Josue 4
4
Ja lajchawe toni
1Yajni ch'ak ek' spetsanil ja israelenio jumasa ja b'a niwan ja' Jordani, ja Dyosi, ti yal yab' ja Josuei: 2—Tsa'a lajchawe winik, a el june b'a jujune k'ole, 3ala yabye, ti xtek'aniye b'a ajyi tek'an ja pagre jumasa b'a snalan ja niwan ja' Jordani. A ya'we el jujune stone, tix yi'aje och ja b'a oj kananik ja ya'n a'kwali.
4Jaxa Josue ti spaya ja lajchawe winik it stsa'ata, 5ti yala ya b'a:
—Ka'axik och man b'a snalan ja ja' b'a sti sat ja skajonil strato ja Dyosi, b'a jujunex a'wik el jujune ton ja b'a yoj ja'i, june b'a jujune k'ole yuj ja israelenio jumasa k'echawik oche. 6Sok ja ton jumasa jawi, latsawik, yajni oj sjob' ja wa wuntikilexi, ja schol ja ton jumasa iti, 7jaxa we'nlexi, ti oj ja wal'ex yabye'a, ja yajni ochye ja pagre jumasa b'a yoj ja' sok ja skajonil strato ja Dyosi, ja niwan yok ja' b'a Jordani mixa yi'aj yok. Ja'yuj ja ton jumasa iti, wax makuni b'a wax jak sk'ujol ja israelenio jumasa ja jas sk'u'lan ja Dyos ja ili.
8Ja lajchawe winike'i, jach'ni sk'u'lane ja jastal alji yab' ja Josue yuj ja Dyosi. B'a snalan ja niwan ja' Jordani, ya'we el lajchawe ton, ti slatsawe b'a chonab' ajyiye'i. B'a jujune k'ole yuj ja israelenio jumasa ya'we och jujune ton. 9Jach'ni ja Josue cho stojb'es lajchawe ton ja ye'n b'a niwan ja' Jordani, ja'ni b'a chonab' ajyiye tek'an sok ja skajonil strato ja Dyosi. Ja ton jumasa jawi man ya'n ti'toni aya. 10Ja pagre jumasa, ti kanye tek'an b'a snalan ja ja'i, man ch'ak sk'u'luk spetsanil ja kristyano jumasa ja jas alji yab' ja Josue yuj ja Dyosi. Cho ja'ni ja ab'al jumasa iti, ja Moisesi cho yalani yab' ja Josue.
Jaxa kristyano jumasa snutsu sb'aj b'a oj ek'uke b'a niwan ja'i, 11yajni ch'ak ek'uke'i, ti'xa cho ek' ja pagre jumasa, sok ja skajonil strato ja Dyosi, jach' jastal yajni ajyiye ti' yoj ja'i, jach'ni cho ti ajyiye b'a sti' sat ja yajni ti'xa aye b'a sk'axil ja ja'i. 12Ja k'ole sb'a Rubeni, sb'a Gadi sok snalan ja sb'a Manasesi, mitox ch'ak ek'uk ja kristyano jumasa ja ek' sk'uts e' ja ja' ja ye'nle'i, jach' alji yabye yuj ja Moises ye'n oj ek'uke b'ajtan yuj ja ay stujk'anub'e b'a tiro'aneli. 13Ja ma'tik ek' sk'uts ja ja' b'a lajan k'inal b'a Jerico ay ma chab' tajb'e mil (40,000) winik sok yok wajume b'a tiro'aneli. Ye'n b'ajtan wajume yuj ja skajonil strato ja Dyosi sok ja kajon jawi lajan sok ye'nani satilajel ab'al tey soke ja Dyosi. 14Jach' sk'u'lan ja Dyos ja k'ak'u jawi, ja b'a oj ya sna' spetsanil ja israelenio jumasa jun niwan ma' ay ya'tel ja Josue. Ja janek' ajyi sak'anili, jach' skisawe lek jastal skisawe ja Moises ja b'ajtani.
15Ja'yuj ja Dyosi, ti yal yab' ja Josue: 16—Ala yabye ja pagre jumasa ma'tik yi'oje ja skajonil strato, a eluke ja b'a niwan ja' Jordani.
17Jaxa Josue jach'ni sk'u'lana, 18yajni elye k'ot ja pagre jumasa b'a k'axi, ti'xa yi'aj yok ja ja'i, kajpuji man b'a sti' jastalni ajyi.
19Lajune yajtab' ja sb'ajtanil ixaw yuj ja judio jumasa.#4:19 Jaxa b'a ke'ntiki, b'a snalan ja ixaw marso sok snalan ja yixawil abrili. Ja' ek' sk'uts e' sok yoke ja niwan ja' Jordan ja israelenio jumasa, ja snaje'i ti sk'u'lane b'a mojan sok ja chonab' Guilgal b'a stojol wax jak ja k'ak'u yuj ja Jerico. 20Ti yala ja Josue a slats e' tiw ja ton jumasa it ya'we el b'a niwan ja' Jordani, 21ti yala yab' ja israelenio jumasa:
—Ja wa wuntikilex ja tsa'ani, oj sjob'e', jas sb'ej ja ton jumasa iti, 22jaxa we'nlexi, ti oj ja wal'ex yabye'a, ja b'a oj ya jak jk'ujoltikon ja janek' israelenio'otikon jastal takin ek' jk'utstikon ja niwan ja' Jordani. 23Oj cho a wal'ex yabye ja Dyosi, stima ja niwan yok ja' b'a Jordani, man ch'ak e'kotikon jpetsaniltikon, ja' lajan sok ja jastal ek' jk'utstikon ja niwan paman ja' it jel yakili. 24Jach' sk'u'lan jastal iti, ja' b'a oj ya sna' spetsanil ja kristyano jumasa jel ja yip ja Dyosi, b'a jach spetsanil k'ak'u oj ja toy'ex ja we'nlexi.
Currently Selected:
Josue 4: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
