Levitico 22
22
Ja lekil majtanal jumasa
1Ja Dyosi, yal yab' ja Moisesi, 2-3ab'i sje' yi ja Aaron sok ja yuntikil jumasa yuj ja jmajtanal jumasa wax a'ji b'a stoyjeli. Ja pagre jumasa ab'i stalnaye lek yuj ja jun majtanal b'a tsa'ub'al wax ya'a ja israelenio jumasa. Ti yala yabye'a:
—Yuj k'a jun pagre ja ma' oj ya'ki ja majtanal it tsa'ub'ali, yuj k'a kistal ay, mokxa lom xwaj sta'on pilan majke. Ke'n Dyoson yuj ja israelenio, ja' majtanal jumasa it ja wax ya'a ja kuntikil jumasa.
4-7—Ay k'a jun pagre wa'n k'a'el ja sb'ak'teli, ma b'a sk'unili, mi oj b'ob' yab' ja majtanal it tsa'ub'ali, man oj tojb'uk ti oj b'ob' yab'a.
—Mini jun pagre oj b'ob' syam ja jas sta'unej sb'ak'tel cham winiki, cho mi oj b'ob' syam jun winik ma' mi lek ay ja sk'unili. Jun winik mi oj b'ob' syam jun b'its'il chan, ta yuj k'a alub'al yuj kistal ayi. Ta yuj k'a syama junuk ja jastik jumasa jawi, kistal wax kan man och a'kwal, cho mi oj b'ob' yab' ja majtanal it tsa'ub'al ta yuj k'a mix noxji b'ajtani.
8—Mini jun pagre oj b'ob' sjom sb'aj yuj sk'uxjel sb'ak'tel cham chante, ma milub'al yuj jun chante b'a k'ul. Ke'n Dyoson yuj ja israelenio jumasa.
9—Spetsanil ja pagre jumasa t'ilan oj sk'u'uke ja ab'al jumasa iti. Ta mi k'a oj sk'u'uke ojni chamuke'a. Ke'n Dyoson yuj ja israelenio ke'n jtsa'uneje b'a oj a'tijuke jmok.
10-11—Ja majtanal it tsa'ub'ali, kechan ye'n oj b'ob' yab' ja pagre jumasa sok ja swinkil snaje'i, mi ma oj b'ob' slok e' jach'ni jun a'tijum ma slok ja pagre mi oj b'ob' yab' ja wa'el jawi.
12—Yuj k'a yak'ix jun pagre wax nupani sok jun winik mi pagre'uk, ja ak'ix jawi mixa oj b'ob' yab' ja wa'el it tsa'ub'ali. 13Kechan ta yuj k'a kan bi'uda'il, ma yuj jipji kani sok mi k'a ay yuntikil, ojni b'ob' yab'a yuj ja ti oj waj b'a snaj ja snan stati.
14—Kechan ta ay k'a ma yab' ja wa'el jaw yuj mi wa sna'a, mi kechanuk ja janek' yab'i, masto a'ay oj ya kumxuk yi ja pagre. 15Mok a ch'ay'ex lom ja majtanal jawi, ja israelenio ya'awe, ja'yuj ja wa stoyowone'i. 16Ja ma oj yab'i ojni sta' smula. Ke'n Dyoson yuj ja israelenio ke'n jpiluneje b'a oj a'tijuke jmok.
Ja chante b'a a'xita
17Ja Dyosi, yal yab' ja Moisesi 18ab'i yal yab' ja ab'al jumasa it ja Aaroni ja yuntikil sok spetsanil ja israelenio:
—Jun israelenio ma jun ma' tuk chonab' jakel wa sk'ana oj stsik jun chante b'a jmajtan, yuj ja wa sk'ana oj sk'u'luk ja jas yaluneji, ma yuj ti wax el b'a sk'ujol oj ya'ki, 19-20t'ilan oj ya'ki jun yal wakax, jun chej, jun chivo. B'a mi yajb'eluk, ta yuj k'a ay syajb'el mi oj ki' lek.
21—Ay k'a ma wa sk'ana oj ya'ki jun jmajtan b'a oj sk'an sak'anil sok slekilal, a ya'ki jun yal chante b'a mey syajb'el.
22—Mok a wi'ex och b'a wax a'xi kajan ja jmajtani ja chante b'a tupel sati, b'a noseli, b'a k'umb'el yok sk'ab'i, b'a yajb'el sok b'a ay sk'o'oni. 23-24Mok a wa'wex ki ja chante b'a b'uyub'al ja snolob'i, b'a mukxel k'e' b'a slukumi, b'a k'utseli, b'a ak'ub'al el yi'i. Ta yuj k'a jach' ay jastal jaw ja chante jumasa b'a oj ja wa'ex ki'i. Ojni b'ob' a wa'exa kechan ja'ni jas waxa k'ana we'nlexi, mi ja'uk ja b'a jastal wax k'ana ja ke'n.
25—Mok a wi'ex yi ja ma' tuk chonab' jakel ta ja k'a oj yi'e jan b'a jmajtan ja chante jumasa jastal jawi. Ja ke'n mix k'ana ja chante b'a mi lek ayi.
26Ja Dyosi, ti yala yab' ja Moisesi:
27Yajnix manxi jun yal wakax, jun yal chej, jun yal chivo, ti oj kan sok juke k'ak'u ja snani. B'a swaxakil k'ak'u oj b'ob' a wa'ex ki b'a jmajtan.
28—Mok a mil'ex b'a jun ita k'ak'u jun wakax sok ja yali, cho jach'ni jun chej sok ja yali.
29—Yajni oj ja wa'wex ki jun jmajtan yuj ja oj ja k'an'exki ts'akatali, ja'xa wa'wex ki ja jastal wax k'ana, ojni ki' leka. 30Ja k'ak'u oj ja wa'ex ki'i, ja k'ak'u oj chak a k'ux'ex ja sb'ak'teli, mi jas oj ja wa'ex kan sb'a pilan k'ak'u. Ke'n Dyoson yuj ja israelenio jumasa.
31-33—Israelenio jumasa, k'u'anik ja kab'al jumasa, mok lom a wixtala'ukex ja jb'i'il yuj ja tsa'ub'al leki, a petsanilex ojni a kis'onex leka. Ke'n Dyoson yuj ja israelenio it ka eluke b'a Egipto, b'a oj tukb'ese lek ja ye'nle yuj ja tuk jumasa.
Currently Selected:
Levitico 22: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
