Josue 15
15
Ja slu'ume ja k'ole sb'a Juda
1Ja lu'um b'a ko' sb'aj oj yi' ja k'ole sb'a Juda, ti stuluyi b'a ko'el k'inal yuj ja takin lu'um k'inal Sini, man Teman b'a sts'ajk'an sb'aj sok ja Edomi. 2Ja b'a sts'ajk'an iti, ti wa stuluyi, b'a ko'el k'inal yuj ja sti' ja niwan paman ja' it mi snika sb'aji, 3-4toj ko'el k'inalni wax waja, man b'a wax ayi ek'el b'a Acrabim, wa sk'utsu och ja wits b'a Sini, ti wax ek' sk'uts och b'a ko'el k'inal yuj ja Cades-barnea. Wantox cho waji man b'a chonab' Hezron, ti wax k'e' och b'a chonab' Adar, wax waj sututuk man b'a chonab' Asmon. Man tiwi wax cho waji, ti wax ek' b'a jun uk'um b'a wa sts'ajk'an sb'aj sok ja slujmal Egipto ti wax waj ch'ak b'a niwan paman ja' Mediterraneo. Ja iti ja wa sts'ajk'an sb'aj sok b'a ko'el k'inal ja slu'um ja Juda.
5Ja b'a sts'ajk'an sb'aje sok b'a stojol wax jak ja k'ak'u, ja' spetsanil ja niwan paman ja' it lajan sok chamelxa'i, man b'a sti' niwan ja' Jordan. Ti wa stuluyi tiw ja b'a sts'ajk'an sb'aj sok ja b'a k'e'el k'inali, 6ti wax k'e' man b'a Bet-hogla ti wax ek' b'a k'e'el k'inal yuj ja Bet-arabaji, man b'a niwan patak' sb'a Bohan yunin ja Rubeni. 7Tsa'anto ek' ja b'a loman yaman sb'a Acori, man Debir, ti el k'ot b'a Guilgal, sk'oko sb'a b'a stojol ja Adumim b'a loman yaman b'a ko'el k'inali; ti ek' b'a yok ja' b'a En-semes, k'ot man b'a En-roguel; 8ek' sk'uts och ja loman yaman b'a Ben-hinomi, ja it tey b'a k'o'el k'inal yuj ja Jerusaleni, ti ek' och b'a yoj wits b'a stojol wax och ja k'ak'u yuj ja loman yaman jumasa, b'a Hinomi, man tiwi ti waj ko' k'ot b'a lajan lu'um jumasa b'a Refaim; 9waj ya' sututuk man b'a wits man b'a yok ja' Neftoah, ti ek' och b'a chonab' jumasa b'a wits Efron, sok b'a chonab' Quiriat-jearim. 10Ja b'a stojol wax och ja k'ak'u yuj ja Baalaji, ja b'a wa sts'ajk'an sb'aj soki, wax k'ot man b'a wits Seir, ti wax ek' och b'a Quesalon, jaxa b'a k'e'el k'inali, ti wax ek' b'a wits Jeyarim, ti wax waj ko' k'ot man b'a Bet-semes, ti wax ek' och b'a Timna. 11Man tiwi, wax cho waji, ti wax ek' och b'a switsil b'a k'e'el k'inal ja Ecroni, wax cho waji, ti wax ek' b'a Sicron, man b'a Jabneel, ti wax ek' b'a wits Baala, ti wax waj ch'ak man b'a niwan paman ja' Mediterraneo. 12Jaxa b'a tsa'an b'a sts'ajk'an sb'aj sok b'a stojol wax och ja k'ak'u, ja'ni ja niwan paman ja' Mediterraneo. Spetsanil ja iti, ja b'a wa sts'ajk'an sb'aj sok ja lu'um jumasa yi'aje kan ja yintil jumasa ja k'ole sb'a Juda.
Ja Hebron sok ja Debiri, el kan yuj ja Calebi
13Ja Dyosi, yaloj yab' ja Josue: A'yi xe'nuk ja lu'um it yi'oj ja k'ole jumasa sb'a Juda b'a Caleb yunin ja Jefune.
Ja'yuj, ja Josue, ja ya'yi ja chonab' b'a Hebron b'a ye'n ya' kulan ja winik Arba, ye'n ja tatal ay yuj ja cha'anil kristyano jumasa. 14Ja b'a chonab' jawi, ti ajyiye ja cha'anil kristyano jumasa sb'a Sesai, sb'a Ahimani, sok sb'a Talmai. Ja kristyano jumasa jawi, ch'ak snuts el ja Calebi, ye'n yi'aj kan ja chonab' jawi. 15Tsa'an snol k'ab'ine ja swinkil ja Debiri. 16Ti yala ja Caleb: Ja ma oj sk'u'l sb'aj winikil oj ochuk ja b'a Debiri, oj ka'yi ja kak'ix Acsa b'a oj nupanuk sok.
17Ja ma sk'u'lan sb'aj winikil ya eluk ja chonab' jawi, ja' smoj alijel Otoniel yunin ja Quenazi, ja'ni jastal yala ja Caleb oj ya' ja yunini, ya'ni nupanuk sok ja Otonieli. 18Ja k'ak'u nupaniye'i, ti yala yab' ja sche'um ja Otonieli:
—Al yab' wa tati, a ya'ki'tik jlu'umtik.
