Deuteronomio 19
19
Ja chonab' jumasa b'a wax nolwani
1Ti cho yala ja Moisesi:
—Ja Dyos kujtiki, oj sch'ay sna'jel ja kristyano jumasa ma tey b'a lu'um oj ya' wi'exi. We'nlex ja yajk'achil swinkil oj ajyanik ja chonab' jumasa jawi, sok we'n oj ochanik ja b'a snaje ja kristyano jumasa jawi. 2Yajnix waj k'ot smeranil ja iti, t'ilan oj ja pil kan oxe chonab' 3-4cho tojb'es lek ja sb'ejlal b'a oj k'ot man b'a yoj lu'umi.
—B'a slechanal ja lu'um oj ya' wi'ex ja Dyosi, oj ja pil'ex oxe b'a jun xta lajan oj wa' och junuk ja chonab' b'a oj sta' skoltajel ja ma mi ja'uk wa sna'a ja wa sta'a smuli was smila jun smoj, chikan b'ay junuk ja chonab' jumasa jawi ojni sta' skoltajela. A'nima xle'ji yuj ja smoj alijel ja chamel winik b'a oj cho miljuk ja ye'n, jaxa ma milwani ojni b'ob' yal mi yuj ay jas ki'oj sok, mey sna'jel ja jas ek'i.
5-6—La kaltik chab' winik wajye kuchuj si' b'a wits, yajni wa'ne sk'uts jel ja si'e'i, sijpaxi yuj ja yechej ja juni tojxta ja yi'aj ja smoji. Sok ja jawi toj chamel waji, jaxa ma milwani oj b'ob' skolta sb'aj b'a junuk ja oxe chonab' jumasa jawi. Kechan ta yuj k'a jel najat ay sok ja chonab' jumasa jawi, oj b'ob' lajuk yuj ja smoj alijel ja cham winiki, ojni b'ob' miljuka, mi oj sna'e ta yuj jun ch'ay k'ujol waji. 7Ja'yuj wa xkala wabyex oj a pil'ex kan ja oxe chonab' jumasa jawi.
8-10—Ta oj k'a a yajtayonex oj k'a a kis'onex, oj k'a cho a k'u'ukex ja jtatik Dyosi, ojni ch'ak ya' wi'ex spetsanil ja lu'um it k'apji yi'e ja ma ek' paxta a wujilexi. Yajni xa wi'ajex ja lu'umi sok ti'xa ayex tiwi, cho pila wikan oxe chonab' smoj, oj b'ob' makunuk b'a oj ja nol a b'ajex. B'a jach' mi oj ja ta'a mulex ja we'nlex ta ay k'a ma xcham b'a mey smul.
11Jayuj la kaltik ay ma mi lek wa xyila sb'aj sok junuk ja smoji, ti wax el najat wa xwaj smajla b'a oj smile ja ma milwani oj waj sle' skoltajel junuk ja b'a oxe chonab' jumasa jawi, 12jaxa ma'tik ay ya'tel b'a chonab' jumasa jawi, oj sjek e' spayjel ja ma milwani, b'a oj ya'we b'a sk'ab' ja smoj alijel jumasa ja chamel winiki, ye'nlexa oj sch'ay'e sna'jela.
13—Ja ma wax milwani, mok a koltayex mini june, ja janek' israelenio'exi, mok a wi'ex lek ja ma oj cham lom mey smuli. B'a jach' lek oj wajanik sok spetsanil ja jas oj ja k'u'lukexi.
14—Ja wa lu'umex b'a oj ya' wi'ex ja Dyosi, jel t'ilan oj ja kis ja wa mojonex b'a jujune'exi. Ja mojon jumasa jawi yujni jach' wa xna'xi ja b'ajtana.
Ja jastal oj sk'uluk ja ma wax yila jas wax eki
15—Ta ay k'a ma wa sta'a jun niwan smul, jel t'ilan chab'e ma oxe ma yila oj yal ta meran ja mulal jawi. Kechan k'a june ja ma oj yali mi oj k'u'axuk.
16—Ay k'a ma wa xle'ji smul cho ay k'a junuk ja ma wa'n sle'jel ja mulal jawi, wax cho yala mi meranuk, 17jach' k'a jastal jawi, t'ilan ti oj wajuke b'a sna'itsil tsomjel ja ma wa'n le'uj ab'al sok ja ma wa xlokji ab'ali, b'a oj waj sje' sb'aje yi ja pagre sok ja ma'tik wa stojb'es ja ab'al k'umal jumasa. 18Ja ye'nle'i takal takal oj sk'el'e jastal ay, waj k'a ko' yujile wa'n le'uj ab'al ja ma wax yala, 19-21oj yal'e, jach' oj stup ja ma wa'n le'uj ab'al ja jastal wa sk'ana oj ya stup ja ma wa sle'a yi smuli. Ja lek a syam sb'aje, a ya' sb'aje b'a sate, b'a yeje', b'a sk'ab'e, b'a yoke, a yil'e machunk'a oj b'ob' yujile'i. Mok a wi'ex lek ja ma oj sk'u'l b'a mi lekuki. Ta wan k'axa k'u'anex ja ab'al jumasa iti, mini ma oj sk'u'l ja b'a mi lekuki, oj xiwanik b'a oj ja le'ex yi smul lom k'ik'inal ja wa mojexi.
Currently Selected:
Deuteronomio 19: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
