Levitico 26
26
Slekil yuj ja ma' wa sk'u'an ja ab'ali
1—Mok a k'u'lukex chikan jas tik'e k'u'lub'al dyos, mok a toy'ex, yuj ja ke'n Dyosoni.
2—Je'awik jastal waxa kisawex ja jnajtsil jtsomjeli, cho jijlanik ja sk'ak'u'il jijleli. Ke'n Dyoson yuj ja israelenio jumasa.
3—K'u'anik toj ja kab'al jumasa, 4jaxa ke'n b'a oj ajyuk lek wa jastik a b'ajexi, oj jek a wi'ex ja ja'i. 5Sok jel oj ajyuk, mi oj ja na'ex jas oj ja k'u'lukex sok. Oj wa'anik lek sok jel tsamal oj ajyanik.
6-8—Ke'n oj talnayex, sok ke'n oj ka'ex laman. Mi oj b'ob' xiwanik yuj ja chante b'a k'uli, jach'ni ja ma' mix yilawex leki, mi oj xiwanik yuj, jaxa we'nlexi mi wokoluk oj ja wil'ex sk'ujole: Ja we'nlexi malan sok jo'wane jitsan lek oj spak ajnel a wujilex, jo' tajb'e oj xiwuk a wujilex, ta jo' tajb'e k'a ayex ja we'nlexi, lajune mil oj spak ajnel a wujilex ja ma' mi lek wax yilawexi.
9—Ja ke'n ojni jk'u'l spetsanil ja jas kaloj a wabyexa. Jel oj yajtayex, b'a jach' oj pojxanik lek. 10Jel oj ajyuk wa jas a b'ajexi, oj ja wa'wex eluk b'a mixa lekuki ja' oj ja nol'ex b'a ajk'achi.
11-12—Chikan b'a oj wajanika, ti oj ajyukon a mokexa, sok ti oj cho ajyukon b'a snajtsil tsomjel it a k'u'lunejex ki'i; mi oj tajkukon a mokex. Ja we'nlexi kuntikilex yujni ke'n a Dyosonexa. 13Ke'n Dyoson yuj ja israelenio jumasa, ke'n ka' elanik b'a Egipto. Ja'yuj jel tsamal aye yuj ja mixani ojto ya' sb'aje b'a yib' k'ab'ala.
Ja ma mi sk'u'ani ojni stupa
14-15—Ja we'nlexi, yuj k'a mixa k'u'anex ja kab'ali, kechan k'a waxa k'okowex, mik'axa k'u'lanex ja jastal ja jlo'iltiki, 16-17ja ke'n ojni ka'a tup'exa, kechan tsatsni'a, jach' oj och jomanik jastal jawi. Oj jekawi'ex jun chamel b'a mi oj ja ta'ex yajnal, oj ya'wi'ex jun tsatsal k'ak' man oj stup wa satexi, sok oj sch'ak wa wipexi. Ja ke'n oj jpil jb'aj a mokex, a sch'ak a na'jelex ja ma'tik mi lek wax yilawexi, naka sb'aj ye'nle ja jas a b'ajexi, malan sok oj ja wabyex yab'alil yuj wa'n stsomjel sb'aje b'a oj snol k'ab'ukexi, ojxa ch'ak a pak ex ajnel.
18—Yuj k'a sok ja jaw ti' oj ja wal'ex mi oj ja k'u'ukonex ja ke'n tsats lek oj ka'a tup wa mulexi, 19man oj kixtala'ukex lek. Mi oj ka ya' ja'. Ja satk'inali takin oj ja wil'ex, ja lu'um b'ayexi oj tak juk ele. 20Mi oj makunuk wa wa'telex b'a wa walajex yuj ja mi jas oj ajyuki.
21—Yuj k'a mi la k'okxiyexi, jel tsats oj ka'a tup'ex yuj ja janek' a le'unejex wa mulexi. 22Oj ka' sk'ux'ex ja chante jumasa b'a k'uli, jach'ni wa wuntikilex sok wa chante'exi. Ja ma' kan sak'ani jel t'usan, ja wa b'ejex jumasa takin lu'um k'inal oj ch'ak kanuk.
