Habacuc 2
2
1Kalata a wab' ja jas wax k'ana oj kala wab'i,
jaxa juts'in ch'ab'an xta oj ajyukon;
oj majlaj ja jas oj ja wali.
2Jaxa Dyosi ti sjak'aki'a:
Oj ka'a na'
ja jas mojanxa oj ek'uki.
Ts'ijb'an b'a ak'inte jumasa,
b'a jach' mi wokol oj k'umaxuka.
3Oj alb'uk t'usan ja oj k'ot smeranili,
jaxa we'n, mok chamuka k'ujol;
yujni mitox k'ot ja sk'ak'u'il
b'a oj ch'ak k'ot smeranila,
oj ni kal a wab'a
yujni oj k'ot smeranila.
4—Ja Babilonia jel wa stoyo sb'aje,
jaxa we'nlexi, yuj ja jel ch'in waxa wa'a b'ajex,
oj ajyuk a sak'anilex yuj ja waxa k'u'anonex ja ke'n.
5Ja swinkil jumasa ja chonab' Babilonia jel wa stoyo sb'aje,
jel sna'a jastal wax lo'laniye jastal ja pajal ya'lel ts'usub'i;
ja'yuj jel tsamal oj sta' ya'tele wani sle'awe'a
man wax yi'aje kan ja niwak chonab' jumasa sok spetsanil ja swinkili.
Lajane sok ja chamel ch'akeli,
petsanil k'ak'u wa sk'anawe jitsan;
lajane sok jastal ja skejnal ja cham winik,
ja mini wax ajyi tsamal
6A smajlaye, oj k'ot jun k'ak'u mi oj a'ji k'umanuke.
Ja swinkil ja niwak chonab' jumasa jel oj tse'ijuke yuj
man oj sts'eb'oj ta'uke jastal iti:
—Jel wokol oj ek'uk a wujilex swinkil chonab' Babilonia.
—Jel ajyi ja jastik a b'ajexi sok ja jastik jumasa mi a b'ajukexi.
¿Jas k'ak'u oj ja wa'wex kan ja elk'aneli?
7—Ja k'ak'u mini t'un ja'uk wan ek'el ak'ujolexi,
ja oj ya'a tup ja matik mixa wi'ab'ajex soki;
jel oj sxiwtaya man oj ya k'itk'unan
oj ch'ak sjap'e awi spetsanil ja jas a wi'oji.
8Ja we'n jel a welk'an ja b'a niwak chonab' jumasa,
jaxa we'n cho pilan niwak chonab' oj cho yelk'aya.
Jach' oj ch'ak a tup spetsanil ja wa mul jumasa,
ja jas mi lek a k'ulanyi ja jchonab'iltikoni,
mini t'un lek a wila ja chonab' sok ja swinkil jumasa.
9—Jel wokol oj ek'uk a wuj chonab' Babilonia
ja jel ja jastik b'aj ja wa moj jumasa we'n
ja'yuj ja elk'anel sok ja lo'laneli.
A ek' a k'ujol ja jachuki oj elan k'ab'al
b'a mi ja swokol oj ja wi',
10Kechan a k'u'lan
b'a och a wa'a b'aj k'ixwel.
A ek' a k'ujol oj ja ch'ay sna'jel jitsan kristyano jumasa,
we'n itani mi sb'ejuk ja jas ak'u'lan ab'aji.
11—Ja smakb'al ja wa chonab'il jumasa
yilawe ja jastik mi sb'ejuk a k'u'lani.
12—Jel wokol oj ek'uk a wuj swinkil chonab' Babilonia
—Ja wa chonab' jumasa, ti a tojb'es
b'a yojol cham winik sok b'a yoj wokol.
13Ke'n Dyoson yuj ja israelenio,
b'a mi jas oj makunuk a wuj
spetsanil ja jas ak'u'lani;
ja ke'n oj tsik el.
14Jach' jastal ja ja' wa sb'ut'u el ja niwan paman ja'i,
jach'ni ja lu'umi wax b'ut'el
ixuke sok winike oj sna'e jastal jel ja kipi.
15—Jel wokol oj ek'uk a wuj swinkil chonab' Babilonia
Jel ch'in a wila ja swinkil ja niwak chonab' jumasa b'a mojan a wi'oji
sok jel wa k'ixwuke;
16jaxa ke'n jel ni ch'in oj kil a ja we'na,
mini jun sb'ej oj toyxana;
ke'n oj ka k'ixwan lek;
ja jastal jel waxa toyo a b'aji,
ja tsa'ani mi jas oj ja wal.
17—Mini jun sb'ej ja jas a k'u'lan yi
ja chante jumasa b'a wits Libano
oj ch'ak k'e'uke jan b'a mi lek oj yilonej;
Jach' oj ch'ak a tup spetsanil ja jastal jel milwaniya
yuj mini t'un lek a k'u'lanyi ja sniwanil jchonab'iltikoni,
cho jach'ni ja jchonab'iltikon sok ja swinkil jumasa.
18-19—Jel wokol oj ek'uk a wuj chonab' Babilonia
¿Jastal oj ja k'u'uk ja k'u'lub'al dyos jumasa?
¿Jastal oj ja k'an yi'e oj skoltaya?
ja ye'nle'i, k'u'lub'al sok te',
k'u'lub'ale sok ton
cho we'na mismo a k'ulunej,
mini jas oj makunuke'a.
Jel lom wax ilxiye kechan mak'ub'ale tak'in,
potsob'ale k'anal tak'in sok sakal tak'in,
mini oj b'ob' k'umanuke'a;
—Jel lom, mi yuj sak'anuke.
20Jaxa ke'n ti ayon b'a snajtsil jtsomjel tsa'ub'ali;
—b'aj sti jsat a ch'ab'anuk spetsanil ja swinkil ja lu'umi.
Currently Selected:
Habacuc 2: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
