Jonas 2
2
Ja Jonasi sk'uman ja Dyosi
1Man tiwi sk'uman ja Dyos ja Jonasi:
2Ja yajni wa'non yi'jel wokoli,
we'n a koltayon Dyos kuj.
Ja yajni lajan sok chamelonxa,
jk'ana'awi oj ja koltayon a koltayoni'a.
3—A jipawon ko b'a jel cha'an ja niwan paman ja'i.
Kechan ja' wax kila b'a spetsanil ja b'a jujune ts'e'eli;
Tsats lek was puk'tsin b'aj ja ja' ja b'ayoni.
4—Ek k'ujol mixaxa k'anawon, mixa
oj ochkon ja b'a snajtsil wa tsomjeli.
5—A mukowonta ajyi.
Ja niwan paman ja'i smusuwonta,
jaxa k'ul b'a yoj niwan paman ja'i sb'ech'a ta ki ja olomi.
6—Wax kala mixa oj elkon ajyi ja b'a yoj cha'anil paman niwan ja'i.
Jayuj ja we'n Dyos kuj a koltayon.
7—Ja yajni mixa jas kip ay wax kab'i,
ti na'awa ja we'ni, ja'yuj ti jk'umana'a.
Ja jas jk'ana a wi'i,
k'ot man b'a wa naj.
8—Ja ma'tik stoyowe pilan dyosi
ja k'u'lub'al dyos jumasa it mi sak'anuki,
mi oj b'ob' yal'e' we'na ja Dyos yujile'i.
9—Jayuj ja ke'n oj toy'a
sok jel tsamal oj ts'eb'ojtaya.
Oj k'ul meran ja jas kala awab' oj k'uluki.
—Yuj kechani we'n oj b'ob' koltanana—
10Ja'yuj ja Dyosi, yal yab' ja chayi: —Kax jipakan b'a sti' niwan paman ja' ja Jonasi—.
Currently Selected:
Jonas 2: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
