Ezequiel 41
41
Ja chonab' tsa'ub'ali
1Ja winik jawi, ya ochkon b'a snajtsil ja tsomjeli, sb'isa ja syojyal jumasa, ja stolanili, ay yi'oj oxe metro. 2Ja b'a wax ajyi t'an ochel ochi ay yi'oj jo'e metro ja sati, jaxa smakb'al b'a jujune sts'eel ay yi'oj chab' metro sok snalan ja sati. Ja winiki, sb'isa ja chonab' tsa'ub'al b'a snajtsil tsomjeli, ja sniwanili ay yi'oj jun tajb'e metro sok lajune metro ja sati.
Ja chonab' mi kwalkyera'uki
3Tsa'an ja winik jawi, och ja b'a chonab' mi kwalkyera'uk b'a oj sb'ise. Sb'isa ja oy jumasa b'a wax ajyi t'an ochel ochi, ja stolanili jun metro. Ja sniwanil ja b'a wax ajyi ocheli, oxe metro ja sati, jaxa spimil ja oy jumasa tey b'a jujune sts'e'eli, oxe metro sok snalan. 4Tsa'an sb'isa ja chonab' mi kwalkyera'uki, ay yi'oj lajune metro b'a jujune stse'el. Ja'yuj ja winik jawi, ti yala kab'a: —Ja chonab' it ja mi kwalkyera'uki—.
Pilan pilan ay ja snajtsil tsomjeli
5Tsa'an ja winik jawi, sb'isa ja smakb'al ja snajtsil tsomjeli, ay yi'oj oxe metro ja spimili. B'a sjoyanal ja snajtsil ja tsomjeli, ay yal na'its jumasa, ja jaw jumasa b'a cha'tike metro ja snajtili. 6Ja na'its b'a wax ajyi ja tsomjeli, ox kaje, b'a jujune kaje ay jun tajb'e sok lajune kwarto. B'a sjoyanal ja snajtsil tsomjel b'a jwera, ay tojb'el jujune yip b'a oj ya' yip ja kwarto jumasa, b'a mi ja' oj yipuk ja smakb'al ja snajtsil tsomjeli. 7B'a jujune sts'e'el ja snajtsil tsomjeli, ay jun k'ejlub' te' b'a oj ajyuk k'e'el ja b'a pilan kaje jumasa. Yajni wax ayi k'e'el k'ot b'a yojol ja jun kaje'i, jujune majke jel wa'n niwanb'el ja kwarto jumasa.
8B'a sjoyanal ja snajtsil ja tsomjeli, ay jun yip b'a oxe metro ja scha'anili. Ja yip iti, jel niwan sok wax makuni b'a wax ya'a yip ja kwarto jumasa it tey sok lajan ja snajtsil tsomjeli. 9-10Ja spimil ja smakb'al ja kwarto jumasa jawi, chab' metro sok snalan, sok ay jaman lajune metro ja b'a snalan ja kwarto jumasa it sok ja b'a skwarto ja pagre jumasa, jaxa kwarto jumasa iti, tey b'a sjoyanal ja snajtsil ja tsomjeli. 11Ay chab' b'a wax ajyi ochel wax b'ob' ajyuk elel ja b'a jaman jawi, june tey b'a lado k'e'el k'inal, jaxa juni, tey b'a lado ko'el k'inal. Ja janek' jaman b'a sjoyanal ja kwarto jumasa ay chab' metro sok snalan sati.
Ja na'its it tey b'a lado stojol wax och ja k'ak'u yuj ja snajtsil tsomjeli
12B'a sti ja patyo b'a stojol wax mukxi ja k'ak'u, ajyi jun na'its, ja sniwanil ja sati, jun tajb'e sok jo'e metro jaxa snajtili, chab' tajb'e sok jo'e metro; jaxa skujla yub' b'a k'e'el k'en ja sts'akab'ili, ay yi'oj chab' metro sok snalan ja spimili.
Ja sniwanil ja snajtsil tsomjeli
13Ja winik jawi, sb'isa ja snajtsil tsomjeli, ja snajtili, lajan sok ja snajtil ja patyo, jaxa na'its sok ts'akab' b'a smakb'ali: chab' tajb'e sok lajune' metro. 14B'a sti' sat ja snajtsil tsomjel sok ja patyo it ti' wax kan b'a stojol wax mukxi ja k'ak'u, jachuk ja jawi, chab' tajb'e sok lajune (50) metro. 15B'a spatik ja snajtsil tsomjel b'a it tey ja spatyo lajan sok ja kwarto jumasa, b'a jujune sts'eel chab' tajb'e sok lajune' metro ja snajtili.
B'a tuk sts'e'el ja snajtsil tsomjeli
Ja niwan b'a wax ajyi ocheli sok ja b'a wax ajyi jijlel b'a yoj snajtsil tsomjeli 16potsan sok te'j, cho jach'ni ja b'a wax ajyi ochel, b'a sjotol jumasa sok ja jalub'al tak'ini, cho jach'ni ja ox kaje kwarto jumasa it ti' joyane sb'aj ja snajtsil tsomjeli, man b'a scha'anil sok man b'a yib'el. 17-20Ja smakb'al ja snajtsil tsomjel b'onub'al sok anjel querubin jumasa sok xa'an. Ja senya iti, lajan ay sok ja juni, wax b'ob' ilxuk b'a yojoli, cho jach'ni b'a jwera, b'a cha'an sok b'a yib'el, sok man b'a wax ajyi ochel t'ani, man b'a chonab' mi lomuki.
Jujune anjel querubin ay chab' sat, ja juni lajan sok sat winik, jaxa juni lajan sok sat choj. Jujune ja sate'i, ja wa sk'ela ja xa'an jumasa it tey b'a sts'e'ele'i. Jach' cholo b'ale jastal jaw b'a sjoyanal ja snajtsil tsomjeli.
21Ja ste'il jumasa ja b'a wax ajyi ochel ja b'a snajtsil tsomjeli, junxta ja sniwakili. Ja b'a sti' sat ja b'a wax ajyi ochel b'a chonab' mi kwalkyera'uki, ay jun jastik wa slaja 22ja altari, tojb'el sok te', ja scha'anili, jun metro sok snalan, jun metro ja snajtili, cho jach'ni ja sati. Ja winik ma ch'ak sje'ki spetsanil ja iti, ti yala kab'a: —Ja mesa it ja tey b'a sti sat ja Dyosi—.
23-24Jastal ja b'a wax ajyi ochel b'a chonab' tsa'ub'ali, cho jach'ni ja b'a mi kwalkyera'uki, ja ste'il ja b'a wax ajyi ocheli pimik lek, cho jach b'a wax ajyi ocheli ti wax jamxi b'aj b'ay jas smakb'al. 25-26Ja sjamulab'il jumasa ja snajtsil tsomjeli, jach' b'onub'al jastal ja smakb'ali, b'onub'al jastal anjel querubin sok xa'an jumasa. Ay smakb'al s'olomi wa spotso kan man b'a jwera ja snajtsil tsomjeli, ja niwan b'a wax ajyi ocheli sok ja kwarto jumasa lajani tey sok ja snajtsil tsomjela. B'a jujune sts'e'el ja niwan b'a wax ajyi ocheli sok ja kwarto jumasa it ti lajan ay sok ja snajtsil ja tsomjeli, ay sbentana'il sok jalub'al tak'in, sok b'onub'al jastal splanta xa'an jumasa.
Currently Selected:
Ezequiel 41: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
