Josue 11
11
B'ob' yuj ja Josue sok Jabini
1-2Ja mandaranum Jabin b'a Hasori, yajni ch'ak yab' jastal wa'n b'ob'el yujile ja israelenio jumasa, sjeka yi rason ja mandaranum jumasa b'a mojan yi'oj sb'aj soki, a koltajuk b'a oj snol k'ab'uke ja israelenio jumasa. Yal yab' ja Jobab mandaranum b'a Madoni, jach'ni ja mandaranum jumasa b'a Simroni, sok ja sb'a Acsafi, cho jach'ni ja mandaranum jumasa b'a yaxk'ul jumasa b'a k'e'el k'inali, ja ma'tik tey b'a loman yaman b'a Jordan it tey b'a ko'el k'inal b'a paman yaman ja' b'a Galilea, ja ma'tik tey b'a lajan lu'um jumasa, jach'ni, sok ja ma' tey b'a Dor b'a stojol wax och ja k'ak'u. 3Cho sjekayi ab'al ja ma'tik ti aye b'a sutanal ja Jordan sb'a Canaani, ja amorreo jumasa, ja Hitita, ja ferezeo, ja jebuseo b'a yaxk'ul jumasa, sok ja heveo jumasa ma ti ajyiye b'a yib' wits Hermon b'a slujmal Mispa. 4Yajni yabye ja mandaranum jumasa ja iti, ch'ak jakuke sok spetsanil ja soldado'e jumasa, jakye sok kawu, sok karro, b'a jach' mi wokoluk oj tiro'anuke. Jel jitsane, ja' lajan sok jastal ja jijkab' b'a sti' ja niwan paman ja', mi ajtab'en. 5Spetsanil ja mandaranum jumasa jawi, ti ch'ak stsom sb'aje mojan b'a niwan ja' Merom, ti sk'u'lan tiw ja snaje k'u'lub'al sok k'u'utsi, chapan aye b'a oj tiro'anuke sok ja israelenio jumasa.
6Ja Dyosi, ti yala yab' ja Josue: —Mok xiwan yujile, b'a sti' sat ja israelenio, jach' jastal ya'n b'a jechel ch'akta jmil spetsanile. Jaxa we'nlexi, ch'akan ch'i'awik yi ja sts'ujmil yok ja skawu'je'i, b'a mixa ojto makunuk, jaxa skarro'e b'a tiro'aneli, ch'akan lapawik sk'ajk'al.
7Jaxa Josue sok ja soldado jumasa jun ita ch'ay k'ujol ochye b'a Merom b'a mojan sok ja uk'um b'a ay ya'leli, och snol k'ab'uke, 8jaxa Dyosi, ya'ni b'ob' yujile' ja israelenio'a, snol k'ab'ine sok yi'aje spatik ja kristyano jumasa man b'a k'e'el k'inal, k'otye man b'a niwan chonab' Sidon, sok jach'ni ja b'a Misrepot-maimi, sok ja b'a lajan lu'um jumasa b'a stojol wax jak ja k'ak'u b'a slujmal ja Mispa. Ja soldado jumasa sb'a Josue, mi ya'we tek'an ja tiro'aneli masan mini jun ya'we kan sak'an. 9Ja Josue, ch'ak sk'u'l spetsanil ja jastal alji yab' yuj ja Dyosi: Ja kawu jumasa mixa ya'kan b'a ojto makunuk, ja karro jumasa sb'a tiro'aneli, ch'ak slap sk'ajk'al.
10Ja k'ak'u jumasa jaw ja mandaranum b'a Hasori, ye'n wa'n a'tel b'a tuk chonab' jumasa b'a tiwi. Ja'yuj ja yajni ch'ak ja tiro'aneli, ja Josue sok ja soldado jumasa wajye b'a Hasor waj snol k'ab'uke ja swinkili. Sb'ajane ja chonab'i, smilawe ja ma wa'n a'teli. 11Smilawe spetsanil ja ma' ti ajyi tiwi, mini jun ma ya'we kan sak'ana, jaxa chonab'i slapawe sk'ajk'al.
12Ja Josue, ch'ak yi'kan spetsanil ja chonab' jumasa sok ja smandaranumili, ti yala yab' ja soldado jumasa: —Milawik spetsanil ja swinkil ja chonab' jumasa, jach'ni jastal yalunej ja Moises ya'tijum ja Dyosi.
13Ja israelenio jumasa, mini jun stsikawe ja chonab' jumasa tey b'a witsi, kechan ja ch'ak stsik e' ja schonab'il ja mandaranum Hasori. 14Spetsanil ja jastiki, ch'ak yi'e kani, jach'ni ja chante jumasa, jaxa kristyano'i smil'e spetsanil, mini jun ma ya'we kan sak'ana.
15Spetsanil ja jas ch'ak aljuk yab' ja Moises yuj ja Dyosi, ch'ak ya'yi ja Josue, jaxa Josue jach'ni ch'ak sk'ul spetsanil ja jastal alji yab'a.
16Ja Josue sok ja soldado jumasa, yi'aje kan spetsanil ja lu'um jumasa jawi. Yi'aje kan ja yaxk'ul jumasa, spetsanil ja lu'um b'a Goseni, b'a takin lu'um k'inal b'a ko'el k'inali, cho jach'ni b'a loman yaman b'a Jordani. 17-18Ja lu'um jumasa jawi, ti wa stuluyi b'a wits Halac it tey b'a ko'el k'inal mojan sok ja Edomi, ti wax k'ot tik'an man b'a Baal-gad, it tey b'a k'e'el k'inal b'a loman yaman Libano b'a yib' wits Hermoni. Jel jitsan k'ak'u tiro'ani ja Josue sok ja mandaranum b'a chonab' jumasa jawi, b'a stik'anali ye'nani yi'aj kan spetsanil ja chonab' jumasa ja wa, sok ch'ak smil ja smandaranum jumasa. 19Kechan ja swinkil ja chonab' Gabaon ja slaja sb'aje sok ja israelenio jumasa, ja'ni b'a ajyiye ja heveo jumasa. Spetsanil ja tuk chonab' jumasa ch'ak yi'e kani. 20Ye'n ja Dyos ya ch'u'uy b'uk ja sk'ujol ja kristyano jumasa jawi, sok ya sna' a snol k'ab'uke ja israelenio jumasa. Jach' sk'u'lan ja b'a mi wokoluk oj ch'ayjuk sna'jele spetsanile yuj ja israelenio jumasa, mi oj talnajuk sya'ujlale, jach'ni jastal alji yab' ja Moises yuj ja Dyosi.
21-22Ja Josue ja k'ak'u jawi, ch'ak sch'ak spetsanil ja schonab'il ja anakita jumasa, jach'ni ja niwak kristyano jumasa it ti aye b'a Hebroni, b'a Debiri, b'a Anabi, sok spetsanil ja ma ti aye b'a wits jumasa sb'a israelenio sok sb'a Juda. Jach'ni ja schonab'ile'i, ch'akji sna'jel. Kechan kanye sak'an chab' oxe ja ma ti aye b'a Gasa, b'a Gat sok b'a Asdodi. 23Jach' ch'ak yi'kan jastal it ja lu'um ja Josue, sk'u'an ja jas yala ja Dyos ja jastal a'ji yi ja Moisesi. Tsa'an spiltala'an ja lu'um b'a jujune' k'ole yi'oj ja israelenio jumasa ch'ak ya'yi slu'um. Tsa'an b'a slechanal ja lu'um jawi, laman lek ek' yujile.
Currently Selected:
Josue 11: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
