Deuteronomio 27
27
Ja altar b'a wits Ebali
1Ja Moises sok ja ma'tik ay ya'tel yuj ja israelenio jumasa, ya'we yi ja kristyano jumasa ja ab'al jumasa iti:
—Ja ab'al jumasa wax ka' wi'ex ja ya'n ch'akan k'u'anik spetsanil. 2-8T'usan sk'ana ojxa ochanik ja b'a lu'um it k'apji yi'e yuj ja Dyos ja ma ek' paxta a wujilexi. —Jun lu'um jel lek sok jel x'ajyi ja sb'a'ali. Yajni x'ek' a k'utsex ja niwan ja' Jordani, sok ja yajni la ochyex ja b'a lu'um jawi, ka'axik ja b'a wits Ebali, cholowik jujuntik niwak ton cho b'onowik sok sak. Ja b'a ton jumasa jawi, ti'xa ts'ijb'ayex spetsanil ja ab'al jumasa oj ka'wi'ex ja ya'n.
—Ja b'a jun xta wits jawi, wax k'ana oj ja k'u'lukex jun altar sok toj ton, b'a ti oj tsikxuk tiw ja smajtan ja Dyos kujtik b'a oj toyxuk soki, ja b'a oj jk'antik yi ja jsak'aniltik sok ja jlekilaltiki. Jayuj ja' xa wa'wex makunuk ja ton b'a mi pojeluki, jach'ni ja jastal oj ja ta'exi. Ti'xa k'anawex yi ja Dyos a sch'ay ja wa mulexi, sok b'a sti' ja altar jawi ti'xa k'u'lanex jun k'in b'a oj ja toy'ex ja sb'i'il ja jtatik Dyosi.
9Tsa'an ja Moises, cho sje'a sb'aj yi ja kristyano'i, jas smoj sb'a sok ja pagre jumasa, ti yalwe yab' ja israelenio:
—Ch'ab'ananik ts'akatalukexa. Wax k'ana oj ja maklayex—. Ja ya'n ochyexta schonab'il ja Dyosi. 10Ja'yuj jel t'ilan oj ch'ak a k'u'ukex spetsanil ja ab'al jumasa wa xka' wi'ex ja ya'n.
Ja jastik mi lek oj ek' yuj ja matik mi sk'u'ani
11Ja jun xta k'ak'u jaw ja Moisesi, ya'yi ja israelenio ja ab'al jumasa iti:
12-13—Yajni ch'akta ek'anik a petsanilex ja b'a niwan ja' Jordani, wax k'ana spetsanil ja k'ole jumasa oj ja pil'ex, chab' k'ole ita oj kanuk. Ja b'ajtan k'ole'i, ja sb'a Simeoni, sb'a Levi, sb'a Juda, sb'a Isacar, sb'a Jose sok sb'a Benjamin, spetsanil ja it jumasa ti oj ajyuke b'a wits Gerizim. Jaxa schab'il k'ole'i ja it jumasa, sb'a Ruben, sb'a Gad, sb'a Aser, sb'a Zabulon, sb'a Dan sok sb'a Neftali, jaxa it jumasa ti oj ajyuke b'a wits Ebal. Man b'a wits Gerizim ti oj jak tiw ja slekilal spetsanil ja israelenio jumasa, sok man b'a wits Ebal ti oj jak tiw ja swokol ja ma mi sk'u'an ja Dyosi.
14-26—Ja it jumasa jastik mi lekuki, ja oj sk'umuke ja pagre jumasa b'a sti' sat spetsanil ja kristyano jumasa. Yajni ch'akta k'umaxuk jujune ja wokol iti, b'a oj ilxuk ta lek xyab' ja kristyano jumasa, spetsanile t'ilan oj awanuke sok spetsanil yipe: —Jachuk oj chi'uke.
—Mi lek oj ek' yuj ja ma oj sk'u'l jun dyos ta yuj k'a oj snak' ja tsa'ani, ja Dyosi wax tajki yuja ja jastal jawi.
—Mi lek oj ek' yuj ja ma oj yil ch'in ja snan stati.
—Mi lek oj ek' yuj ja ma mi oj skis ja smojone b'a yalaje'i, yuj ja lajan sok wani yelk'ajel ja lu'um ja wa.
—Mi lek oj ek' yuj ja ma oj slo'la jun ma mix yila k'inal ta oj sjek b'a pilan b'eji.
—Mi lek oj ek' yuj ja ma oj yil ch'in ja ma' tuk chonab' jakeli, ja ma chamel tatam sok ja meb'a jumasa.
—Mi lek oj ek' yuj ja uninal ma oj sta' sb'aj sok ja sche'um ja stati, ja jawi mini jun sb'eja.
—Mi lek oj ek' yuj ja ma oj sta' sb'aj sok chante'i.
—Mi lek oj ek' yuj ja ma oj sta' sb'aj sok ja swatsi, a'nima kechanuk yunin ja stati ma' ja snani.
—Mi lek oj ek' yuj ja ma oj sta' sb'aj sok ja sni'al ixuki.
—Mi lek oj ek' yuj ja ma nak'ul oj smil ja ma lek wax yila sb'aj soki.
—Mi lek oj ek' yuj ja ma oj stup miluman jun ma mey smuli.
—Mi lek oj ek' yuj ja ma mi oj sk'u'uk ja ab'al jumasa iti.
Currently Selected:
Deuteronomio 27: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
