Ezequiel 47
47
Ja niwan ja' wax el ajyi b'a snajtsil tsomjeli
1Ja winik jawi, cho yi'ajon pilan majke b'a wax ajyi ochel b'a snajtsil tsomjeli. Ti kila tiw b'a yib'el b'a wax ajyi ochel yuj wa'n elel ja', ja ja' jawi ti wax jak b'a ko'el k'inal sok ti wax ek' b'a jun sts'el ja snajtsil tsomjeli, ti wax yi'aj yok b'a stojol wax jak ja k'ak'u yuj ja snajtsil tsomjeli. 2Tsa'an ja winik jawi, ti ya elkon b'a wax ajyi ochel b'a k'e'el k'inal, jb'ejtestikon sjoyanal ja snajtsil tsomjel b'a jwera yi'ajon man b'a wax ajyi ochel b'a stojol wax jak ja k'ak'u. Ti b'ob' kil tiw wax cho el ja' b'a ko'el k'inali.
3Jaxa winiki, ti waj b'a lado stojol wax jak ja k'ak'u. Yi'aj jun ak' sb'isa 500 metro; tsa'an ti yala kab' oj ek' jk'uts ja yok ja'i. Ja scha'anil ja ja'i, ti k'ot tik'an b'a snuk' kok. 4Tsa'an cho sb'isa pilan 500 metro, cho yala kab' pilan majke oj b'i ek' jkuts ja yok ja'i. Jaxa ya'n ja scha'anil ja ja'i, ti k'ot tik'an b'a jxijk'an.
Ja winiki, sb'isa pilan 500 metro, cho yala kab' oj b'i ek' jk'uts ja ja'i. Jaxa ya'n cha'anxa ja ja'i, ti'xa k'ot man b'a jnalan. 5Cho sb'isa pilan 500 metro, jaxa yok ja' jawi, junxa niwan ja', cha'anxa lek, mixa b'ob' ekon b'ejyel. Lok lok ja'xa ekyon. 6Ja'yuj ja winiki, ti sjob'o ki'a: —¿Ch'ak a ma a wil spetsanil ja iti?—
Yajni kumxitikon jan b'a niwan ja'i, 7ti kila b'a chab' sti' ja'i, jel jitsan ja te' jumasa. 8Jaxa winiki, ti yala kab'a:
—Ja ja' jumasa iti, ti wax yi'aj yok b'a stojol wax jak ja k'ak'u, yajni wax k'ot b'a takin lu'um k'inali ti wax waj b'a yoj niwan paman ja' b'a it mi snika sb'aji. Ja tiwi, lajan sok ay yats'mil ja ja'i, sok ja ja' iti, chib'i ele. 9-10Masan b'a En-gadi man b'a En-eglaim chikan b'a wax ek' ja ja' iti, jel oj ajyuk ja chayi. Cho jel jitsan ja yama chay jumasa oj ya'we takjuk ja yenub'e'i. —Jel oj ajyuk ja chayi tuktukil tik'e oj ajyuk, jach' jastal b'a niwan paman ja' b'a Mediterraneo— Spetsanil ja jas oj snijk sb'aj b'a ja' jawi oj ajyuk sak'an yuj ja ye'nle'i, ja k'ajal ja' jawi oj ya'we chi'b'uk. 11Kechani chi' lek oj ajyuk ja paman ja' jumasa sok b'a cha'an paman ja' jumasa, mi jas tuk oj makunuk kechan b'a oj el ats'ama.
12—B'a schab'il ja sti' ja'i, oj k'i spetsanil tik'e tek'ul jumasa. Ja spowili, mini oj mok'uka, ja jawi, oj makunuk sb'a a'n. Ja oj ulb'axuk sok ja ja' it wax el b'a snajtsil tsomjeli, jaxa sat oj ya'i, b'a jujune ixaw oj makunuk b'a oj lo'xuk—.
B'a wax k'ot tik'an ja slu'um ja israelenio
13-14Ja Dyosi, ya'ta stik'anal ja slu'um ja israelenio. Ye'nxani yalata'a:
—Ja lu'um iti, ja jk'apayi ja ma' ek' paxta a wujilex ja we'nlexi, oj ka'wi'ex b'a wa dote'ex. We'nxa oj ja k'ep'ex yi jun xta lajan ja lajchaw k'ole'i, jaxa k'ole sb'a Jose t'ilan chab'e oj yi' ja ye'nle'i.
15-17—B'a oj k'ot tik'an b'a k'e'el k'inali, ja oj spil ja niwan paman ja' Mediterraneo, cho ti oj ek' b'a chonab' jumasa b'a Hetlon, b'a Sedad, b'a Berota, sok b'a Sibraim. Ja chonab' jumasa iti, tey b'a lu'um jumasa b'a Damasco sok b'a Hamat. Masan tiwi sok man b'a Hasar-haticon, ma Hasar-enan, ja wa sts'ajkan sb'aj sok ja Haurani.
18—B'a stojol wax jak ja k'ak'u, ti' wax k'ot tik'an b'a niwan ja' Jordan. Ti wa stuluyi b'a Hauran sok b'a Damasco, sok spetsanil ja b'a smojone ja israelenio sok b'a Galaadi, masan b'a chonab' Tamar ja it tey sok lajan ja niwan paman ja' it mi snika sb'aji.
19—B'a ko'el k'inali, ja mojoni, ti wa stuluyi b'a Tamar, sok spetsanil man b'a oasis b'a Meriba-cades, b'a stojol b'a niwan ja' b'a Egipto, man wax k'ot man b'a niwan pan ja' Mediterraneo.
20—B'a stojol wax och ja k'ak'u, ja mojoni ja niwan pan ja' Mediterraneo, masan b'a mojon sok ja Egipto man b'a sti niwan paman ja' it tey b'a wax ajyi ochel b'a Hamati.
21-22—Ja lu'um iti, ja' wa dote'ex, sb'ej oj ja pil a b'ajex sok oj ja wil'ex ma' oj ko' sb'aj b'a slajchawil k'ole yuj ja israelenio. Ja yajnixa pilawexi, t'ilan oj ja na'ex ja ma' tuk chonab' jakeli, cho jach'ni ja yuntikil yi'oje ja janek' ti aye a mokexi. Ja yuntikile'i, jach'ni ja ye'nle'i, lajan sok israelenio manxiye. 23Ja lu'um b'a oj a'juk a wi'exi, ti oj yi' ja ye'nle sok ja k'ole b'a' ye'i. Ja iti, yujni jach' wax yala ja Dyosi.
Currently Selected:
Ezequiel 47: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
