Josue 13
13
Ja lu'um jumasa b'a mitox i'xikani
1Ek' jitsan jab'il jaxa Josue jelxa awel ti yala ja Dyosi:
—Ja we'n jelxa awela, sok ayto lek ja lu'um b'a ojto i'xuk kani. 2Ti'to ay ja b'a'ye ja filisteo jumasa, sok spetsanil ja sb'a guesureo jumasa, 3man b'a yok ja' Sihor b'a stojol wax jak ja k'ak'u yuj ja Egipto, man b'a sts'ajk'an sb'aj sok ja Ecron b'a k'e'el k'inali, nakani ja slu'um ja cananeo'a. Ja tiwi ay jo'e ma' niwak ja ya'tel yuj ja filisteo jumasa, ti aye b'a chonab' jumasa b'a Gaza, b'a Asdodi, b'a Ascaloni, b'a Gad sok b'a Ecroni. Cho ti'to ay ja sb'a aveo jumasa, 4b'a ko'el k'inali, jachuk ayto jitsan lu'um ja sb'a cananeo jumasa b'a oj i'xukani, man b'a Megara sb'a sidonio jumasa, man b'a Afec b'a wa sts'ajk'an sb'aj sok ja slu'um ja amorreo jumasa. 5Mito xa wi'ajex kan ja b'aye ja guiblita jumasa, mitoni b'a stojol wax jak ja k'ak'u yuj ja Libano, man b'a Baal-gad b'a wits b'a ko'el k'inali, man b'a wax ajyi ek'el b'a Hamati. 6Ti oj yil ja israelenio jastal oj ch'aka eluk ja sidonio jumasa ma ti aye b'a yaxk'uli, man b'a Libano man b'a Misrefot-maim. Jaxa we'n ja oj ja choluk oj ja k'epyi slu'um ja israelenio jumasa, yujni jach' kaloj a wab'a. 7Ja'yuj k'epayi'e ja b'alun k'ole kristyano jumasa ja lu'um iti, cho jach'ni ja nalan k'ole sb'a Manasesi.
Ja lu'um jumasa b'a stojol wax jak k'ak'u yuj ja Jordani
8Ja k'ole jumasa b'a Rubeni, sok snalan ja k'ole sb'a Manasesi, ti'xa ochyeta kan b'a lu'um jumasa b'a stojol wax jak ja k'ak'u yuj ja Jordani, ye'ntoni ya'a kan ja Moisesi. 9Ja slu'ume'i ti wa stuluyi b'a Aroer b'a sti' niwan ja' Arnon, man b'a Dibon, ti cho lajan ay sok ja chonab' it tey b'a loman yamani, sok spetsanil ja lajan k'inal jumasa b'a Medebaji. 10Cho yi'aje ni kan spetsanil ja chonab' jumasa b'a wa'n a'tel ajyi ja Sihon smandarnum ja amorreo jumasa, ja yajni ti'to ajyiye b'a Hesboni. Ja slujmali ti wax k'ot man b'a wa sts'ajk'an sb'aj sok ja amonita jumasa. 11Ja lu'um b'a Galaadi, yi'aje kan ja slu'um ja guesureo jumasa sok ja sb'a maacateosi, yi'aje kan ja wits Hermoni, sok spetsanil ja lu'um b'a Basani, man b'a Salca. 12Ti cho lajan ay sok b'a wa'n a'tel ajyi ja Og ma it ye'nxta tsa'an yuj ja refaita jumasa, ja ye'n ti a'tiji b'a Astarot sok b'a Edrei yuj ja ilji sk'ujol yuj ja Moises sok ja israelenio jumasa ja'yuj nutsji el ja b'a schonab'ili, 13a'nima mi spetsaniluke, yuj ja guesureo sok ja maacateo jumasa, ti'toni aye b'a slujmal ja israelenio ja ye'nle'a.
14Ja ma mini xe'n lu'um yi'aji, ja k'ole sb'a Levi, ja ye'nle'i, ja oj a'juk yi'e ja smajtan wax waj a'juk yi ja sDyos ja israelenio ye'n mismo ja Dyos jach' yaloj yab' ja Moisesi.
