Miqueas 4
4
Laman ay ja niwak chonab' jumasa
1Ja tiempo b'a jakumi,
ja wits b'a ti wax tax
ja snajtsil stsomjel ja Dyos kujtiki
ja ni ja wits jaw ja mas niwana.
Ja tiwi, oj jakuke jitsan lek ja chonab' jumasa
2sok swinkil jitsan niwak chonab' jumasa,
ti oj yal sb'aje'a:
—La k'e'kotikik ja b'a wits Sion,
b'a snaj ja Dyos yuj ja israelenio,
b'a jach' ye'n oj sje' ki'tik
jastal oj k'u'uktik ja smandar jumasa.
—Ye'n ja Dyos oj sje'kitik
ja ma' oj jak sje'i, ti oj eljan b'a wits Sion,
—Ja yab'ali, ti oj eljan b'a chonab' Jerusalen
3Ye'n ja Dyos oj yal jastal oj ya stup ja smul
ja swinkil ja niwak chonab' jumasa sok ja ma'tik najat aye'i,
jaxa ye'nle'i, ja spunyale jumasa, oj ya'we sutxuk
a'tijub' jumasa b'a a'tel.
Mas tsa'an mixani nunka ye'n ita
oj och k'e'uke tiro'anel ja niwak chonab'i,
sok mixani oj schap sb'aje b'a tiro'anela.
4—Spetsanil ja kristyano jumasa jel gusto oj ajyuke
b'a yib'el ja yaxub'il ja sts'usub'e'i,
ma b'a yaxub'il ja igo jumasa,
ja yujni jach' yalunej ja Dyosi.
5—Mi yocheluk ja tuk niwak chonab' jumasa
wa stoyowe ja mero sdyos ye'nle'i.
—Jaxa ke'ntiki, tola bida wax k'u'antik
ja Dyos kujtik it jel ja yipi.
Ja Dyosi, skolta ja israelenio
6-7Jach' yaloj jastal it ja Dyos kujtiki:
—Ja kuntikili, lajane sok jastal jun nole
chej b'a naka tsats ja yoke'i, sok naka ch'ayele,
yuj ja jel wa'ne yi'jel ja wokol wax ka'yi'e'i.
Cha jelxa mojan ay ja k'ak'u
oj choj tsom'e' pilan majke.
Yaj nix k'ot ja k'ak'u jawi,
sok ja t'usan janek' kanye'i
cho jel jitsan oj ka pojxuke,
man b'a jnaj b'a Jerusalen
ti'ni oj k'u'l mandar tola bida'a.
8—Tsamal wits b'a Sion,
ja we'n jach' ajyiya jastal jun cha'anil ts'akab' ton waxa kolta lek
ja kuntikil jumasa it jex k'ana b'a chonab' Jerusalen;
ja'yuj jach' oj cho ajyan pilan majke ja jastal ajyiya ja mas b'ajtani,
—We'n ja mero sniwanila ja chonab' sb'a kuntikil jumasa.
9-10—Ja we'n swinkil Jerusalen,
oj ok'an sok oj ja k'oktaluk a b'aj yuj ja syajal ja wa wokoli,
jach' jastal jun ixuk
kwando ojxa manxuk altiro ja yalatsi.
Me'y sb'ej ja oj ok'anik;
—ay a mandaranum sok mi sk'u'lana palta a wuj ja rason jumasa.
Mas lek ok'an
yuj ja ma'tik tey a moki oj sjip a kani
ti oj ch'ak wajuke ek' b'a yoj wits,
tsa'an ti oj ch'ak i'juke b'a Babilonia.
Jaxa ke'n oj ni ka eluke libre'a;
ke'n mismo oj ka eluke libre
b'a sk'ab' ja skontra'e jumasa.
11—Jitsan ja swinkil ja niwak chonab' jumasa stsomota sb'aje,
sok mini jun sb'ej ja jastal wax k'umaniye a b'aja:
—B'ob'ta oj b'ob' kiltik
jastal oj k'u'lajuk ganar ja swinkil ja chonab' Jerusaleni.
12—Jaxa swinkil ja niwak chonab' jumasa jawi, mi sna'awe
ja jas wa'n ekel jk'ujol oj k'uluki;
jun jastik mi oj b'ob' yabye sb'ej:
—oj ch'ak jtsom'e' b'a jach' xe'ntiyaman oj ka'kani.
13—Wajtikik swinkil chonab' Jerusalen.
K'e'anik tulu ab'ajik xe'ntiyaman ch'akan awik kani.
Ke'n oj ka' wa wipex jastal ja yip ja swaw wakaxi,
b'a oj ja ch'ay sna'jel jitsan chonab' jumasa;
—ja wa xulub' jumasa oj slaj jastal tak'in.
—Cho jach'ni ja smakb'al jumasa wa olomi,
oj slaj jastal sakal tak'in—
oj ch'ak a japyi'e spetsanil ja jastik sb'aje'i
sok ke'n oj ja wa'ki,
jb'ajni ke'n spetsanil ja lu'uma.
Currently Selected:
Miqueas 4: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
