Levitico 18
18
Mi lekuk ja oj ja ta'ab'asok tuk ixuki
1Ja Dyosi, yal yab' ja Moises 2ab'i yal yab' ja israelenio ja ab'al jumasa iti:
—Ke'n Dyoson yuj ja israelenio jumasa. 3Ja we'nlexi, ti ajyiyex b'a Egipto, jaxa ya'n ti oj ki'ex b'a Canaan, kechan mi jach' oj ja k'u'lukex ja jastal wa sk'u'lane ja egipsiano sok ja cananeo jumasa. 4-5Jach' oj ajyanik jastal iti, k'u'anik spetsanil ja kab'ali. Ke'n Dyoson yuj ja israelenio jumasa.
6-7—Mi ma oj b'ob' sta' sb'aj sok jun ixuk smoj alijel sb'aj sok, cho jach'ni sok snan yuj ja oj sta' smul sok ja stati. Ke'n Dyoson yuj ja israelenio jumasa.
8—Mi ma oj b'ob' sta' sb'aj sok ja sche'um ja stati, 9cho jach'ni ja swatsi, a'nima kechan ti manxi b'a yoj na'its tukxa na'its waj k'i'uk, mi oj b'ob' sta' sb'aj sok.
10—Mok a luts' a b'ajex sok jun a wijex, a'nima ja a wij yuj wa wunin keremi ma ja'yuj wa wunin ixuki.
11—Mi ma oj b'ob' sluts' sb'aj sok ja yal ja sche'um ja stati. Ja jastal jawi lajan sok ja wa sta'a sb'aj sok ja swatsi.
12—Mi ma oj b'ob' sta' sb'aj sok ja swats wa tati, 13jach'ni ja swats ja snani, 14ja sche'um ja statjun yuj ja sme'juni.
15—Mi ma oj b'ob' sta' sb'aj sok ja yalib'i, 16jach'ni ja smoj alijel ja sche'umi.
17—Yuj k'a a ta'unej a b'aj sok b'ajtan jun ixuk, mi oj cho b'ob' a ta' a b'aj sok ja yali, jach'ni ja yij yuj ja a moj alijel a b'aj soki, a ta'a k'a a b'aj sok wanixa ch'ika a b'aj jun niwan mulala.
18—Mi oj b'ob' yi b'a oj sche'umuk ja swats ja che'umi, sok mi oj b'ob' yi' sb'aj sok ta yuj k'a sak'anto ja sche'umi, ja schawanile'i mi oj yil sb'aje lek.
19—Mi ma oj b'ob' sta' sb'aj sok jun ixuk ta yuj k'a tey ja skuxili.
20—Mi ma oj b'ob' sta' sb'aj sok sche'um pilan winik, ay k'a ma' sk'u'lan oj na'xuk yuj kistal ay.
21—Mi ma oj b'ob' ya' ja yuntikil b'a oj smajtanuk ja dyos Moloki,#18:21 Ja Moloki, ja jach' sb'i'il yuj ja sdyos ja swinkil Fenicia, yajni wa stoyowe'i, wa smilawe yal untik b'a smajtani. mok a wa'wex tajkukon ja jastal jawi. Ke'n Dyoson yuj ja israelenio jumasa.
22—Mi ma oj b'ob' sta' sb'aj sok smoj winikil, ja jawi, mi sb'ejuk.
23—Spetsanil ja ma wa sta'a sb'aj sok chante'i, jun winik kistal.
24-26—Spetsanil ja jastal iti, mok a k'u'lukex ja we'nlexi, mok a jom a b'ajex, spetsanil ja kristyano jumasa ma'tik oj ka eluke b'a lu'um oj ka'wi'exi, yujni jach' wa sk'u'lane'a, ja'yuj man b'a schonab'il sjomowe. Ja'yuj wax kala wabyex ja we'nlexi, mok a k'u'lukex ja jastal jawi. 27-28Ta a k'u'lanex k'a ja jas wax kala mi oj ja k'u'lukexi, ojni cho a jom'ex jawa chonab'ilexa, ojni cho jnutsxanika.
29-30Ja'yuj k'u'lanik ja kab'al jumasa, spetsanil ja jastal sk'u'lane b'a mi sb'ejuk ja kristyano jumasa jawi, mok a noch ex. Ta ay k'a ma oj sk'u'luk b'a mi sb'ejuki, oj nuts ja b'a chonab' jawi. Yuj ja ke'n Dyoson yuj ja israelenio jumasa.
Currently Selected:
Levitico 18: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
