Deuteronomio 25
25
1Spetsanil ab'al k'umal oj ja ta'exi, ja lek i'ajik b'a sti' sat ja ma ay ya'teli, b'a ye'n oj yal'e' mach'a ay smuli, sok mach'a miyuki. 2Yuj k'a oj a'ji stup ja ma oj el smul merani, ti oj a'juk b'a'an b'a lu'um yuj ja ma ay ya'teli, ti' oj och mak'juk leka. 3Mi oj ek' ja chab' tajb'e (40) b'its'e ts'u'umi, Ja'yuj ta jel k'a ek'i, mixa yuj stup jeluk mulal, yixtalajel xa ni'a.
4—Ja yajni wa'n swachjel sat trigo ja wakaxi, mok a tim'ex mi oj b'ob' wa'uk ja b'a wa'n a'teli.
Ja ab'al sb'a viwuda jumasa
5Ti cho yala ja Moisesi:
—Chab' winik smoj alijel sb'aje, sok jun ita na'its aye', ta wan k'a xcham junuk ja ye'nle'i, mini jun yuntikil kan sok ja sche'umi, jaxa ixuk jawi mi' oj b'ob' nupanuk sok tuk winik ta mi k'a ja'uk ja smoj alijeli sb'aj sok ja chamel winiki. Ja jastal iti jani oj b'ob' nupanuk sok ja smoj alijeli ja chamel winiki. Ja ab'al iti yujni jach' oj sk'u'l spetsanil b'aluchala.
6—Ja sb'ajtanil yal alats oj ajyuk yujile'i, ja' oj yi' ja sb'i'il ja chamel winiki, b'a jach mi oj ch'ay sk'ujole ja israelenio jumasa ja sb'i'il ja winik ja wa.
7—Ja b'aluchal jawi, ta mi k'a sk'ana oj nupanuk sok ja sche'um ja smoj alijeli, jaxa ixuki oj ya ek' b'a sk'ab ja ma ay ya'teli, 8oj sjek e' spayjel ja b'aluchal jawi, oj lo'lanuke sok.
—Kechan ta yujni k'a mi sk'ana oj nupanuk sok ja ixuk ja wa, 9jaxa ixuki b'a sat ja ma ay ya'teli, oj sopyi june ja sxanab' ja sb'aluchi, oj stsujb'uk yi ja sati ti oj yala: —K'elawilex. Ja' wa sk'ana ja jastal it ja ma mi sk'ana oj ya ajyuk yintil jumasa ja smoj alijeli. 10Jaxa moj alijel jumasa ja winik jawi, oj aljuk sb'aje yuj ja israelenio jumasa, Ja kristyano jumasa mey sxanab'e'i.
Ja ab'al sb'a tiro'anel jumasa
11—Ta wane k'a tiro'anel chab' winike, ta june k'a ja ye'nle'i wax och koltajuk yuj ja sche'umi, jaxa ixuk jawi, ja k'a syamayi ja sk'unil ja winiki, 12mok a talnayex syajal, k'utsuwik yi ja sk'ab' ja ixuk jawi.
Ja sb'isol mi lekuki
13-15—Ta ay k'a jas oj ja chon'ex ma oj ja man'ex, mok ma a lo'layex, le'awik jun slikulab'il b'a ts'ikan. B'a jach' lek oj ek'uk a wujilex ja b'a lu'um oj ya'wi'ex ja Dyosi. 16Ja Dyosi, mi lek wa xyila ja ma mi sb'isa ts'ikan ja jas wa slika.
Cham ja kristyano jumasa sb'a Amaleki
17Ti cho yala ja Moisesi:
—Mok ch'ayuk a k'ujolex ja jas k'u'lane ki'tik ja kristyano jumasa sb'a amalek ja k'ak'u eltik jan b'a Egipto. 18Ja kristyano jumasa jawi mini t'un xiwye yuj ja Dyosi; wa xyilawe jel xa k'um b'elotik, ti'to wa xcho jak ixtalanuke'a, smilawe ja ma tsa'an jakumi, ja'yuj ja jel k'umb'ele'xa. 19Ja'yuj na'awik lek ja iti: Ja yajni ti'xa ayex b'a lu'um oj ya' wi'ex ja Dyosi, ch'akta a mil'ex spetsanil ja ma mi lek xyilawexi, jach'ni ja yintil jumasa ja Amaleki, ch'akan ch'ayawik sna'jel spetsanil.
Currently Selected:
Deuteronomio 25: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