23—Yuj k'a mi la k'okxiyexi, 24ja ke'n ojni ka'a tupex mas tsats ja wa mulexi. 25Yajni la wajyex b'a tiro'aneli, ti oj chamanik tiwi, ja'ni oj ja tup'ex yuj ja mixa k'u'anex ja kab'ali. A'nima ajnel oj waj ja kolta b'ajex b'a wa chonab'ilex, ja ke'n oj jek a wi'ex niwak chamel sok ojni ka ko'anik sk'ab' ja ma'tik mi lek wax yilawexi. 26Mi oj ka' a wa'elex. Jel ko'el oj ja ta'ex, ja b'a wax tojb'i ja wa'eli, lajune ixuke oj stojb'ese. —Mi oj b'ut'anik yuj ja wa'el jawi.
27—Yujni k'a jach' mi oj k'okxanika, 28Ke'nxa oj k'um jb'ajtikik, tsats lek oj ka'a tup wa mulexi. 29—Oj ja k'ux'ex wa wuntikilexi. 30Ke'n oj ch'ak jom'el ja na'its b'a waxa tsomo ab'ajexi sok ja b'a wax a'xi kajan jas majtan ja Dyosi wa k'u'lub'al dyosexi, wa cham winikexi ti oj ch'ak jtsom b'a sti' sat wa k'u'lub'al dyosexi.
31—Wa chonab'ilex jumasa ke'n oj ka' stsom sb'aj oj ka pax kan jipub'al lu'um, oj jom el ja snajtsil tsomjel a wujilexi, mi oj ki' lek ja yik'il ja smajtan oj ja wa'wex yi'i. 32-33Wa chonab'ilexi, jipan oj ka' kani, jaxa b'a'yexi oj jom ele, oj ki' a patikex sok punyal, jaxa we'nlexi oj ch'ak a pak ex ajnel b'a tuktukil chonab'. Ja ma'tik mi lek wax yilawexi oj cham sk'ujole ja yajnix yilawexi.
34-35Jaxa lu'um yuj ja oj kan jipani, ja'yuj ojni jijluka, yuj ja mi t'un jijli ja k'ak'u ti ajyiyex ja we'nlexi. Kechani ja jastal it oj b'ob' jijluka. Jaxa we'nlexi ti oj ch'ak wajanik saktantan b'a schonab'il ja ma'tik mi lek wax yilawexi. 36Ja ma'tik oj kan sak'ani, jel oj ka xiwuke yuj ja ma'tik mi lek wax iljiye yuji. Yuj k'a wax yabye oj mok' jun yal spo'wil te' oj spak e' ajnel, lajan sok jastal wax yabye ti wa'n tsininuk sb'aje ja punyali; —lom oj mok'uke mi ma wa'n i'jel spatike yuj. 37Ye'n ita oj sjut b'uk sb'aje, mi jas oj b'ob' sk'u'luke b'a sti sat ja ma'tik mi lek wax yila sb'aje soki.
38-40—Man we'nlex oj ja tup'ex ja smul sle'awe wa nan a tatexi, cho jach'ni yuj wa mulex we'nlexi. Chikan b'a oj smil'ex kan ja ma'tik mi lek wax yilawexi. Ti oj jak a k'ujolex ja jastal a le'a wa mulex b'a stij sati. 41Ja ya'n mi la k'okxiyex, jach' waxa k'u'lanex jastal wa sk'u'lane ja swinkil ja niwak chonab' jumasa ma' mi sk'u'anoni, ja'yuj mi oj talna a ya'ulalex, ojni ka'a tup wa mulexa.
42—Ja ke'n ojni jk'u'luk ja jas kal yabye ja Abrahami, ja Isaac sok ja Jacobi, oj ka' lek yip ja lu'um it kalunej oj ka'wi'exi; 43Ja lu'um jawi, ojni a jip'ex kana, oj kan jijluk. Jaxa we'nlexi jelni tsats oj ja tup'ex yuj ja mi a k'u'anex ja kab'al jumasa. 44-45A'nima ti ayex b'a jun chonab' b'a mi lek wax yilawex ja swinkili, ja ke'n mi oj ch'ay a na'jelex a petsanilex. Mi oj tajkukon, ke'n Dyoson yuj ja israelenio jumasa, oj ka ajk'achb'uk ja jlo'il sok ja ma ek' paxta a wujilexi, ja k'ak'u ka elanik b'a Egipto b'a oj ja na'ex yuj ke'n a Dyosonexi. Jel jitsan ja kristyano ja ma'tik yilawe'i.
46Ja' ab'al jumasa iti, ja a'jiyi ja Moises yuj ja Dyos b'a wits Sinai.
Currently Selected:
Levitico 26: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
