Deuteronomio 13
13
1—Wa'n k'ax jak jun aluman dyos wax jak yal a wabyex ay jas naj satin, sok wax yala oj ajyuk jun niwan senya, 2jaxa ta lek k'otni smeranil ja jas yala, talna lek a b'ajex. Ta wax waj slok ex oj waj a toy'ex tuktukil dyos b'a, 3Mok a wi'ex niwan ja jas oj yal'e'i. Ja smeranil ja Dyos ja oj sk'el wa k'ujolex ta meran ja waxa k'u'anex sok spetsanil wa k'ujolex sok wa waltsilexi. 4Ja we'nlexi, kechani ja oj ja toy'ex ja wa Dyosexa, kechan ye'n oj ja k'u'ukex, kechan ye'n toj oj ajyanik sok. 5Jaxa sok ja tan lo'lanum aluman dyos jawi, ja lek milawik yuj ja lom lom wa sle'a jastal oj ja k'ok'ex ja yab'al ja Dyosi. Jach' oj ja ch'ak ex ja jastik mi lekuk ja b'a wa lu'umexi. Ye'n ya' elanik b'a yib' k'ab'al ja Dyos ja yajni ayex ajyi b'a Egipto, ja'yuj sb'ej kechan ye'n oj ja k'u'ukex.
6-11—Ta ay k'a ma' wa slokowex oj ja toy'ex tuktukil dyos b'a najat ma b'a mojan ay a mokexi, mok wajanik sok ja ma oj slok'exi. Ja sb'eji ye'nto b'ajtan oj ja ch'ay ex sna'jel ja kristyano jumasa jastal jawi. Mok a talnayex sya'ujlale, a'nima a moj alijeluk a b'ajex sok, ma a wuntikilex, a'nima cho ja'uk ja wa che'umi, ma ja'uk ja ma jel lek xa wila a b'aj soki. Mok a wa'wex kan sak'an, ch'akan milawik ja kristyano jumasa jawi. Ja' wa sk'anawe ja ma'tik wax ya'we kan pilan ja Dyos yuj ja israelenio jumasa, sok ye'n ja ma ya elanik b'a syib' sk'ab' b'a Egipto. B'a jach' oj yil'e slekil ja jas waxa k'ulanex ja kristyano jumasa, oj xiwuke mixa ojto sle'e ja smule'i.
12-18—Ta ay k'a junuk ja chonab' jumasa b'a ya'wi'ex ja Dyosi, a wabyex yab'alil ay kristyano jumasa b'a mi lekuk ja jas wan sk'ulajeli wa sjomo a olomex b'a oj ja toy'ex pilan dyos, job'owik lek, yuj k'a meran, ch'akan milawik spetsanil ja kristyano jumasa swinkil ja chonab' jawi. Mok ma a wa'wex kan sak'an, mini ja schanste'e'i. Ch'akan jomowik ja snaje'i, tsomowik spetsanil ja jastik sb'aje'i ti'xa wa'wex monton b'a k'achinub'. A'wik och sk'ajk'al a ch'ak tsik spetsanil jastal wax tsikxi ja smajtan ja Dyosi, sok mi ma oj b'ob' stojb'es ja chonab' jawi, a'wikan jastal jun jipub'al lu'um.
—Ta wan k'axa k'u'anex ja jas wax yala ja Dyosi, ja ye'n mini oj tajkuk a mokexa. Masto jel oj syajtayex, ta wan k'axa k'u'anexi, oj ya pojxanik lek, yuj ja jach'ni yaloj yab' ja ma ek' paxta a wujilexa. Ta'a k'u'anex k'a ja yab'al jumasa b'a wax ka'wi'exi. Ta wan k'a cho a k'u'lanex ja b'a lek jastal wa sk'ana ja ye'ni, jelni lek oj yil'exa.
Currently Selected:
Deuteronomio 13: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
