Deuteronomio 24
24
Ja jastal oj b'ob' spil sb'aj ja ma nupaneli
1Ja Moisesi, yala jastal oj spil sb'aj ja ma nupaneli:
—Jun winik ta wan k'ax nupani, ja tsa'ani wa xyila mi lekuk ja jastal ja sche'umi, oj b'ob' spil sb'aj sok. Kechan oj ya'yi jun ju'un b'a wax yala spila ta sb'aje, jach' oj b'ob' ya' eluk ja b'a snaji.
2—Ja ixuk jawi, ta wan k'a xcho nupani sok pilan winik ja tsa'ani, 3Jaxa winik ma nupani soki, cho jipji kani ma yuj chami, 4mi oj b'ob' nupanuk sok pilan mak'e ja b'ajtan statami. Mi oj b'ob'uk jas yuj ja ixuk jawi sta'a ta sb'aj sok pilan winik. Ta yuj k'a waj nupanuke, jel oj ya'we tajkuk ja Dyosi. Mi oj b'ob' jomtik sok mulal ja lu'um ya'ki'tik ja Dyosi.
Ja tuk ab'al jumasa
5Ti cho yala ja Moisesi:
—Ja winik ma ajk'achto nupaneli, mi oj b'ob' wajuk ja b'a tiro'aneli, sok mi ma oj b'ob' waj a'tijuk sok. Ta yuj k'a sb'ajtanil jab'il nupanel, oj b'ob' kan b'a snaj b'a jach' oj sk'u'luk ja jastal was k'ana sok ja sche'umi.
6—Ay k'a ma ay jas wa smaja a wi', mok a k'an oj a wi' yi ja b'a swa sjuch'u ja jas wa xyab' ja ta yuj k'a oj stup merani. Ta yuj k'a jach' oj ja k'u'lukex, jastal oj b'ob' sjuch' ja jas oj yab'i, ojni a wa'wex stek' wa'ina.
7—Chikan ma wa xyelk'an jun kristyano jumasa b'a oj schone ma oj ajyuk b'a yib k'ab'al, ojni miljuk ja ma wax elk'ani'a. Mok a wi'ex lek ja ma jach' oj sk'u'luk ja b'a wa chonab'ilexi.
8—Ta ay k'a ma wax k'a' ja sts'ujmili, t'ilan oj waj sje' sb'aj yi' ja pagre jumasa. Ye'n wa sna'awe jas oj sk'u'luke yi ja jastal jawi, ja we'nlexi ja ni oj ja k'u'ukex ja jas oj yal'e'a. 9A jak a k'ujolex ja jastal ko' chamel ja moj alijel maria ja yajni eltikon jan ja b'a Egipto.
10-11—Ja yajni oj ja wa'ex majan tak'ini, ta wan k'ax yala ay jas oj ya' t'an kan ja ma oj yi' majani, mok we'n oj och a wa'wex elyi man yoj snaj. Tix kan a majlayex b'a wax ajyi ochel ja we'nlexi.
12-13—Ja ma oj smaj a wi'ex tak'ini jel k'a ajula sb'aj, kechani ja oj b'ob' ya'wi'ex ja schompa b'a oj ja wil'ex meran oj stupi, i'ajik ja b'a sat k'ak'u, jaxa b'a yoj a'kwali awik kumxuk yi ja ma sb'aji. B'a jach' ay jas oj sk'u'uk ja yoj a'kwali. Ja ma sb'aji jel lek oj yil ja jastal jawi, oj sk'an yi ja Dyos a yil'ex lek. Jaxa Dyosi, ojni yil jel lekexa ojni skoltayexa.
14-15—Ta wan k'axa wa'wex a'tijuk ja ma jel ajula sb'aji, yajnix och ja k'ak'u tupuwik ja jastal ni ja sb'eji. Ja ma ajula sb'aji, israelenio ma miyuk wax a'tiji jani b'a oj sman ja swa'eli, ja'yuj ojni makunuk yuj ja sts'akola. K'u'anik ja ab'al jumasa iti, kechan ta yuj k'a mi oj ja wi'ex niwan, ja kristyano jumasa jawi, oj ya'we snaj ja Dyosi, jaxa Dyosi, ojni ya'a tup'exa.
16—Mi ma oj b'ob' a'ji stup mulal lom k'ik'inal b'a mi sk'u'lunejuk. Cho mini jun tatal oj b'ob' miljuk yuj ja smul ja yunini, jach'ni ja uninali mi oj b'ob' miljuk yuj ja smul ja stati.
17—Mok a wil'ex ch'in ja ma jakel pilan chonab' tey a mokexi, sok mini ja meb'a jumasa.
—Ay k'a jas oj ja wa'wex smaj ja ma chamel statami, mok a k'an'ex yi ja sk'u' b'a oj ja wil'ex ta oj stup merani.
18—Mok waj ch'ayuk a k'ujolex ja jastal ti ajyiyex b'a yib k'ab'al b'a Egipto, ye'na ni ya elanik b'a yib k'ab'al ja Dyosi. Ja'yuj wa xkala wabyex mok a wa'wex kan sk'u'ajel ja ab'al jumasa iti.
19-22—Jaxa yajni oj waj ja tul'ex sb'a'al wa walajexi, tik'a ch'ay a k'ujolex mi a tuluwex jan jun manojo ti kan b'a yaljil, mokxa kumxanik b'a oj waj a tul'ex jani. A'wikxa kan b'a ti'xa stuluwe ye'nle ja ma'tik jel ajula sb'aji, ja ma jakel pilan chonab'i, ja meb'a, sok ja chamel tatam jumasa. Jach'ni oj cho a k'u'lukex ja yajni xa tuluwex ja sat ja ts'usub' jumasa, mok ch'ak a tul'ex spetsanil a'wikto kan t'unuk ja sb'aj ye'nle'i. Mok ch'ay a k'ujolex ja yajni ti ajyiyex b'a yib k'ab'al b'a Egipto; ja'yuj wa xkala wabyex k'u'anik spetsanil ja ab'al jumasa iti, ta'a k'u'anex k'a jelni lek oj yil'ex ja Dyosi.
Currently Selected:
Deuteronomio 24: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
