Habacuc 1
1
1Ke'non ja aluman Dyos Habacuc. Ja Dyosi, yala kab' oj kal yab' ja schonab'il ja jas yala kab'i.
Ja Habacuc sk'uman ja Dyosi
2Dyos kuj,
tsats lek wa'non awanel wax k'ana koltayon,
jaxa we'n mixa maklayon;
¿Jas ma k'ak'u oj ja maklayon?
Jk'anata a wi ts'akatal ch'aka ja jas mi sb'ejuki,
jaxa we'n mini ja swaxa k'u'lana.
3¿Jas yuj ja lom t'ilan waxa t'enawon b'a oj kil
ja jastik jumasa b'a mi lek sok b'a mi tojuk b'a?
B'a spetsanil lu'um k'inali wax kila
kechan ay ab'al k'umal;
b'a spetsanil lu'um k'inal wax kila
kistal ja jastik jumasa toj sjomelalni'a.
4Mi ma sk'u'an ja wa wab'al jumasa,
mini jun ma' toj wax ya'a sb'aj sok ja smoj jumasa.
Ja ma' mey sb'ej ja jas wa'ne'i,
mi lek wax yilawe ja ma' leki,
sok b'a spetsanil lu'um k'inal mi sk'u'lane b'a leki.
5—Ja Dyosi ti sjak'a'a:
K'elawilex ja chonab' jumasa.
K'elawilex jas wan ek'el yujile b'a kechan ita ye'nle'i.
Ja mixa oj ek' jitsan k'ak'u oj ja wil'exi
jach' oj ka'kan kawan jas sti'e'i.
Ta ayk'a ma oj yal a wabyex ja iti,
ja we'nlexi mi oj b'ob' a k'u'ukex.
6—Oj kal yabye ja babilonio jumasa
k'e a ya sb'aje b'a oj nol k'ab'inuke.
Jun chonab' mi jas sk'u'ane,
sok oj sb'ejtese b'a spetsanil ja lu'umi
b'a oj sb'ajuke ja lu'um jumasa b'a mis b'ajuke'i.
7Ja b'a ye'nle'i kechan ja oj kisxuk ja yab'al ye'nle'i
sok kechan ja niwan wax yilawe ja oj toyxuke'i;
—Jun nole kristyano mix kuch ja jastale'i.
8—Jas kawuje' jumasa sok ja ma'tik ke'eli
chikanxta wax jak lib'iljuke jan najat;
jelni x'aniye yuj ja leopardo choj jumasa
sok jelni k'ak'e yuj ok'il jumasa;
wa sjipa sb'aje sok ja matik mi xyi'a sb'aje soki
jastal ja liklik wax ko ja b'a wax ajyi.
9Ja b'a wane ek'el jani wax ch'ak sch'ak'e spetsanil ja jasti ayi;
ja b'a wane ek'el jani jel wane ya'jel kan ja xiweli,
jaxa ja ma lutan wax yi'aje'i
jel jitsan jastal ja jijkab' b'a sti ja niwan paman ja'i.
10—Was tse'ine ja mandaranum jumasa sok ja ma'tik jel niwan ja ya'tele'i,
was tse'ine yi ja scha'nil ts'akab' ton jumasa,
sok was k'ulane' jun uk'um sok jijkab'
b'a oj yi'ekan ja schonab'ile'i.
11Jachuke jastal jun tsatsal ik'
wax jaki, wax pujtsini sok wax waji;
jun niwan mulal skuchuneje':
mey yi'oje tuk dyos ja' ita sok ja yipe'i.
12Ke'n Habacuc wax kala:
Dyos b'a Israel,
jun Dyos tsa'ub'ala;
petsanil k'ak'u tini aya'a,
sok mixa wa'wotikon k'ab'al b'a oj chamkotikon
yuj ja we'nani waxa koltayotikona;
wax na'a wax was k'uluk ja Babilonia
b'a kechan waxa wa yi wokol ja wa chonab'ili.
13Ja we'n mixa k'ana ja b'a mi sb'ejuki,
sok mixa k'ana ja mulali.
Mila kan ch'ab'an
sok mixa k'ana ja ma'tik mi sb'ejuk ja jastal aye'
oj smil'e' ja ma'tik leke'i.
14Ja we'n waxa wilawotikon jastal
jun lom chay b'a yoj niwan paman ja'i;
jastal jun b'its'il chan,
mi ma x'i'ji yuj b'a jun lekil b'ej.
15Ja'yuj jas swinkil ja Babilonia
mi wokoluk wa syamawotikone,
jastal wax yamxi ja chay
sok ja wax lukb'axi ma sok ja enub'i.
—Ja jastal jawi jel ni lek xyilawe'a.
16Ja'yuj ja babilonio jumasa
was dyosane jas tujk'anub'e'i
wa xyi'aje niwan.
Sts'akatal yuj ja stujk'anub'e'i
jexa ja jastik sb'aje'i.
17—Mok a k'an ja babilonio jumasa
b'a oj jmilotikon mi oj stalnaye yajulaltikon.
Currently Selected:
Habacuc 1: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