Ja slu'ume ja k'ole sb'a Rubeni
15Jaxa Moisesi, sk'epayi slu'um ja k'ole jumasa sb'a Rubeni, chikan janek' aye. 16Ja lu'um iti, ti wa stuluyi b'a Aroer b'a sti' niwan ja' Arnon, man b'a Hesbon, ti kan yojol ja chonab' jumasa b'a slomanal, sok spetsanil ja lajan lu'um jumasa b'a Medebaji. 17Yi'aje kan ja chonab' jumasa tey b'a lajan lu'um B'a Diboni, b'a Bamot-baali, b'a Bet-baal-megoni, 18b'a Jahasi, b'a Cademoti, b'a Mefaati, 19b'a Quiriataimi, b'a Sibma, b'a Seret-sahar it tey b'a wits yuj ja loman yaman jumasa, 20b'a Bet-peori, b'a Bet-jesimoti, sok se'an yaman jumasa b'a wits Pisga. 21Ch'ak kan spetsanil ja chonab' jumasa b'a lajan lu'um, sok spetsanil ja slu'um ja Sihon smandaranum ja amorreo jumasa it wa xya'a yab'al ajyi b'a Hesboni. Ja mandaranum jawi, ilji yi sk'ujol yuj ja Moisesi, cho jach'ni ja smandaranum jumasa ja Evi, ja Suri, ja Requemi, ja Hur sok ja Reba it ti ajyi b'a chonab' jumasa b'a Madiani. 22Mi kechanuka, man smilawe ja k'intanum Balaam yunin ja Beori. 23B'a oj ch'ak alxuk ja iti: Ja k'ole jumasa sb'a Rubeni, ja ch'ak yi'e kan ja chonab' jumasa it tey b'a stojol wax jak ja k'ak'u yuj ja niwan ja' Jordani.
Ja slu'ume ja k'ole sb'a Gadi
24Ja Moisesi, cho sk'epayi slu'um ja k'ole sb'a Gadi, chikan janek' aye. 25Ja slu'um ye'nle'i, yi'aje kan b'a Jazeri, spetsanil ja chonab' jumasa sb'a Galaadi, sok snalan ja sb'a amonita jumasa, man b'a chonab' Aroer it tey b'a stojol wax jak ja k'ak'u yuj ja Rabaji. 26Ti wa stuluyi b'a Hesbon man b'a Ramat-mispe sok Betonim, man b'a Mahanaim masan b'a wa sts'ajk'an sb'aj sok ja Debiri. 27Ja b'a lomani, ch'ak yi'e kan ja b'a Bet-arami, b'a Bet-nimraji, b'a Sucoti, b'a Safon it tey b'a pilan slu'um ja Sihoni, yuj ja ye'n wa'n ya'teltajel ajyi ja Hesboni, jaxa b'a Jordani, ja wa sts'ajk'an sb'aj sok b'a stojol ja paman ja' b'a Galilea, b'a stojol wax jak ja k'ak'u yuj ja Jordani. 28Ja chonab' jumasa it ja a'jiyi'e ja k'ole sb'a Gadi.
Ja slu'um ja nalan k'ole sb'a Manasesi
29-30Ja Moisesi, ch'ak ya'yi spetsanil ja lu'um b'a Basan ja nalan k'ole sb'a Manasesi, wa stuluyi man b'a Mahanaim b'a k'e'el k'inal, la kaltik ja'ni spetsanil ja b'a wa'n a'tel ajyi ja Og mandaranum b'a Basani, ti lajan ay sok ja ox tajb'e (60) chonab' it yi'aj kan ja Jairi. 31Jaxa nalan k'ole yintil jumasa ja Maquir yunin ja Manasesi, a'ji yi'e snalan ja lu'um b'a Galaadi, cho a'ji yi'e ja chonab' Astarot sok ja Edrei b'a a'tiji ja Og.
32Ja Moisesi, jach' sk'epa jastal it ja lu'um b'a Moab b'a loman niwan ja' Jordan b'a stojol wax jak ja k'ak'u yuj ja Jerico. 33Ja k'ole sb'a Levi, mini xe'n lu'um yi'aj je'a, ja jas oj makunuk yujile ja ye'nle'i, ye'n oj ch'ak a'juk yi'e yuj ja Dyosi.
Currently Selected:
Josue 13: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
