Joel 1
1
Ja nol k'ab'inel sb'a k'ujlub' jumasa
1Ja Dyosi, yal yab' jun lo'il ja Joel yunin ja Petueli, jaxa Joeli, yal yab' ja israelenio:
2-4—Maklayik lek:
ja we'nlex ma'tik niwak a wa'telex b'a chonab',
sok a petsanilex ja ma' ti ayex b'a niwan chonab' iti—
—Chane wokol oj ya' ja yal k'ujlub' jumasa
ti'xa aye b'a jlu'umtiki
sch'akaweta ja jas jts'ununejtiki—
¿Mini b'a a wilunejex ja jastal ita?
—Mini ja ma ek' paxta awujilexi
mi b'a yilawe ja ye'nle ja jastal it ja janek' ajyi sak'anile'i—
—Alwik yab' wa wuntikilexi,
cho jach'ni ja ye'nle'i,
oj yalwe yab' ja yije' jumasa,
b'a schab'il ma' b'a yoxil lame wa wijexi—
5—Wajtikik yakb'um jumasa, k'e'anik—
—Sak'tesik k'inal ochan ok'anik
yuj ja mixa oj ja ta'ex ja ya'al ts'usub'i—
6Jun wokol sb'a k'ujlub' jumasa
yi'ajeta kan ja niwan jchonab'iltiki,
lajane sok jastal jitsan soldado jumasa.
Ja yeje'i ja yikxta
lajane sok ja k'ak'al choj jumasa
7Sch'akaweta ja yaljil ts'usub'i
ch'akta sk'ok e jas te'il ja igo;
—ch'akta yujile ja sk'ab' jumasa—
8—Ja kristyano jumasa wax ok' ye yuj ja cham k'ujoli,
jach' jastal ja ak'ix was ok' yuj ja cham k'ujol
yuj ja ch'am jas makb'en keremi.
9Cho jach'ni wax ok' ja pagre jumasa
ma' ti wax a'tiji ye sok ja Dyos
yuj ja mixa ma wax yi'aj och b'a snajtsil tsomjel
ja majtanal ya'lel ts'usub' sok b'akb'el itaj jumasa.
10—Mixa ay trigo,
mixa ay ya'lel ts'usub' sok aceite,
ja'yuj ja yaljil jumasa ch'ak takjuk
jach' kan jastal jun takin lu'um k'inal.
11—Ja we'nlex ma'tik wala a'tijiyex b'a alaj,
sok ja we'nlex ma'tik wax ya'telta ja lu'umi:
—Ok'anik yuj ja cham k'ujoli—
ch'ayta ja sb'a'al wa walajexi
jastal ja trigo sok ja sebada;
12Ch'akta takjuk ja yaljil ja ts'usub' jumasa,
ch'akta takjuk ja igo cho jach'ni ja granada,
ja xa'an jumasa sok ja mansana
sok spetsanil ja te' jumasa b'a k'uli;
—cho jach'ni ja kristyano jumasa mixa tsamal ayuke—
13—Ja we'nlex pagre jumasa,
waxa wa'teltayex ja Dyos b'a altari,
lapa ak'u'ex jastal koton
ok'anik snajtil a'kwal
yuj ja mixa ma wax yi'aj och b'a snajtsil tsomjel
ja majtanal ya'lel ts'usub' sok mini ja b'akb'el itaj jumasa.
14Tsomowik b'a snajtsil tsomjel
ja israelenio sok ja ma'tik niwak ya'tele'i,
a skom ja swa'ele'i, a cho sk'umuke ja Dyosi.
15—Ja Dyos kujtiki, jakumxa—
—Jelxa mojan ja k'ak'u'i—
—jun k'ak'u b'a jch'akelaltik
oj ya' ja Dyos it jel ja yipi—
16—B'a sti jsat ke'ntik
sjapaweki'tik ja wa'eli;
sjapaweki'tik ja tsamalil ja ti aytik
b'a snajtsil stsomjel ja Dyos kujtiki.
17Ja trigo b'a jts'unxi ch'ak takjuk,
ja'yuj mi jas ay
ja b'a wax nolotiki.
18—Wax awani ja jwakaxtik jumasa
cho jach' jel wax yi'aj ja wokol ja jchejtik jumasa—
—Ja wakax jumasa chamye wa'in
yuj ja mixa sta'awe ak' oj yabye'i—
19—Dyos kujtikon
—sok we'n wax le'a jkoltajeltikon
yuj ja stsikata
ja jk'ultikon sok ja jwitstikoni—
20—Cho sk'anawe' awi skoltajele
ja chante jumasa b'a k'uli,
yuj ja yal yok ja' jumasa ch'akta tupuk
jaxa k'ak'i sch'akata ja ak jumasa—
Currently Selected:
Joel 1: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
