti yala yab' ja Moisesi: —I'aj ja yal b'ik'it ste' ja Aaroni, ti'xa wa' kajan b'a sat ja skajonil strato ja Dyosi. Ti oj kan nolan tiwi, ojto makunuk b'a oj sna' k'inal ja ma mix ajyi toji, b'a jach' mi oj sta'one ti' b'a mi sb'ejuka. Ta oj k'a sk'u'ukone mini oj chamuke'a—.
11Jaxa Moisesi, jach'ni sk'u'lan spetsanil ja jastal yala ja Dyosi, 12-13jaxa israelenio ti yalwe yab' ja Moisesi: —Ta wan k'a la ochtik mojan sok ja snajtsil tsomjeli, yujni oj chamkotika, —Ta jachuki, jpetsaniltik ojni ch'ak chamkotika—
Currently Selected:
Numeros 17: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
