Deuteronomio 14
14
1—Ta ay k'a ma cham k'ujol ay yuj ja cham ja smoj alijeli, mok a yajb'esex ja wa b'ak'telexi, mok a jox ja stso'otsil wa olomexi. Ja we'nlexi yuntikilex ni ja Dyosi; 2We'nlex ja yuntikil it stsa'awex b'a spetsanil ja kristyano jumasa b'a lu'umi, sok sb'ajex ni ye'na'a.
Ja chante jumasa b'a lek sk'uxjeli
3-4Ti' cho yala ja Moisesi:
—Ja we'nlexi, mi oj b'ob' a wabyex ja chante jumasa it yala ja Dyos mi lek sk'uxjeli. Ja b'a oj b'ob' a wabyexi, ja' chante jumasa iti:
Wakax,
chej,
chivo,
5k'ujlal chej
gacela, ja niwan yuj ja k'ujlal cheji,
chivo sb'a k'ul,
antilopes. Oj cho slaj ja k'ujlal cheji.
6—Spetsanil ja chante jumasa oj b'ob' a k'ux'ex, ja b'a wa sch'ach'a chab' ek'ele' ja swa'eli, sok ja b'a ay set ja yechi. 7Ja cameyo mok a k'ux'ex, mini ja ch'in chichi, ja niwan chichi, yuj ja mey set ja yechi, ja chante jumasa jawi kistal wax yila ja Dyosi. 8Jach'ni ja sb'ak'tel ja chitami mi lek oj ja wabyex, a'nima ay set ja yechi yuj ja mi sch'ach'a chab' ek'ele' ja swa'eli. —Jaxa b'a chamel xa mi oj b'ob' a yame.
9-10—Chikan ja stik'e'il ja chay b'a ay skajlab'il sok b'a ay swech'i, lek oj ja wabyex, mi lek oj ja wabyex ja chante jumasa tey b'a yoj ja' b'a mey skajlab'il sok b'a mey swech'i, ja Dyosi kistalni wax yila'a.
11—Chikan jas tik'e yal chan lek oj ja wabyex ta yuj k'a mi kistaluki. 12-18—Ja yal chan jumasa b'a mi lek yab'jel yala ja Dyosi, ja it jumasa:
ja aguila,
ja yal chan sb'i'il quebrantahuesos
ja aguila sb'a niwan paman ja'i,
ja yal chan sb'i'il milano,
ja avestrusi, oj slaj jastal kolko, kechan jel niwan
ja xoch'i,
ja gabiota, jun yal chan ti wa x'ajyi b'a niwan paman ja',
ja suru-kujkuji,
ja yal chan sb'i'il ibisi,
ja yal chan sb'i'il cisne,
ja yal chan sb'i'il pelicano,
ja useji,
ja cigwenya,
ja ijkini,
ja yal chan abubiya,
ja sots'i,
spetsanil tik'e liklik,
spetsanil tik'e joj, sok
spetsanil tik'e xik jumasa.
19Mi oj b'ob' a wabyex ja us jumasa b'a ay swech' sok b'a jitsan wa xyi'aj ek' sb'aji, ja Dyosi kistal wa xyila ja us jumasa jawi. 20Ja chulchul jumasa lek oj ja k'ux'ex sok ja k'ujlub' jumasa, ja Dyosi lek wa xyila ja yal chante jumasa jawi.
21—Ja chante b'a wax cham lomi, mi oj b'ob' a k'ux'ex, ja yuj ja we'nlexi mi tukuk wax yilawex ja Dyosi, sok yujni cho jach' wa'n yal jela. Ja sb'ak'tel ja chante jumasa jastal jawi oj b'ob' a wa'wex yi ja ma ula ay b'a wa lu'umexi, ma chonowik yi'e ja ma ek'um b'ej aye'i.
—Mok a ts'an'ex yal chivo b'a wantox chu'ni.
Ja slajunil wa jasa b'aji
22-23—Jujune' jab'il t'ilan oj ja wa'yi ja Dyos b'a slajunil wa jasa b'aji. —Mok waj ch'ayuk a k'ujolex jun majkuk. Oj ja wa'ex ja slajunil ja sat wa wiximex wa chenek'exi, ja slajunil ja ya'lel wa ts'usub'exi, jach'ni sok wa aceite'exi, ojni cho a wa'ex yi ja sb'ajtanil yal ja wa wakaxex sok wa chejexi.
—Tsa'an b'a jun k'in oj ja k'u'lukexi, ti oj ja wabyex tiw spetsanil ja jas oj ja wa'exi, b'a snalan ja k'in jawi ti oj ja neb'ex jastal oj ja kis'ex sok oj ja yajtayex ja Dyos b'a spetsanil k'ak'u. Ja k'in jawi ti oj ja k'u'lukex ja b'a lu'um oj stsa' ja Dyos b'a oj k'e'uk ja snajtsil tsomjeli.
24Kechan ta yuj k'a jel najat wax kan a wujilex ja snajtsil tsomjeli, mi oj b'ob' a wi'ex och ja slajunil wa jasa b'ajex ya'oj a wi'ex ja Dyosi, 25k'u'lanik jastal iti: Chonowik ja jastik jumasa, tak'inxa i'ajik och b'a snajtsil tsomjeli. 26Yajni la k'otyex b'a snajtsil tsomjel sok wa wuntikilexi, ja tak'in oj ja wi'ex ochi ch'akan manawik sok jas oj ja wabyex: Wakax, chej, ya'lel ts'usub', ma chikan jastik tuk b'a oj u'xuk, ti'xa k'u'lanex jun niwan k'in b'a oj ja toy'ex ja Dyos kujtiki.
Ja slajunili it jel leki
27-29—Mok ch'ayuk a k'ujolex oj ja k'epa b'ajex wa jasa b'ajex sok ja k'ole sb'a Levi it tey a mokexi, yuj ja mini xen lu'um a'xi yi'e ja ye'nle b'a oj ya'teltaye'i, jaxa we'nlexi ay.
—B'a oxtike jab'il pilawik ja slajunil b'a spetsanil wa jasa b'ajexi, ti'xa nolowexa. B'a jach' mi oj k'ot tik'an ja jas oj yabye ja k'ole jumasa sb'a Levi. Mi kechanuk ye'n oj b'ob' yabye ja wa'el jumasa jawi, oj cho b'ob' yi'e ja meb'a, ja viwuda jumasa, sok ja ma'tik tuk chonab' jakele it ti aya mokexi. Ta wan k'axa k'u'anex spetsanil ja jastal iti, jel lek oj yil'ex ja Dyosi, sok jel lek oj ek'uk a wujilex.
Currently Selected:
Deuteronomio 14: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
