Nahum 2
2
Ja Asiria oj ch'ak sna'jel
1-2Swinkil jumasa chonab' Asiria,
we'n a nol k'ab'inex ja jchonab'ili;
jach' a wa'wex kan jastal jun k'i'ix
naka k'okel yaman ja sk'ab' jumasa,
jaxa Dyosi, oj ni cho ya tsamalb'uk lek
ja schonab'il ja israelenio.
—Chapa a b'aj swinkil chonab' Asiria,
ja ch'akumana ti'xa wajum b'a b'ej.
—Tsomo wa soldado.
—A'a talnuman ja b'a ts'akab' ton smakb'al ja chonab'i.
—K'ela lek ja b'a b'eji
sok chapa ja wa tujk'anub' jumasa.
3-4—K'otumxa ja wa kontra,
wa'n snikjel jan ja spulte jumasa;
ja soldado'ei, naka chak ja sk'u' swexe'i,
cho jach' mismo yelaw ja smakb'al bala yi'oje'i;
ja skarro'e jumasa jex ajni jach' jastal wax lijpi ja chawuki
sok jex lijpi jastal ja tsansewali;
chapanexa b'a tiro'aneli,
sok wa sb'ejtaye ja kaye jumasa sok ja k'achinub'i.
5Ja ma'tik mas niwak ja ya'teli, ye'n wax ya'we ja mandari,
jaxa soldado jumasa ajnel wax waj sk'u'luke;
wanxa stojb'ese ja cha'anil ts'akab' ton jumasa b'a oj skolta sb'aje'i,
yaj ni wax k'e'ye b'a ts'akab' ton jawi,
ti wax mok' ye ko'a.
6—Asiria,
ja wa kontra jumasa oj ch'ak sjom'e ja pwerta jumasa
ja b'a sniwanil wa chonab'ili,
Ja soldado jumasa oj sb'ut' sb'aje ja b'a wa chonab'ili
jaxa b'a niwan na'itsi spetsanile oj k'itk'unuke xiwel.
7Oj syam'e ja ixawalal,
sok ja skriyada jumasa
oj yi'e b'a otro niwan chonab'.
—Spetsanil ja ye'nle'i wan xta alaljuke
wax ok'ye yuj ja syajal ja sb'ak'tele'i.
8Ja ma'tik tey a moki wax ch'ak spak e ajnel ja b'a chonab'i;
—lajan sok jastal ja ja' wax ch'ak waj
b'a jun tanke pojeli,
Ja wa kontra wa sk'ana oj ya'wa tek'an,
mi jas oj b'ob' yuj.
9Ja soldado jumasa ma' kontra'ayi wax awaniye:
—la ki'tik ja oro sok ja sakal tak'in;
—Jel riko ja Asiria
lajan sok mini nunka oj ch'akuka.
10Asiria,
ja sniwanil ja wa chonab'ili ch'akta sna'jel,
kanta jipan sok jel t'usan ja swinkil kani;
ja ma'tik kani wan xta k'itk'unuke xiwel,
mixani jun yip aye'a,
sak xta ja yelawe yuj ja xiweli.
11-12Ja chonab' Asiria jach' ajyi jastal jun k'ak'al choj:
wa smila sok xe'ntiyaman wax ya' kan ajyi ja skontra jumasa,
tsa'an ti wax ch'ak ya elyi ja jastik sb'aji
wax ch'ak sk'epyi ja smoj jumasa.
Mix b'ob' a'ji elyi'e ja slu'ume'i.
¿B'a'xa ay ja yipe ja juts'in b'a?
¿B'a'xa ay ja sk'ak'al soldado jumasa b'a?
13Jach wax yala jastal it ja Dyos kujtiki:
Asiria, ja ke'n mi lek wax kilawa.
Oj ch'ak jtsik ja wa karro jumasa b'a tiro'aneli;
oj ch'ak jmil spetsanil ja ma'tik tey a moki.
Oj ch'ak ka' tek'an ja wa welk'al jumasa,
sok mixani nunka oj maklaxuk pilan majke
jastal wax xiwtani ja wa aluman jumasa.
Ke'n Dyos yuj ja israelenio,
ja jas wax kala yujni jach' oj k'u'luk merana.
Currently Selected:
Nahum 2: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
