Deuteronomio 20
20
Ja jastal oj ajyuk ja tiro'aneli
1Ti cho yala ja Moisesi:
—Mok xiwanik ja yajni oj wajanik b'a tiro'aneli. A'nima jel tsatsuk ma jel a'ayuk ja ma mi lek xilawexi, ma yuj ay yi'oje jitsan kawu, ma jitsan karro mok xiwanik yujile, ja ke'ntiki tey jmoktik ja jtatik Dyos it ma ya elkotik b'a yib' k'ab'al b'a Egipto.
2—Yajni mojanxa oj ochkotik ja b'a yoj tiro'aneli, ja pagre oj yal yab' ja jsoldadotiki: 3israelenio jumasa, maklayik lek ja jas oj kal a wabyexi, ja ya'n oj ochanik tiro'anel sok ja ma mi lek xa wila b'ajex soki, jayuj mok je xiwanik, —A'wik kan pilan ja xiweli, tsats ajyanik—. 4Ye'n oj tiro'anuk ja Dyos kujtik yuj ja ke'ntiki, sok ojni ya b'ob' kujtika.
5-6—Jaxa ma'tik jel niwak ja ya'tel yuj ja soldado, ti oj yal'e yab' ja soldado jumasa:
Ta ay k'a ma tojb'el yuj jun snaj mito k'ax och ja b'a yoj na'its jawi, ma ta yuj ay ma tojb'el yuj jun yaljil ts'usub' sok nakaxa tak'an, ja soldado ma' sb'a ja jastik jumasa jawi ja lek a kumxuk b'a snaj. Jaxa ta lek xwaj cham kan b'a tiro'anel b'a, lom pilan ma oj yi'kan ja snaji, sok pilan ma oj stul ja sat ja ts'usub' jumasa.
7Ta ay k'a ma wa sk'ana oj nupanuk ja k'ak'u jumasa iti, ja lek a kumxuk a waj nupanuk b'ajtan. Jaxa ta lek xwaj cham kan b'a tiro'aneli lom pilan ma oj nupanuk sok ja smakb'eni.
8Ta ay k'a ma wax xiwi, ja lek a kumxukan b'a mi oj ya och sxiwel ja tuk jumasa.
9—Tsa'an ja kapitan yuj ja soldado, ti oj schol b'a b'ajtan ja soldado jumasa, ti'xa oj wajuke ja b'a oj ajyuk ja tiro'anela. 10Yajni mojan xa ayex ja b'a chonab' b'a oj ajyuk ja tiro'aneli, le'awik slekilal b'ajtan ta mi oj b'ob' lamxuk. 11Ta lek k'a oj yabye ja swinkil ja chonab' ja jas oj ja wal'exi, ta oj k'a ya ochanik lekil ab'al, ye'nle'ni oj ajyuke b'a yib k'ab'ala. 12Kechan ta yuj k'a mi lek xyabye, ti'xa joyb'anex ja chonab'a, ochan nol k'ab'inik.
13-14—Yajni xyala ja Dyos oj b'ob' ka wujilex, ch'akan milawik spetsanil ja winik jumasa, jaxa ixuke'i, ja yal untik sok ja chante jumasa mok a mil'ex b'a ye'n oj ja wa'ex b'a yib k'ab'al, spetsanil ja jas oj ja ta'ex b'a chonab'i, naka ni a b'ajexa.
15-18—Jach'ni oj cho a k'ul'ex yi ja kristyano jumasa ma najat ay a mokexi. Ja chonab' jumasa tey ja b'a lu'um oj ya'wi'ex ja Dyosi, mok a wa'wex kan sak'an mini jun itita, mini jun amorreo, mini jun cananeo, mini jun ferezeo, mini jun heveo, sok mini jun jebuseo. Spetsanil ja kristyano jumasa jawi, mini jun oj kanuke sak'ana, ta yuj k'a mi a k'u'lanex jachuk, tsa'an ye'n oj sje'a wi'ex jastal oj och a toy'ex ja k'u'lub'al dyos jumasa. —Ja jachuki jun niwan mulal oj a le'ex ja b'a sti' sat ja jtatik Dyosi. —Mini jun sb'eja. Ja Dyosi yala kab'tik oj ch'ak jch'aytik sna'jel spetsanil ja jastal jun smajtan b'a stoyjel.
19-20—Lek ay, yajni waxa k'ana oj ja wi'ex kan jun chonab', t'ilan oj ja joy b'ayex b'ajtan jitsan k'ak'u, jiptalanik te' sjoyanal, kechan ja te' b'a wax satini mok a jip'ex, yuj ja oj makunuk b'a oj ja wabyex. Ja te' jumasa mi oj b'ob' skolta sb'aj, mi oj slaj ja jastal ja winiki.
Currently Selected:
Deuteronomio 20: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
