Jueces 5
5
Ja sts'eb'oj ja Debora sok ja Barac
1Ja Debora sok ja Barac, sts'eb'ojtaye ja ts'eb'oj iti:
2Israelenio jumasa a'wik yi ts'akatal ja Dyos ja ma'tik niwak a wa'telex yuji.
A'wik yi ts'akatal ja Dyos a petsanilex ja we'nlexi, we'nlex ni a wa'a
b'ajex b'a oj ja wa'teltayex.
3—Maklayik lek
ajwalal sok mandaranum jumasa—,
Ja jts'eb'oj sok ja sk'inili
ja' sb'aj ja Dyos sak'ani,
ja ma' Dyos yuj ja israelenio.
4—Dyos kuj ja yajni,
wajya b'a Seir,
ja yajni b'ejyiya
och b'a wits Edomi,
ja lu'umi nijki,
ja satk'inali musnaji,
jas ason jumasa mixa ay yi'oj ja'.
5Ja wits Sinai
sok spetsanil ja yaxk'ul jumasa
nijki ja b'a sti' sat ja Dyos yuj ja israelenio.
6—Ja yajni sak'aneto ja Samgar sok ja Jaeli,
jel xiwela sb'aj ja b'ej jumasa,
ja kristyano ti wax ekye b'a ch'in b'ej;
7Ja kristyano'i, mix b'ob' ya'teltaye ja slu'ume'i.
Jaxa ke'ni, Debora,
k'e jkolta ja israelenio jumasa,
jach' jastal ja nanal wa skolta ja yuntikil jumasa.
8—Dyos kuj,
ja yajni wa k'e'uk ja tiro'anel b'a jchonab'iltikoni
ja'yuj ja lom och stoy'e tuktukil dyosi,
b'a mojan chab' tajb'e mil soldado
mini jun ma k'e stsatsal k'ujoluk sb'aja.
9—Dyos kuj, wax ka'wi ts'akatal,
cho jel wax kilawe ja ma'tik niwak ya'tel yuj ja israelenio,
cho jach'ni ja chab' oxe ma stsatsal k'ujolan sb'a
sk'apa sb'aje ochye tiro'aneli.
10—Ts'eb'ananik a petsanilex israelenio ja ma'tik
jel ajujla a b'ajex sok ja ma'tik jel riko'exi—
11—Yib'anal ja yoj chonab'i, ja kristyano'i oj
sk'u'luke k'in yuj ja jastal koltajiye yuj ja Dyosi,
sok ja slekil jumasa sta'awe ja yuntikil israelenio—
12—K'e'an Debora wajtik—
—Ts'eb'ojta jun ts'eb'oj—
—Wajtik Barac yunin Abinoam—
—lutu wa preso'anum jumasa—
13—Ja ma'tik niwak ya'tel yuj ja israelenio jakye,
stsomo sb'aje sok ja yuntikil ja Dyos
b'a oj snol k'ab'uke ja ma'tik mi lek wax iljiye yuji.
14B'a slujmal ja swinkil sb'a Amalek
ti jakye ja kristyano jumasa sb'a Efraini;
b'a wa patik ja we'n Debora,
ti jakume ja kristyano jumasa sb'a Benjamini.
Stsomo sb'aje a wuj ja ma'tik niwak yuj ja ya'tel sb'a Maquir
sok ja mandaranum jumasa sb'a Zabuloni.
15Ja ma'tik niwak ya'tel yuj ja Isacari, smojtaya,
cho skoltaye ja Barac
ja tiro'anel ajyi b'a loman yamani.
Jaxa k'ole b'a Rubeni
16yalawe lek oj kan stalnaye ja chej jumasa,
yuj ja lom ja oj waj smojtaya b'a tiro'aneli.
17Ja kristyano ma ti aye b'a k'ax ja' b'a Jordani
ti kanye b'a slu'ume b'a Galaad.
Jaxa sb'a Dan sok sb'a Aseri
ti kanye b'a niwan paman ja',
b'a kan stalnaye ja barco jumasa.
18Jaxa sb'a Zabulon sok sb'a Neftali
ya'a sb'aje b'a chikan jastal ek'
ja b'a k'inal b'a oj ajyuk ja tiro'aneli.
19—Tsa'an b'a chonab' Taanac,
ja it tey lajan sok ja yal yok ja' b'a Meguido,
ti jak tiro'anuke ja mandaranum jumasa sb'a Canaani.
B'a'ya jach' telan sk'ab' ch'ak kumxuke.
20—Jachuk ja k'anal jumasa b'a satk'inali
snol k'ab'ine ja Sisara—
21Ja byejo ya'al yok ja' b'a Quisoni,
ch'ak smes ja ma'tik mi lek wax yilawotikoni.
—B'ajtan b'ajtan ajyanik—
ja ke'n, Debora tsats lek oj b'ejyukon—
22—Ja skawu jumasa ja Sisara
ajnel lek ch'ak eluke;
—Ja smakb'al s'olome'i,
xju'u'i wax lijpi jastal tsansewal,
23Ti wa'n ek' yaljel ja yanjel ja Dyosi:
—A' a'juk yi'e wokol yuj ja Dyos
ja kristyano jumasa sb'a Meroz—
Yuj ja lom mi jak skoltaye
ja soldado jumasa sb'a Dyosi,
—Mi sk'u'ane ja oj skolta sb'aje sok ja ye'n—
24—Jel lek waxa wila Jael,
yuj ja we'n sche'uma ja Heber quenita—
kechan we'n jel lek waxa wila yuj spetsanil ja ixuke yuj ja israelenio—
25Ja Sisara ja' sk'anana a wi', jaxa we'n lech a wa'yi
b'a jach' oj och lek ja swayeli.
26B'a jun a k'ab' a yama jun estaka,
jaxa b'a jun a k'ab'i ja yama un martiyo.
Juneta a wa'yi, juneta a k'ojtsinyi ja s'olomi.
27Ja Sisara skospinko sb'a b'a yok.
—Ti ko' b'a'an man lu'uma—
28—Ja snan ja Sisara, jelxa cham k'ujol ay,
ti waj tek'an b'a sbentana ti wax yala'a:
—¿Jasyuj ja jel wa'n alb'el ja kali?
¿Mix ab'xi ta ay b'a jakum ja skawu jumasa?
29Ti yalawe ja a'tijum jumasa ma' je sna'awe'i;
ye'nani ja jas yalata ja' wax cho yala:
30—Sem yuj wa'n sk'epjel sb'aje
ja jas sta'awe b'a tiro'aneli:
june ma chab' ixuk yi'oj b'a jujune kapitan,
k'u'uts b'a tuktukil yelaw yi'oj ja Sisara,
june ma chab' mojchilal jalub'al sok tuktukil yelaw
b'a oj potsxuk sok ja snuk'i, —xchiye.
31—Ja Debora sok ja Barac
jach' sch'akawe jastal it ja sts'eb'oje'i:
—Dyos kuj,
a ch'ay sna'jel ja ma'tik mi lek wax yilawa,
jaxa wa wamigo jumasa a lijpuke
jastal wax lijpi ja k'ak'u ja yajni kulan leki, xchiye.
Tsa'an yuj ja jawi, ajyi laman chab' tajb'e (40) jab'il b'a spetsanil ja chonab' jumasa.
Currently Selected:
Jueces 5: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021