Exodo 39
39
Och k'u'laxuk ja sk'u' ja pagre jumasa
1-7Ja sk'u' swex ja pagre jumasa tojb'i sok k'u'uts yelaw chak muk muk, b'a k'ik' muk muk, b'a chak lek. Cho ts'isxi ja spal k'u' ja Aaroni, sok ja chab' ton onise tuktukil yelawil, ja'ni b'a it ti ts'ijb'anub'al ja sb'i'il ja lajchaw k'ole yuj ja israelenio. Sok jun martiyo tojb'i chab' lechan tak'in toj k'anal tak'in. Jaxa lechan tak'in jawi, ch'ak k'utstalaxuk b'a tojb'i sok ts'okob' b'a toj k'anal tak'in. Ja' ts'isxi sok ja ts'okob' jaw jas pal k'u' sok ja syujch'ili. Spetsanil ja it jumasa jach'ni tojb'i ja jastal alji yab' ja Moises yuj ja Dyosi.
8-26Ja chompa'ali ja tojb'i sok ja jun xta sk'u'utsil ja pal k'u'i, jaxa spojtsil ja pal k'u'i, jun yelaw chak muk muk. Spetsanil ja jastal yala ja Dyosi, jach'ni tojb'i'a.
27-29Ja k'u'uts jumasa makuni sb'a Aaroni toj lekil k'u'uts, jaxa sb'a yuntikili, jalub'al k'u'uts, 30-31cho jach'ni ja sgorra'il sok ja yojol ja sk'u'i. Ja yal sch'in swexi, toj lekil k'u'uts, jach'ni ja syujch'ili, ts'isji sok lekil k'u'uts. Sk'u'lan june ma wa sna'a lek stojb'esjel.
Tojb'i jun yal lechan tak'in b'a toj k'anal tak'in, ti ts'ijb'axi'a, ja Aaroni, jun pagre b'a kechan ja oj ya'telta ja Dyosi. Ja yal lechan tak'in iti, ti ya'we lokan b'a sgorra ja Aaroni, smochowe sok jun yak'il yelaw chak muk muk. Spetsanil jach' b'ob' ja jastal alji yab' ja Moises yuj ja Dyosi.
Ch'ak tojb'uk ja snaj ja Dyosi
32-41Ja israelenio jumasa jach' mero sk'u'lane ja jastal alji yab' ja Moises yuj ja Dyosi, yaj ni ch'ak tojb'uk ja na'itsi. Ti'xa waj sle'e ja Moises b'a oj ya'weyi b'a sk'ab' sok spetsanil ja jas ay b'a yojoli, jach'ni ja wa'el it kechan ja wax makuni yuj ja Dyosi, ja aceite it tsa'ub'ali, ja pom it jel x'ajb'ani yik'ili, ja k'u'uts jumasa wax makuni b'a snaj ja Dyosi, sok ja sk'u'e jumasa ja Aaron sok ja yuntikili.
42Spetsanil jach' sk'u'lane ja israelenio jumasa ja jastal alji yab' ja Moises yuj ja Dyosi. 43Yaj ni yila ja Moises jach'ni ch'ak sk'uluke'a, ti' jel tsamal och sta' ti' ja kristyano jumasa'a.
Currently Selected:
Exodo 39: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
