Ezequiel 44
44
Lutan b'a wax ajyi ocheli
1Jaxa winik jawi, ti cho yi'ajon och b'a wax ajyi ochel b'a sti ja b'a snajtsil ja tsomjeli, ja it ti wax kan b'a stojol wax jak ja k'ak'u b'a'ya lutan ay. 2Ja'yuj, ti yala kab' ja Dyosi:
—B'a wax ajyi ochel iti, yujni lutan oj ajyuka. Mi ma' oj b'ob' sjam'e sok mi ma' oj b'ob' ochuk ja tiwi, yuj ja ti' wala ek'yon ajyi ja ke'n ja Dyos yuj ja israelenio. 3Ja ma' oj b'ob' ochuk ja tiwi, kechan ja mandaranumi, yuxta kechan ja oj b'ob' ochuk ja yajni ti oj wa' b'a stij sati, ja yajni ja oj yab' ja t'usan wa'el oj kan b'a majtanal jumasa. Ja jastal jawi, oj b'ob' ochuk oj b'ob' eluk jasa, ti'itani b'a niwan wax ajyi ochela—.
Ja ma'tik oj b'ob' och b'a snajtsil tsomjeli
4Tsa'an ja winik jawi, yi'ajon b'a wax ajyi ochel b'a k'e'el k'inal it tey b'a sti' snajtsil tsomjeli. Yajni kila b'ut' ja snajtsil tsomjel yuj ja niwan yip ja Dyosi, ti koyon mek'ana, man sta'a ja lu'um ja jpatani. 5Ja'yuj, ti yala kab' ja Dyosi:
—Ezequiel ja we'n jun lom winik, makla lek spetsanil ja jas oj kal a wab' yuj ja snajtsil tsomjeli. Ja' a wa'tel oj ja na' machunk'a oj b'ob' ochuk ja b'a snajtsil tsomjeli sok machunk'a miyuki. 6Ja israelenio, ala yabye, jach' wa'n yaljel jastal it ja Dyosi:
—Ja we'nlexi, mi t'un lekuk ja jastal ayexi, jaxa ke'n axwiyonta a wujilex yuj ja jastal jel kistal ja jas waxa k'u'lanexi. 7-8Mini t'un waxa kisawex ki ja snajtsil jtsomjela; toj spakaxil waxa k'u'lanex, waxa wa'wex och ja tiw ja ma' tuk chonab' jakeli, ja ye'nle'i, mini b'a sb'ak'tele'i sok mini b'a sk'ujole wa sk'u'ane ja kab'ali. Jachuk waxa wa'wex kan b'a oj sk'u'l ye'nle ja jaw jumasa ja kulto b'a snajtsil tsomjeli, ja jawi, tsa'ub'al we'n sb'aj oj ja k'u'lukex. Mi kechanuka, ja we'nlexi, mini yuj waxa kisawonexa, waxa wa'wex ki sok skojlelal sok schik'el ja jmajtani. Sok ja kistal jastik jumasa jaw waxa k'u'lanexi, ti' waxa k'okowex tiw ja jas wax kala.
9—Ja'yuj ja ke'n wax kala wabyex ja smeranili, mi ma' oj ochuk ja b'a jnajtsil jtsomjel ta yuj k'a mi israelenio'uki. Mi ma oj ochuk ta yuj k'a mi ti yi'ojuk b'a sb'ak'tel sok b'a sk'ujole ja senya b'a jtrato'i, —mini oj b'ob' ochuke ja ma' tuk chonab' jakele it ti' ya'oj sb'aje noljel b'a sniwanil ja chonab'i—
10-12—Ja ma' ti wax koltajiye yuj ja pagre jumasa oj b'ob' ya'teltaye ja snajtsil jtsomjeli, kechan ja oj sk'el'e ja b'a'tik wax ajyi ocheli, ma oj skoltaye ja kristyano jumasa, ma oj smil'e' chante jumasa b'a wax a'jiki b'a jmajtan b'a oj tsikxuk yuj ja jach' lek wax kila. Jachuk, t'ilani oj ja tup wa mulexa, porke a lo'layonex. Sjipawone kan ja israelenio jumasa b'a wa stoy'e' k'u'lub'al dyos it jel tuk ja yik'ili, ye'n a'tijiye jastal ja ya'tel ja pagre jumasa. Ja jas wax kala yujni jach' waja.
Ja ma'tik wax koltajiye yuj ja pagre jumasa
13-14—Ja ma'tik wax koltajiye yuj ja pagre jumasa jel oj yi'e ja wokol yuj ja jastik jel kistal ch'ak sk'u'luke jani. Ye'n schol oj stalnaye ja snajtsil tsomjeli, sok spetsanil ja jastik jumasa oj sk'an oj makunuk ja tiwi, jasa, mi oj b'ob' ya'teltayone jastal wax a'tiji ja pagre jumasa, sok mini oj b'ob' jak sta'one sok jun jastik b'a wax makuni b'a kulto.
