Jonas 3
3
Ja Jonasi mixa sk'oko ja smandar ja Dyosi
1Ja Dyosi cho sk'uman pilan majke ja Jonasi, yala yab' ja ab'al iti: 2—K'e'an ka'ax b'a niwan chonab' Ninive— Kax ala ja jas oj kala wab'i—.
3Ja ek'ele' it ja Jonasi sk'u'an ja jas alji yab' yuj ja Dyosi: ti k'e'a waj ja b'a Ninive. Ja chonab' jawi jel niwan, ja oj ch'ak sb'ejtan spetsanili oj yi oxe k'ak'u.
4Jaxa Jonasi och ja b'a chonab'i, snajtil k'ak'u wan yaljel: —b'a yojol chab' tajb'e k'ak'u ja Dyosi oj sch'ak sna'jel ja chonab' iti—
5Ja'yuj spetsanil ja swinkil b'a Ninive yawekan sk'ulajel ja b'a mi lekuki yalawe oj sk'u'uke ja Dyosi. Yuj ja was k'anawe oj sje'e oj stukb'es ja jastal was k'ulane'i, slapa jas k'u'e jastal koton sok skomo jas wa'ele'i. Spetsanile, ja ma jel ja jastik sb'aji cho jach'ni ja ma jel ajula sb'aji, mi jas yabye ja k'ak'u jawi.
6Yaj ni yab' ja mandaranum b'a Ninive ja jastal iti, ti stulu sb'aj ja b'a was k'u'lan mandari. Ti ya eluk ja sk'u it jel tsamali, slapa jun sk'u jastal koton, ti och kulan b'a lu'um. Sk'u'lan spetsanil jastal iti b'a oj sje' was k'u'an ja Dyosi. 7Jaxa mandaranumi juts'in sjeka june ma oj yal yab' spetsanil ja kristyano jumasa b'a Ninive:
Ja iti jun mandar sb'aj ja mandaranum sok ja ya'tijum jumasa: mi ma jas oj yab'i. Mis k'ana oj wa'uk sok oj yu' ja', ja kristyano jumasa, ja wakax jumasa, sok ja chej jumasa. 8Spetsanil ja kristyano jumasa t'ilan oj slap jun sk'u'e jastal koton, cho jachuk ja chante jumasa oj smus'e sok jun k'u'uts jastal koton.
—Mi kechanuka, wax k'anatikon awi'ex a petsanilex ja we'nlexi oj ja k'umukex ja Dyos sok spetsanil ja wa wipexi, mokxa b'i tiro'ananik sok mokxa ma jas oj ja walwex yab'i. 9Ta wan k'ax katikan sk'ulajel ja b'a mi lekuk sk'ulajeli, ja jachuki b'ob'ta oj ek'uk ja stajkel ja Dyosi, sok mi oj sch'ay jna'jeltik—.
10Yaj ni yila ja Dyos spetsanil ja swinkil b'a Ninive yakan sk'ulajel ja b'a mi lekuk sk'ulajeli, sna'a mi oj sch'ak sna'jel.
Currently Selected:
Jonas 3: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