Ja sche'umi ti ko' ja b'a sburro, jaxa Caleb ti sjob'oyi'a, jasun waxa k'ana. 19Jaxa ye'n ti yala'a:
—Ay jas wax k'ana oj ja k'eb' ki b'a jnupaneli. A wa'a ta ki jlu'um yuxta toj takin lu'um. Ja ya'n wax cho jk'ana oj ja wa'ki ja b'ojtum ja' jumasa.
Jaxa Caleb ya'yi ja b'ojtum ja' b'a witsi, sok ja b'ojtum ja' b'a lomani.
Ja chonab' jumasa sb'a k'ole sb'a Juda
20Ja slechanal ja lu'um b'a ch'ak yi'ekan ja k'ole jumasa sb'a Juda, sok ja chonab' jumasa, ja iti: 21Ja b'a ko'el k'inal mojan b'a wa sts'ajk'an sb'aj sok ja Edomi, ye'n ti ajyiye ja Cabseeli, ja Ederi, ja Jaguri, 22Ja Quina, ja Dimona, ja Adada, 23ja Sedes, ja Hasor, ja Itnan, 24Ja Zif, ja Telem, ja Bealot, 25ja Hasor-hadata, ja Querioti, ja Hesron, 26ja Amam, ja Sema, ja Molada, 27ja Hasar-gada, ja Hesmon, ja Bet-pelet, 28ja Hasar-sual, ja Beerseba sok ja tuk chonab' jumasa, 29ja Baala, ja Iim, ja Esem, 30ja Eltolad, ja Quesil, ja Horma, 31ja Siclag, ja Madmana, ja Sansana, 32ja Lebaot, ja Silhim sok ja En-rimon. Ja spetsanili ay jun tajb'e b'alune (29) chonab' pilan ja yal ch'in chonab' jumasa tey b'a sjoyanali.
33Ja chonab' jumasa tey b'a lajan k'inali, ja' it jumasa: Estaol, Sora, Asna, 34Zanoah, En-ganim, Tapuah, Enam, 35Jarmut, Adulam, Soco, Azeca, 36Saaraim, Aditaim, Guedera, sok Guederotaim, ja spetsanili ay chan lajune (14) chonab' pilan ja yal ch'in chonab' jumasa tey b'a sjoyanali.
37Ja tuk chonab' jumasa ja iti. Senan, Hadasa, Migdal-gad, 38Dilean, Mispa, Jocteel, 39Laquis, Boscat, Eglon, 40Cabon, Lahmam, Quitlis, 41Guederot, Bet-dagon, Naamaj sok Maqueda, wak lajune (16) chonab' pilan ja yal ch'in chonab' jumasa.
42Cho tey ja chonab' jumasa, Libna, Eter, Asan, 43Ifta, Seana, Nesib, 44Queila, Aczib sok Maresa, ay b'alune (9), pilan ja yal ch'in chonab' jumasa.
45Cho tey ja chonab' Ecroni, ay jitsan schonab'il ja ye'n, sok ay yi'oj yal ch'in chonab' jumasa, 46spetsanil ja chonab' jumasa sok ja yal ch'in chonab' jumasa mojan yi'oj ja Asdoti, man b'a Ecron man b'a niwan paman ja' Mediterraneo.
47Spetsanil ja schonab'il jumasa ja Asdod sok ja Gaza sta'unej sb'aj june'ita, spetsanil ti wax kan yojol ja niwan ja' b'a Egipto sok mojan b'a sti' ja niwan paman ja' Mediterraneo.
48Ja chonab' jumasa yi'oj ja Juda b'a yaxk'uli, ja it jumasa: Samir, Jatir, Soco, 49Danaj, Debir, 50Anab, Estemoa, Anim, 51Gosen, Holon, sok Guilo. Ay juluche (11) chonab' sok pilan ja yal ch'in chonab' jumasa.
52-54Ja tuk b'alune (9) chonab' sok ja yal ch'in chonab', ja it jumasa sb'i'il: Arab, Duma, Esan, Janum, Bet-tapua, Apecan, Humtaj, Sior sok Hebron.
55Ay lajune (10) chonab' sok pilan ja yal ch'in chonab', ja it jumasa: Mauon, Carmel, Zif, Juta, 56Jezreel, Jocdeam, Zanoah, 57Cain, Guibea sok Timna.
58Ja chonab' jumasa, Haljul, Bet-sur, sok Guedor, 59Maarat, Bet-anot, sok Eltecon, wake (6) chonab' sok pilan ja yal ch'in chonab' jumasa.
60Ja chab' (2) chonab' Quiriat-jearim sok ja Raba pilan ja yal ch'in chonab' jumasa.
61Ja b'a witsi, ja ko' sb'aje ja Bet-arbaj, Midim, Secaca, 62Ja Nibsan, schonab'il Ats'am sok ja En-gadi, ay wake (6) chonab' sok pilan ja yal ch'in chonab' jumasa.
63Jaxa k'ole sb'a Juda, mi b'ob' ya'we eluk ja jebuseo jumasa tey b'a Jerusaleni; ja'yuj man ya'ni ti'ni aye'a.
Currently Selected:
Josue 15: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
