Miqueas 6
6
Ja stiro'anel ja Dyos sok ja israelenio jumasa
1-3Israelenio, la' la maklatik. Ja Dyos kujtiki ay jun stiro'anel jmoktik ja ke'ntiki, yani oj sje ki'tik jas koraja. Jach' jastal it wax yala kab'tik ja Dyosi:
—jchonab'il jumasa,
ay ma jas yalata kab' yuj ja we'nlexi,
oj majla oj ja kolta a b'aj.
Paya jastal a testigo a we'na
ja yax k'ul jumasa sok ja loman yaman jumasa,
k'ana yi'ile ke'a smaklaye b'a wa koltajel we'na.
—Ja b'ajtan wax k'ana oj ja wal kab'i:
¿Jasunka mi lekuk jk'u'lanta'a wi'i?,
¿Jas k'ak'u k'umaniyon ab'aj b'a mi lekuki?
4A juluka k'ujol ke'n ka elan libre;
wajyon b'a waj ka elan b'a Egipto,
ja b'a chonab' b'a moso ajyiya;
ke'n jeka ja Moisesi,
ja Aaron sok ja Maria
b'a oj ya elan ja tiwi.
5—Na'awik, jchonab'il jumasa,
ja Balac, mandaranum b'a Moabi,
sneb'unej ajyi b'a oj sk'u'luka wi b'a mi lekuki,
Jaxa ja Balaami yunin ja Beori
sk'u'lana bendisiar sok ja jb'i'ili.
—Cho mok ch'ayuk a k'ujol ja jas ek'
ja yora ek'ya b'a Sitim sok b'a Guilgali;
na'a ke'non ja ma skoltaya.
Ja jas was majlan ja Dyos b'a schonab'ili
Ja we'nlex israelenio jumasa waxa koltana b'ajex b'a waxa walawex:
6—Niwan Dyos sok jmandaranumtikon,
¿Jastal oj je' jb'ajtikon ja b'a sti wa sati?
oj ma b'ob' jk'aptikon awi jun yal wakax b'a jun jab'il,
mini ja'uk ja jaw ja jas waxa k'ana;
7Oj b'ob' k'aptikon awi mil waw chej,
ma lajune mil prasko aceite (aceite),
cho mini ja'uk ja jaw ja jas waxa k'u'lan gusto;
—mini t'un waxa majlan b'a oj ka'tikon awi jastal amajtan
ja sb'ajtanil kuntikiltikon
b'a oj tuptikon ja multikoni.
8Jaxa Dyosi yalata jasunka lek oj ja k'ulukexi cho was smajlan ja jas lek oj ja k'ulukexi. Mi t'un wokoluka: Ja Dyosi was k'ana toj oj ajyanik sok ja wa mojexi, yaj oj ja wabyex ja ma mas ajula sb'aji, sok oj ja toy'ex jastal kechan ye'n ja Dyosi.
Ja wokol sb'a Jerusaleni
9Swinkilex Jerusalen, maklayik ja jas wax yala ja Dyostiki:
10-11—Israelenio,
mixa oj kuch kujil
ja oj ja k'ulukex och ja jastal jel malo'exi.
Spetsanil ja jas waxa k'u'lanexi mini t'un xya'ki gusto'a.
Jel waxa ta'awex ja jastik junuk yuj ja lo'laneli;
waxa yamawex slikulab'il sok b'isulab'il jun jastik mi ts'ikanuk,
sok waxa wa'wex monton b'a wa najex
spetsanil ja jas waxa welk'anexi.
12Ja ma'tik jel ja jastik sb'aji wax yelk'aye ja ma'tik mi jas yi'oji,
sok spetsanil ja b'a chonab' iti jun tantik le'a ab'al.
13—Ja'yuj oj ka stup'e';
—oj ch'ay sna'jele yuj ja smule'i.
14A'nima xwa'ye, mi oj b'ut'uke,
oj kanke sok wa'in;
ja jas oj ya'we eluk b'a lu'umi, oj sch'ay'e';
ta ay k'a jas b'ob' yi'e kani,
ke'n oj ka sch'ay'e' ja b'a tiro'aneli.
15—Oj sts'une' trigo,
mini oj ya' sata;
was pits'awe aceituna b'a oj ya'we eluk aceite,
mi oj b'ob' makunuk yujile;
wa spits'awe ts'usub' b'a oj yu'e,
jasa mi oj b'ob' yu'e.
16Ja we'nlexi mi lek ja jastalexi
ja jastal ja Omri, mandaranum b'a Israeli;
—ja'a nochowex ja jastal jas mal modo
ja yuntikil ja mandaranum Ahabi
ja'yuj oj ch'ay a na'jelex;
—oj ka libre ja kristyano jumasa
jel chin oj yil'ex sok jel oj stse'ukex.
Currently Selected:
Miqueas 6: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
