Levitico 17
17
Jas snajtsil tsomjeli
1Ja Dyosi, yal yab' ja Moises 2ab'i yal yab' ja ab'al jumasa it ja pagre sok spetsanil ja israelenio jumasa:
3-4Chikan ma oj ya'ki jun wakax, jun chej, ma jun chivo b'a jmajtan, t'ilan ti oj smil b'a wax ajyi ochel b'a snajtsil tsomjeli. Yuj k'a pilan b'a waj smila, yojol ma b'a stsomo sb'aje ja kristyano'i, wani sch'ika sb'aj jun niwan mulala, oj nutsxuk el b'a yoj chonab' jawi.
5—Ja kristyano ma oj ya'ki ja chante jumasa jawi, yuj k'a oj sk'an sak'anile, t'ilan ti oj yi'e och b'a wax ajyi ochel b'a najtsil tsomjel it tsa'ub'ali. Ti oj ya'weyi b'a sk'ab' ja pagre, ye'nxa oj yi'e jan ki'a. 6Jaxa schik'el ja chante jumasa jawi, ti oj tsijuk b'a wax a'xi kajan ja jmajtani, jaxa skojlelali, oj stsik ki' yuj ja wa stoyowoni, jun majtanal b'a jex ajb'ani yik'il. 7B'a jachuk, ja israelenio jumasa, mixa ja' oj ya'we yi smajtan ja tantik pukuj it oj slaj jastal chivo, ja ab'al iti, mi ma oj b'ob' stukb'es.
8—Chikan machunk'a, jun israelenio ma jun ma' jakel tuk chonab' tey tiwi, oj k'a ya'ki jun chante b'a oj stsik yuj ja oj stoy'oni, 9t'ilan ti oj stsik b'a wax ajyi ochel b'a snajtsil tsomjeli. Mik'a oj sk'u'luki, oj nutsxuk ja b'a chonab'i.
10—Chikan machunk'a, jun israelenio ma jun ma' tuk chonab' jakel tey tiw wa sk'uxu b'ak'et sok schik'el, mi lek oj kil ja ke'n, oj nuts ja b'a chonab' jawi. 11Ja chante'i, tey ja sak'anil b'a schik'el. Ke'n ka'oj yi ja schik'el ja chante b'a ti oj ja pek'ex ki b'a sat b'a wax a'xi kajan ja jmajtani, jel lek yuj ja ay ja chik' jawi, ja'yuj wax b'ob' ch'ayxuk wa mulexi. 12Ja'yuj ja b'ak'et oj sk'ux ja israelenio jumasa, ma ja ma' tuk chonab' jakeli, ja'ni b'a mi jas chik' yi'oji.
13—Chikan machunk'a, jun israelenio ma jun ma' tuk chonab' jakel tey tiwi, syama jan jun yal chan ma junuk ja chante b'a lek sk'uxjeli, oj ch'ak spek' b'ajtan ja schik'eli, oj smus kan ts'ub' lu'um. 14Na'awik lek ja sak'anil ja chante jumasa tey b'a schik'el. Ja'yuj mix k'ana oj ja k'ux'ex b'ak'et sok schik'el, ja ma mi oj sk'u'uki oj nutsxuk ja b'a yoj chonab'i.
15—Chikan machunk'a, jun israelenio ma jun ma' tuk chonab' jakel, yuj k'a wa sta'a jun cham chante sok wa sk'uxu, kistal oj ajyuk man oj och ja a'kwali, t'ilan oj schuk' lek ja sk'u' swexi oj cho noxjuk lek. 16Ta mik'a sk'u'an ja kab'ali, ojni ka stup ta yuj k'a wa sk'oko'a.
Currently Selected:
Levitico 17: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
