Exodo 6
6
1-2Ti yala ja Dyosi:
—Ja ya'n mey tuk jastal, ojni ka stup ja mandaranum b'a Egipto'a, ye'n b'i oj yala wabyex a'wikxa kan ja schonab'ili. Ke'non ja wa Dyosonexi, —xchi ja Dyosi. 3Ja ma ek' paxta a wujilexi, sna'awe jb'aj sok ja jb'i'il ja Dyos it jel ja yipi, yuj ja mi ja'uk ja jb'i'il ja jawi, ja jb'i'ili, jach' jastal iti, —Ke'nani'a. 4Ke'n kalata a wabyex oj ka'wi'ex ja niwan chonab' b'a Canaani, ja b'a it pilan chonab' ajyiyexi, 5ja ya'n jmaklanta jastal jel tsats wa'n a'jel yi'e ja wokol ja israelenio yuj ja egipsiano jumasa, jna'ata ja jas kaloj oj k'u'lyi ja kuntikil jumasa.
6-8—Ja'yuj ka'ax, kax ala yabye ja israelenio jumasa, ke'nani Dyos yujone'a, oj ka eluke ja b'a Egipto, oj ka jijluke ja jastal jel tsats wax a'ji a'tijuke ja juts'in. Ti oj ki'e' och b'a chonab' it kaloj yab' ja Abrahami, ja Isaak sok ja Jacobi, ja'yuj man yani a b'aj we'nlex ja lu'um jawi. Jach' oj sna'e ke'na ja ma ya elanik k'ab'al b'a wa'nex ixtalajel ajyi b'a Egipto, ja we'nlexi, kuntikilex sok ke'nani ja wa Dyosonexa. Ja egipsiano jumasa sok spetsanil kip oj ka stup'e ja jas k'u'lane'i. Spetsanil ja jastal iti, jach'ni oj ch'ak jk'u'luka, yuj ja ke'nani wa Dyosonexa, —xchi ja Dyosi.
9Jaxa Moisesi, ch'ak yal yab' ja israelenio jumasa spetsanil ja jas alji yab' yuj ja Dyosi, jaxa ye'nle'i, jel axwel aye, mi kisawe yuj ja k'umb'elexta a'teli. 10Ja'yuj ja Dyosi, ti yala yab' ja Moisesi:
11—Ka'ax kax al yab' ja mandaranum b'a Egipto, a ya el k'ab'al ja israelenio jumasa b'a schonab'ili.
12Ti yala ja Moisesi:
—Mito yi'ajone niwan ja israelenio jumasa, ja'ukto oj yi'on niwan ja mandaranumi. Yujni mix cho el jk'umala.
13Ja'yuj ja Dyosi, ti yala yab' jas oj sk'u'luke ja Moises sok ja Aaroni: Jel t'ilan oj ja k'umukex ja mandaranum b'a Egipto sok ja israelenio jumasa, oj cho a wa'wex eluk ja kuntikil jumasa b'a Egipto, —xchi ja Dyosi.
Ja ma ek' paxta
14Ja it jumasa ja ma'tik ay ya'tel b'a jujune k'ole yuj ja israelenio jumasa:
Ja it jumasa ja yuntikil ja Rubeni:
Hanoc,
Palu,
Hesron,
Carmi.
15Ja it jumasa ja yuntikil ja Simeoni:
Jemuel,
Jamin,
Ohad,
Jaquin,
Sohar,
ja Sauli, ja alintaji yuj jun ixuk b'a Canaan.
16-27Ja it jumasa ja yuntikil ja Levi:
Guerson,
Quehat,
Merari.
Ja it jumasa ja yuntikil ja Guersoni:
Libni,
Simi.
Ja it jumasa ja yuntikil ja Quehati:
Amram,
Ishar,
Hebron,
Uziel.
Ja it jumasa ja yuntikil ja Merari:
Mahli,
Musi.
Ja it jumasa ja yuntikile ja Amram sok ja Jocabedi:
Aaron,
Moises.
Ja it jumasa ja yuntikil ja Ishari:
Core,
Nefeg,
Zicri.
Ja it jumasa ja yuntikil ja Uzieli:
Misael,
Elsapan,
Sitri.
Ja it jumasa ja yuntikil ja Aaron sok ja Eliseba:
Nadab,
Abihu,
Itamar,
Eliazar.
Ja it jumasa ja yuntikil ja Coreji:
Asir,
Elcana,
Abiasaf.
Ja Levi, ajyi sak'anil wak tajb'e sok lajune (130) jab'il.
Cho jach'ni ja Amrami ajyi sak'anil wak tajb'e sok juk lajune (137) jab'il, yuntikil ye'n ja Aaron sok ja Moisesi, ye'nle ja k'u'lajiye mandar yuj ja Dyos oj waj ya'we el k'ab'al ja israelenio jumasa.
Ja Aaroni ja nupani sok ja Eliseba yunin ja Aminadabi, ja smoj alijel sb'aj sok ja Nahasoni.
Ja Eliazari ja nupani sok june ja yak'ix ja Futieli, ajyi jun yuntikile ya sb'i'iluk Finees.
Ja Dyosi, spaya ja Moises sok ja Aaroni
28Ja yajni k'umaji ja Moises yuj ja Dyos b'a Egipto, 29Ti alji yab'a:
—Ke'n ja wa Dyosoni. Kax ala yab' ja mandaranum b'a Egipto spetsanil ja jas oj kala wab'i.
30Jaxa Moisesi, ti yala'a:
—Mi oj yi'on niwan ja mandaranum b'a Egipto, yuj ja mix el jk'umal tak.
Currently Selected:
Exodo 6: YABD
Highlight
Share
Copy
Want to have your highlights saved across all your devices? Sign up or sign in
© Sociedad Bíblica de México 2021
