Joel 2
2
Jel jitsan ja ma' oj ch'akwanuki
1—A ya'we ok'uk ja korneta b'a Jerusaleni—
—A ab'xuk ja yok'el ja senya b'a snajtsil tsomjeli—
—A'xa och k'itk'unuke
spetsanil jas winikil ja niwan chonab' iti—
—Ja Dyos kujtiki jakumxa—
—Jelxa mojan ay ja k'ak'u oj jakuki—
2Ja k'ak'u jawi oj ajyuk jun niwan k'ik'inal,
jun sk'ak'u'il muslab' toj axub' oj ajyuk.
—Jitsan lek ja soldado b'a jel ja yipe'i
oj stik sb'aje b'a yoj k'ul jumasa,
oj sb'ut' e spetsanil ja lu'umi
jach' oj ilxuk jastal yaxub'il yajni ojxa och ja a'kwali.
Mi b'a ilxi ja b'ajtani,
mi oj cho ilxuk ja tsa'ani,
oj cho sje' sb'aj pilan ixtalanum.
3Ja ixtalalum jumasa jawi, lajan sok jastal ak'
wa stsika spetsanil b'a wax ek'i:
ja yajni mitox julye'i,
ja lu'umi, jel tsamal;
yajni ch'ak e'kuki,
ja lu'umi, lajan sok jipub'alxa kani.
—Mi ma' oj b'ob' skolta sb'aj—
4Ja ixtalanum k'ujlub' jumasa jawi
jach' oj tiro'anuke jastal jitsan kawu;
5Yajnix waj b'ajtuke b'a k'uli,
ja jastal wax kulululi ye'i, jastal
wax kululi, ja karro jumasa b'a tiro'aneli;
Jach' wax b'otolji jastal takin po'o jumasa
yajni wax tsik b'a yoj k'ak'i;
jachuke jastal jitsan soldado b'a jel ja yip
chapanxta b'a tiro'aneli.
6-9—Ja k'ujlub' jumasa iti
lajane sok jastal jitsan elk'anum,
jach' jastal jitsan soldado
jun ita ch'ay k'ujol wax ochye b'a chonab'i,
ja ye'nle'i, b'a sti sat wax tiro'aniye.
Wa sjotowe ja ts'akab' ton jumasa,
wax k'e'ye lotsan b'a na'its jumasa,
wax ochye b'a bentana jumasa,
mi sjutb'in sb'aje.
Spetsanile wa scholo lek sb'aje,
mi spila sb'aje ja jastal wa scholo sb'aje'i,
—Mix kumxi spatike—
—Mini sok jitsan sni' pulte jumasa
oj b'ob' a'juke tek'an yuj—
Yajnix yilawe ja k'ujlub' jumasa it
ja kristyano jumasa wax k'itk'uniye'i
sak pak' pak'xta wax waj ja yelawe yuj ja xiweli.
10Wax k'itk'uni ja satk'inal sok ja lu'umi,
wax k'ik'b'i ja k'ak'u sok ja nan ixawi,
jach'ni ja k'anal jumasa mixax lijpiye.
11—B'a sti sat ja ixtalanum jumasa iti,
jel jitsane sok jel ja yipe'i,
wax a'ji smaklaye ja stsatsal sk'umal ja Dyosi
ja ixtalanum jumasa iti wa sk'u'ane.
Ja Dyosi kujtiki, jakumxa.
—Ja k'ak'u oj jakuki
jel niwan sok jel tsats—
—Mi ma' oj b'ob' ajyuk toj—
Ja yuntikil ja Dyosi sb'ej oj sutxuk jas k'ujole'i
12—Ja Dyos kujtiki, wax yala kab'tik:
—Ya'n k'ak'u xa a sutxuk wa k'ujolexi
sok tukb'esik ja jastal waxa k'u'lanexi—
—Ok'anik, komo wa wa'elexi sok lapa wa k'u'ex jastal kotoni—
13—A sutxuk ja wa k'ujolexi cho kumxanik jmok,
k'u'lanik sok spetsanil wa k'ujolexi,
mi kechanuk oj ja wal'ex—
Ja ke'n jel lekon jel ja syajal jk'ujoli,
mi jel juts'in wala tajkiyon;
ja ke'n jex k'anawex
wax k'ana oj ch'ay ja wa mulexi.
14—B'ob'ta ja Dyosi, oj yal oj sch'ay ja jmultiki—
—B'ob'ta oj ya'kitik jitsan ya'lel ts'usub'
sok b'akb'el itaj b'a majtanal jumasa—
15-16—Awik ok'uk ja korneta b'a Jerusaleni—
—A stsom sb'aj spetsanil ja kristyano jumasa—
—A jakuk ja ma'tik ayxa sk'ujol sok yal untik jumasa,
jachuk ja ma' ajkach'to nupaneli—
—A skom ja swa'ele'i sok a schap sb'aje b'a oj stoye ja Dyosi—
17—A jakuke ja pagre jumasa,
ja ma'tik wax ya'teltaye ja Dyosi—
A k'e'uke tek'an b'a sti sat ja altari,
sok ya'lel sate' a sk'umuke jastal it Dyosi:
—Dyos kujtikon,
ch'aya ja smul wa wuntikili—
—Mok a wi' lek ja niwak chonab' jumasa
b'a mi oj yil'otikon lek sok jel ch'in oj yil'otikoni—
Mok a wi' lek sok ja sk'umale k'e'nanel
b'a oj sjob'e ki'tikon:
¿B'ay ja wa Dyos b'a?
