Oseas 14
14
K'umani ja aluman Dyosi
1-2Jaxa Oseasi ti yala yab' ja schonab'il jumasa:
—Israel, Israel,
yuj ja wa muli ya'ta mok'an—
—A sutxuk ja wa k'ujoli kumxan sok ja wa Dyosi—
k'otan b'a sti sat ja ye'n,
sok k'uman jastal iti:
Dyos kuj,
ja we'n jel leka;
—ch'aya sna'jel ja multikoni
sok i'aj lek ja jts'eb'ojtikoni—
3Ja swinkil ja Asiria mi oj b'ob' skoltayotikon,
mini sok spetsanil ja skarro b'a tiro'aneli,
ja'yuj mi oj kumxukotikon b'a oj toytikon
ja dyos jumasa ke'n jk'ulunejtikoni.
Dyos kujtikon, kechan b'a we'na,
oj sta' skoltajel ja meb'a—.
Ja Dyosi, yala jel lek oj yil ja schonab'ili
4Ja Dyosi ti yala yab' ja israelenio jumasa:
Lamxita ja jtakeli.
Ja ya'n oj je'awi'ilex janek' wax yajtayex
sok ojxa ni a k'u'ukonexa.
5-6Jel ja jas oj ka'a wil'exi.
Lajanon sok jastal ts'ujul b'aj we'nlexi,
wax ya nichinuk ja nichim jumasa.
Oj ka k'i'anik jastal jun te';
b'a oj ko' lek cha'an ja wa wechexi
sok oj slib' sb'aj ja wa tsamal a k'ab'exi;
jach' jel tsamal oj ajyanik ja jastal ja olivo
sok ja jastal jel x'ajb'ani yik'il ja segro.
7A petsanilex laman oj ajyanik
b'a yib'el ja yaxub'il ja wa te'exi;
oj cho ak'ulukex ja wa walajexi,
oj ja wil'ex oj nichinuk ja wa ts'usub'exi
sok jel x'ajb'ani oj ja wabyex ja yik'il ja wits Libano.
8—Israelenio jumasa,
awikxa kan ja k'u'lub'al dyos jumasa jaw mi jas xmakuniye'i.
—Ke'non ja ma oj stalnayexi
sok ja ma oj smaklan ja waxa k'umanex ja Dyosi—
ke'n oj ja waxub'ukonex jastal jun taj,
sok ke'na oj ja ta'ex ja wa lekilalexi—.
Ja lo'il b'a kot' st'ikanil ja b'a ju'uni
9Ta ay k'a ma wax jak sk'ujol sok wa sna'a,
t'ilan oj smakla ja lo'il iti.
Spetsanil ja jas was k'u'lan ja Dyosi nakani toja,
Jaxa kristyano b'a leki was nocho ja jastali
—Jaxa ja kristyano b'a jel kistale'i mis k'u'ane
ja'yuj ja Dyosi oj ch'ak sna'jel—
Currently Selected:
Oseas 14: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
