Ezequiel 42
42
Ja kwarto sb'a pagre jumasa
1Tsa'an ja winik jawi ti yi'ajon b'a patyo, ti ya ochkon ja b'a yojol ja kwarto jumasa it tey b'a k'e'el k'inal b'a spatik ja snajtsil tsomjel b'a sti' ja na'itsi. 2Ja snajtil ja na'its b'a k'e'el k'inali, chab' tajb'e sok lajune metro jaxa sati jun tajb'e sok jo'e metro. 3Ja na'its iti, ox kaje. B'a jun ts'eel kanel jaman lajune ja sati, jaxa b'a pilan sti b'a patyo wax ajyi ochel jani, toj ton pak'ub'al yi. 4B'a ti kwarto jumasa ay kanel jaman jo'e metro jaxa sati chab' tajb'e sok lajune metro. Ja b'a wax ajyi ochel b'a ja kwarto jumasa ti wax kan k'e'el k'inal.
5Ja kwarto jumasa b'a wax ajyi ochel ochi, jel ch'in yuj ja b'a snalan ochi, ja it jumasa jel ch'in yuj ja b'a wax k'e' t'an jani, 6Yuja ja kwarto jumasa b'a cha'ani, mey syojyal jastal ja b'a k'a'jani. Ja'yuj jel ch'in wa'n k'ulaxel.
7-8Ja kwarto jumasa it tey b'a ti' ja na'itsi, spetsanil junxta ja snajtili jun tajb'e sok jo'e metro, cho jach'ni ja ts'akab' jumasa b'a sti' sati. Jaxa kwarto jumasa it tey b'a sti' snajtsil tsomjeli, spetsanil junxta ja snajtili chab' tajb'e sok lajune' metro. 9Ja b'a wax ajyi k'e'el t'an jan ja kwarto jumasa jawi, kechan wax b'ob' ajyuk ochel b'a stojol wax jak ja k'ak'u yuj ja patyo.
10Ja b'a ko'el k'inali, cho ay jun na'its jel yi'oj ja kwarto jumasa. Ja kwarto jumasa jawi, tey b'a spatik ja snajtsil tsomjeli, cho jach'ni, jun sts'akab'il ja janek' snajtil ja patyo. 11B'a spetsanil junxta lajan ja b'a k'e'el k'inali. 12Ja kwarto jumasa jawi, kechan wax b'ob' ajyuk ochel ja b'a ko'el k'inal b'a stojol wax jak ja k'ak'u, ja'ni b'a wax ajyi ochel b'a jaman b'a sti ja ts'akab' toni. 13Ja winik jawi, ti yala kab' jastal ita:
—Ja kwarto jumasa b'a k'e'el k'inali, tsa'ub'al b'a oj makunuk b'a kechan ita jun schol b'a mi kwalkyera'uk, cho jach' ja it tey b'a ko'el k'inal b'a sti' patyo. Ti wax yabye tiw ja pagre jumasa ja majtanal jumasa wa stikawe yi ja Dyosi. Mini lomuk ja chonab' jumasa jawa, ja'yuj ti wax cho yi'aje och tiw spetsanil ja majtanal jumasa wax yawe yi ja Dyosi. 14Yajni oj eluke ja pagre jumasa b'a kwarto jumasa jaw ja yajnix ch'ak sk'u'luk ja ya'tele'i, t'ilan ti oj ya'we kan tiw ja sk'u'e b'a pagre'ili. Mix a'ji eluke sok ja sk'u'e jaw ja b'a patyo ja b'a kana ti' ay ja kristyano jumasa, jel t'ilan oj stukb'es ja sk'u' swexe'i—.
15Yajni ch'ak sb'is ja snajtsil tsomjel ja winik jawi, ti ya el b'a wax ajyi ochel it ti wax kan b'a stojol wax jak ja k'ak'u, ti och stulyi sb'isjel ja sts'akab' smakb'al ja chonab'i. 16-20Tsa'an ti sb'isa schanil ja smakb'ali, b'a ja sniwanili chab' syen chab' tajb'e sok lajune (250) metro. Ja smakb'al jawi, ja wax makuni b'a wa spila ja snajtsil tsomjel yuj ja chab' oxe swinkil ja chonab'i.
Currently Selected:
Ezequiel 42: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
