Josue 5
5
1Ja jastal ya takjuk ja Dyos ja niwan ja' Jordani, ch'ak sna'e ja smandaranum ja amorreo ma' ti' aye b'a stojol wax och ja k'ak'u yuj ja Jordani, cho sna'awe ja mandaranum sb'a cananeo jumasa. Yajni yabye sok yok ch'ak ek'uke ja israelenio jumasa b'a yoj ja'i, jel och ja sxiwele'i, mi sk'ana oj sta' sb'aje sok.
Ti a'ji senya ja swinkile'i b'a chonab' Guilgal
2Ja Dyosi, sk'uman ja Josue ti yal ya b'a: —Ala yabye a sk'u'luke chab' oxuk kuchilo, ch'akan a senya ja swinkile'i ja winik israelenio.
3Jach'ni sk'u'lan ja Josue ja jastal alji yab' yuj ja Dyosi. Man ya'n ja chonab' b'a ya'we yi senya ja swinkile' ja winike'i, sb'i'il wits Aralot. Ja it ja b'a k'umal hebreo,#5:3 Aralot wa sk'ana yale —Prepucio. Xe'n sts'ujmil b'a sparte ja winiki. 4Ja iti, jel t'ilan k'u'laxi, spetsanil ja niwak kristyano jumasa ma'tik ay senya elye b'a Egipto, ti ch'ak chamuke kan b'a takin lu'um k'inal. 5Spetsanil ja niwak winik sok ja keremtik ma'tik elye jan b'a Egipto naka ay senya b'a swinkile'i. Jaxa spetsanil ja ma'tik ti'xa manxi b'a takin lu'um k'inali, mini jun ma ay senya ja swinkile'i. 6Ja israelenio jumasa, yuj ja alb'iye chab' tajb'e (40) jab'il ja b'a takin lu'um k'inali, ja'yuj ja ma'tik niwakxa ch'ak eluke b'a Egipto ch'akta chamuke. Ja kristyano jumasa jawi, mini sk'u'ane ja Dyosi, ja'yuj ja Dyosi yala mi oj ya ochuk ja b'a lekil lu'um it sk'apayi ja ma ek' paxta yujile'i, iday jex ajyi ja jastiki. 7Jachuk ja Josue ya'yi senya b'a swinkile'i ja yuntikil ja kristyano jumasa jawi, yuj ja spetsanil ja k'ak'u janek' ti aye b'a b'eji mini b'a sk'u'lan ja a'tel ita. 8Yajni ch'ak a'juk yi'e ja senya'e'i, spetsanile ti kanye b'a na'its k'u'lub'al sok k'u'uts, man tojb'i ja syajb'ele'i.
9Ja'yuj ja Dyosi, yal yab' ja Josue: —Sok ja iti, ja ka el wa k'ixwelex yuj ja lom ochyex moso'il b'a Egipto. Ja'yuj man ya'n ja jawi, ja'to yi'oj ja sb'i'il Guilgali.
10B'a chan lajune yajtab' ja sb'ajtanil ixaw yuj ja judio jumasa, ja wa sk'u'lane ja k'in b'a sya'al k'inal ja israelenio jumasa, ja k'in jawi ti sk'u'lane b'a Guilgal b'a job'iltik mojan sok Jerico. 11B'a pilan k'ak'u ja' sb'ajtanil yabye yajb'al ja sb'a'al ja lu'um b'a Canaani: Ja yabye'i, b'akb'el sat trigo, waj b'a mey yi'oj levadura. 12Ja junxta k'ak'u jawi mixa ko' ja manaji. Ja israelenio jumasa mixa manajuk yabye, ja'xa yabye ja sb'a'al ja lu'um b'a Canaani.
Ja Josue sok ja winik yaman smachiti
13Jun k'ak'u ja Josue ja yajni ti'to aye mojan b'a Jerico, ti yila tek'an jun winik b'a sti' sati yaman smachit. Jaxa Josue, och sta' mojan ti sjob'o yi'a:
¿Yuj a ma yuj jmoj jb'ajtik, ma yuj ja' junuk ja ma' mi lek wax kila jb'ajtikon soki?
14—Ti yala ja winiki —mini jun ja'uk ja jas waxa wala —Ke'n ay niwan ja ka'tel yuj ja soldado jumasa ja Dyosi. Jaxa juts'in it b'a'yon a moka.
Jaxa Josue, juts'in ko' mek'an snujts'in ja s'olomi, man sta'a ja lu'um ja spatani, ti yala'a:
—Wax ka'a jb'aj b'a wa k'ab'. Chikan ja swaxa k'ana oj jk'u'luk ojni jk'u'luka.
15Jaxa winik ma' niwan ja ya'tel yuj ja soldado jumasa ja Dyosi, ti yal yab' ja Josue:
—Sopo wa xanab'i, ja b'a'ya'i, tsa'ub'al.
Jaxa Josue soponi jas xanab'i.
Currently Selected:
Josue 5: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
