Josue 16
16
Ja slu'ume ja Efrain sok ja Manasesi
1Ja b'a sts'ajk'an sb'aj sok ja lu'um jumasa b'a a'ji yi'e ja yintil jumasa ja Jose, ti wa stuluyi b'a ko'el k'inal b'a wax b'ojti ja ja' b'a Jerico b'a mojan sok ja niwan ja' Jordani. Ti wax cho ek' b'a Jerico spetsanil ti wax ek' b'a yoj wits, b'a yoj yaxk'ul, wax k'ot man b'a Betel. 2Wax ek' b'a Betel b'a Atarot, b'a ajyiye ja arquita jumasa. 3Wax cho waji, ti wax ek' b'a stojol wax och ja k'ak'u yuj ja jafletita jumasa, man yib'el ko ja Bet-joroni. Man tiwi ti wax ek' b'a Guezer, ti wax waj ch'ak b'a niwan paman ja' Mediterraneo. 4Jachuk yi'aje kan ja Efrain sok Manases yintil ja Jose ja janek' t'ilan oj yi'ekani.
Ja slu'ume ja k'ole sb'a Efraini
5Ja slu'ume ja k'ole sb'a Efraini, ti wa stuluyi b'a Atarot, snajtil wax waj b'a stojol wax jak ja k'ak'u, wax k'ot man b'a k'e'el k'inal yuj ja Bet-joroni, 6Man tiwi wax cho k'ot man b'a niwan paman ja' Mediterraneo. Man b'a k'e'el k'inal b'ay ja Micmetati, ja b'a wa sts'ajk'an sb'aj soki ti wax waj b'a stojol wax jak ja k'ak'u, man b'a Taanat-silo, ti wax cho ek' och b'a Janoah. 7Tsa'an ti wax ko' och b'a Atarot, wax ek' b'a Naara, b'a Jerico, ti wax waj ch'ak b'a niwan ja' Jordan. 8Man b'a Tapua, b'a wa sts'ajk'an sb'aj soki, ti wax ek' b'a stojol wax och ja k'ak'u, man b'a uk'um ay ya'lel b'a Canaan, ti'xa wax waj ch'ak man b'a niwan paman ja' Mediterraneo. Ja lu'um jumasa it ja a'jiyi'e ja k'ole jumasa yintil ja Efraini. 9Cho yi'ajeto jujuntik chonab' sok jujuntik yal ch'in chonab' jumasa b'a tey yoj slu'um ja Manasesi.
10Jachuk ja smoj jumasa ja Efraini mi b'ob' ya'we eluk ja cananeo jumasa it ti ajyiye b'a Guezeri, tini ya'we kan tiwa, kechan st'enawe a a'tijuk soke jastal moso'il.
Currently Selected:
Josue 16: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