Ja pagre jumasa
15Ja israelenio jumasa mixa yuj wanukto sk'u'anone, jaxa pagre jumasa yintil ja Sadok, ti'toni wa'ne ya'teltajel ja snajtsil tsomjel sok spetsanil sk'ujole. Ja'yuj ja ye'nle'i, oj b'ob' ochuke mojan jmok b'a oj stsik e ki ja jmajtan jumasa yuj ja jach' lek wax kila. Ja jas wax kala wabyexi, yujni jach' oj ek'uka.
16—Kechan ye'nle altiro oj b'ob' ochuke ja b'a snajtsil jtsomjeli, oj b'ob' ochuke mojan sok ja kaltar b'a oj ya'teltayone'i. 17-18Jaxa yajni oj ochuke b'a snajtsil tsomjeli, ma ja b'a wax ajyi ochel b'a yojoli, mi oj b'ob' slap sk'u' swexe tojb'el sok k'u' chej. Spetsanil ja sk'u' swexe oj slap'e'i, yujni lekil k'u'utsa, a'nima ja'uk ja sgora'e'i, ma ja'uk ja swexe'i. Ja b'a snalane'i, mi oj b'ob' ya'we och b'a jas wax tikawani.
19—Yajni oj eluke b'a sti' na'its b'a jwera, b'a oj waj sta' sb'aje sok ja kristyano'i, wa sopo ja sk'u'e jaw b'a leki, ti wax ya'awe b'a wax ajyi jijlel b'a snajtsil tsomjeli. Ja k'u'al iti, ja b'a mi oj sta' sb'aj sok ja sk'u' ja ma' mini jun schola.
20—Ja pagre jumasa jel t'ilan oj sjox ja stso'otsil s'olome'i, kechan mi oj snok e.
21—Mini jun pagre oj b'ob' yu' ya'lel ts'usub' ja yajni oj och b'a sti na'its b'a yojoli.
22—Mini jun pagre oj b'ob' nupanuk sok jun ixuk viwuda ma spilune sb'aj sok statam; kechan oj b'ob' nupanuk sok jun israelenio b'a mi sta'ojuk sb'aj sok winik b'ajtan, ma jun ixuk b'a ya'oj kan viwuda jun pagre.
23—Ja pagre jumasa jel t'ilan oj sje'e yi ja kuntikil ja jastik b'a lek sok b'a mi lekuki, sok jach'ni b'a sak sok b'a kuxi. 24Yajni ay ma' wax k'e' tiro'aneli, t'ilan oj a'tijuke ja ye'nle jastal ja k'ela ab'al k'umali, jaxa jastal oj ya'we stup ja smuli, t'ilan oj slaj sb'aj sok ja jas wax je'awi'exi. Mi kechanuka, jel t'ilan oj ch'ak a k'u'ukex spetsanil ja mandar jumasa ka' wi'ex yuj ja sk'ak'u'il jijlel sok ja k'in jumasa jastal k'ajyel waxa k'u'lanexi.
25—Mi oj b'ob' a yam'ex ja cham winiki, b'a jach' mi oj ja jom a b'ajex, mitoni sok ja lek ja'uk wa tati, wa nani, wa keremi, wa wak'ixi, wa moj alijel winiki, ma wa moj alijel ma soltera. 26Ta ay k'a a jomo a b'ajex, t'ilan oj ja sak'ab'ajex, cho t'ilan oj ja majlayex juke k'ak'u. 27Yajni la kumxiyex b'a oj waj a'tijananik b'a sti' na'its b'a yoj snajtsil tsomjeli, t'ilan oj ja mil'ex ki jun jmajtan yuj ja wa mulexi. Ja iti yujni jach' wax kala'a.
28—Ja pagre jumasa mey ja sb'aje ja b'a slujmal ja israelenio; kechan ke'n ti yi'ojone'a sok ti'ni ayon soke'a.
29—Ja ye'nle'i, oj b'ob' yabye ja majtanal b'akb'el sat te' jumasa sok ja chante wa smilawe ja israelenio jumasa. Spetsanil ja jas wa spilawe ki ja israelenio jumasa, nakani sb'aj ye'nle'a. 30Cho jach'ni, sb'aj ye'nle ja lekil sb'ajtanil sat tek'ul jumasa wax eljan b'a alaji, sok ja b'a lek ja majtanal jumasa. Ja yuntikili, t'ilan oj ya'we ja lekil juch'ub'al ixim ja sb'a yo'ote'i. Ta yuj k'a oj sk'u'luke ja jachuki, jelni lek oj kil ja snaje'a.
31—Mini jun pagre oj b'ob' sk'ux sb'ak'tel chante chamelxa sta'awe, mayuj ma milji yuj chante b'a k'ul.
Currently Selected:
Ezequiel 44: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
