Deuteronomio 26
26
Ja sb'ajtanil sat ja wa jas a b'ajexi
1Ti cho yala ja Moisesi:
—Yajni ti'xa ayex b'a yojol ja lu'um oj ya' wi'ex ja Dyosi, 2spetsanil ja sb'ajtanil sat ja wa jas a b'ajex a ts'ununejexi, ch'akan awik yi ja Dyosi. A'wik och b'a jun mo'och, i'ajik och b'a sna'itsil tsomjeli. 3A'wik yi b'a sk'ab' ja pagre ma wa'n a'teli, ti oj ja wal'exa: Ja ya'n b'a sti' sat ja Dyosi, wax k'ana oj kal a wabyex a petsanilex ti'xa ayon ja b'a lu'um it k'apji yi'e yuj ja Dyos ja ma ek' paxta kujtiki.
4—Jaxa mo'och jawi, oj yi' ja pagre ti oj ya kajan b'a sat yaltar ja Dyosi. 5Ja pagre ma oj waj ya' kajan ja mo'och jawi ti oj yala:
Ja ma ek' paxta kuji ti ajyiye sok jun nole arameo mey junxta slu'ume b'a oj ajyuke'a. Ja'yuj ti wajye kulan b'a Egipto, ti pojxiye lek tiwi, sok jel tsatse. 6Jaxa egipsiano jumasa, jel ixta yilawotikone, st'enawotikone b'a oj ochkotikon ya'tijumile. 7Ja'yuj k'anatikon a skoltayotikon jas Dyos ja ma ek' paxta kujtikoni, jaxa ye'n smakla ja jas wa'ntikon sk'anjeli, ja wanix yila jastal wa'ntikon yi'jel ja wokola. 8Ja'yuj ja jtatik Dyosi, sok spetsanil yip ya och sxiwel ja egipsiano jumasa, sok ya elkotikon ja tiwi. 9Ti yi'ajotikon b'a jun chonab' b'a jel ja jas oj kab'tiki. 10Ja'yuj sok spetsanil jk'ujol wa xki'aj jan ja sb'ajtanil sat ja jas jts'unu b'a lu'um it ya'ki'i.
—Ja mo'och b'a ay sb'a'ali, ti'xa wa' kajan b'a sat yaltar ja Dyosi, ti' la och mek'ana toyo ja sb'i'ili. 11Tsa'an ti'xa k'u'lan jun k'in b'a oj a wa'yi ts'akatal ja Dyos yuj ja jas ch'ak ya'wi'ex sok ja swinkil wa naji. Ja b'a k'in jawi, oj ja lok ja pagre jumasa sok ja ma'tik pilan chonab' jakele cho tey b'a wa chonab'ili.
Ja b'a slajunil ja wa jas a b'aji
12—B'a oxtike jab'il b'a slajunil ja wa jas a b'aj oj wa' el b'a lu'umi, oj ja pile, ja oj ja wa'yi'e ja pagre jumasa, ja ma jakel pilan chonab'i, ja meb'a, sok ja chamel tatam jumasa ma tey a mokexi. B'a jach' mi ma oj stek' wa'in ja b'a wa chonab'ili. 13-14Tsa'an yajni ch'akta a wa' spetsanil ja jastal jawi, ti oj ja wal ja b'a sti' ja altari:
Dyos kuj, ja jastal a wala b'a slajunil ja jas jb'aj oj pili, jpilatani'a, sok k'a'tayi ja ma sb'ej ye'n oj yi'i, ja pagre jumasa, ja meb'a, sok ja chamel tatam jumasa, jani b'a wa b'aj we'n. Ch'ak jk'u'uk spetsanil ja jas a wala, mini jas jyama. Sok mi jas kab' ja yajni kistal ayoni ma ja yajni jel cham k'ujol ayoni, mini cho jk'anayi ja altsilal jumasa. 15We'nani a wa'a ki'tikon ja lu'um b'a jel lek x'ajyi ja jas wa xkab'tikoni. Yuj ja ch'akta jk'u'uk ja jas a wala, ja'yuj Man b'a kulana k'oti, talnanki ja jlu'umi, sok jach'ni wa wuntikil jumasa.
Ja israelenio jumasa, ja' yuntikil ja Dyosi
16Ti cho yala ja Moisesi:
—Ja ya'n jach' wax yala wabyex jastal it ja Dyosi, oj ja k'u'ukex spetsanil ja ab'al jumasa iti. A'a b'aj b'a oj a k'u'uk sok spetsanil wa k'ujoli sok spetsanil ja jastala. 17Ja we'nlexi wanixa na'awex ja a Dyosex ja Dyos yuj ja israelenio jumasa, a walojex spetsanil k'ak'u oj ja k'u'ukex ja ab'ali.
18—Ja ye'n ja Dyosi, ch'akta sk'u'l spetsanil ja jas yaluneji, cho yala yuntikilex ni'a, ja'yuj jel t'ilan oj ch'ak a k'u'ukex spetsanil ja jas oj yali. 19Ja jtatik Dyosi, jel niwan oj ya wajanik sok jel tsats oj ya ajyanik ja b'a lu'um iti, jayuj ta oj a k'u'ukex kechan ye'n oj a toy'exi.
Currently Selected:
Deuteronomio 26: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