Ja Dyosi wa syajta ja ma wax sutxi ja sk'ujoli
18-19—Ja Dyosi je syajtan ja swinkil ja lu'umi,
ja'yuj jel ja syajal jk'ujol jmoktiki
cho wani sjak'a ki'tika:
Maklayik lek:
oj b'ut ja snajtsil wa trigo'exi,
cho jach'ni oj b'ut ya'lel ts'usub' sok aceite b'a waxa nolowexi.
Mixa oj k'an ja ma'tik jel ch'in oj yil'exi.
20-21Ja ma'tik mi lek xyilawex b'a k'e'el k'inali,
yalawe oj b'i snol k'ab'ukex
ti oj jip'e el b'a takin lu'um k'inal;
jaxa ma' ti' oj och jan b'aj sti jsati
oj ka sjik'e ja' b'a niwan paman ja it mi snika sb'aj,
jaxa ma' ti' jakum b'a jpatiki
oj ka sjik' e ja' b'a niwan paman ja' Mediterraneo.
—Ja sb'ak'tele'i jel tu'u oj wajuk—
—kuntikil, —mok xiwanik—
sb'ej tsamal lek oj ajyanik,
yuj ja Dyosi, jel tsamal ja jas wa sk'u'lani;
—Merani'a, ja Dyosi wani sk'u'lan tsamal jastik junuka—
22—Chante jumasa b'a k'ul, —mok xiwanik—
ja wits jumasa oj b'ut' yakil,
ja te' jumasa b'a wax satini jel oj satinuk,
cho jel oj ajyuk ja igo sok ja ts'usub'i.
23—Jaxa we'nlex swinkil Jerusalen,
—k'u'lanik k'in b'a oj ja toy'ex ja Dyos kujtiki—
oj k'ot lekil k'ak'u,
ja Dyosi oj sjeki'tik ja ja'i.
Jach'ni jastal wa sk'u'lan jan ajyi,
b'a ti' oj na'xuk mi yuj wax ya jtup ja jmultiki,
Oj ya jak ja ja' b'a mi yixawiluki,
jach'ni jastal wax ya'a b'a yixawili.
24B'a jach' oj ajyuk lek sb'a'al wa lu'umexi,
oj ajyuk lek jitsan trigo,
yalel ts'usub' sok aceite.
25—Ja Dyosi, oj ya kumxuk ki'tik
spetsanil ja jas jch'ayatikta ja jab'il jumasa iti
yuj ja smul ja k'ujlub' jumasa
it ye'n sjeka b'a oj yixtala'ukotiki.
26-27Oj ajyuk ja jas oj kab'tiki,
la jtoytik ja Dyos kujtik
yuj ja jastik jel tsamal
wa sk'u'lan yuj ja ke'ntiki—.
Ja Dyosi yala oj sjek ja Yespiritu
Ja Dyosi, ti yala yab' ja aluman Dyosi:
Ke'n Dyoson yuj ja israelenio jumasa.
Ja ke'n ti'ni ayon b'a snalan ja kuntikili.
Ja ye'nle'i, wa sna'awe jb'aj yuj ke'n Dyoson yujile,
mey pilan ja jastal ja ke'n.
—Mixani oj iljanik ch'ina—
28—Yajni ch'akta ek'uk ja iti,
Spetsanile oj ka'yi'e ja kespiritu:
ja winike sok ja ixuke jumasa yuj ja ke'n ay jas oj yal'e;
ja ma' ayxa sk'ujoli,
oj k'umuke b'a swayiche
jaxa untik jumasa, ay jas oj snaj satuke.
29—Cho jach'ni, ja k'ak'u jumasa jawi
ojni kayi'e ja kespiritu
ma'tik yib' k'ab'al aye'i.
30—Oj je' ja kip
b'a satk'inal sok b'a lu'umi:
oj ajyuk chik', k'ak',
sok pimil tab'.
31Ja k'ak'u mi oj ijlab'anuk,
ja nan ixawi chak lek oj wajuk,
lajan sok b'ats'an chik'.
—Ja iti b'ajtan oj ek'uk ja mitox k'ot
ja tsamal k'ak'u jaw
oj ka stup ja smule ja kristyano jumasa b'a lu'um iti.
32Ja'yuj ke'nani oj koltaye
ja ma'tik wa sk'u'ane yuj ke'n Dyoson yujile'i.
Ja snajtsil jtsomjel tey b'a Jerusaleni,
ti oj ajyuke b'a chonab' it
ja ma'tik ch'ak spak e ajneli,
lajan ti oj ajyuke sok ja ma'tik jtsa'uneji.
Currently Selected:
Joel 2: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
