Amos 8
8
Ja mo'och yi'oj tek'uli
1Ja Dyos kujtiki, cho yala lek b'i oj k'el jun mo'och, b'a ay yi'oj tak'an tek'ul. 2Ti sjob'o ki'a:
—¿Jasunk'a waxa wila Amos?
Ti jak'a yi' ja ke'n:
—Wax kila jun mo'och b'ut'el tak'an tek'ul.
Ja'yuj ja Dyosi, ti yala kab'a:
—Ja israelenio mixani jun lek ja jas wa sk'u'lane'i, mi oj ka' kan jachuk ojni ka stup e'a. 3Mixa jel najatuk ay ja ts'eb'oj jumasa wax ts'eb'ojtaxi b'a snajtsil tsomjeli oj ka sutxuk cham k'ujolil ok'el yuj ja cham winik jumasa. Ja k'ak'u jawi, jel oj ajyuk ja cham winik jumasa chikanxta b'a oj sip e'a. —Jel lek ja ch'ab'anxta ajyaniki— Ke'n Dyoson yuj ja israelenio, ja jas wax kala yujni jach' oj ek'uka.
4—Maklayik lek ja jas oj kali:
Ja we'nlexi jel ch'inxa wilawex ja ma' ajula sb'aji
sok wa'nex sch'akjel sna'jel ja ye'nle'i.
5B'a jach' oj ja chon'ex cha'an sts'akol ja trigo
ja we'nlexi, toj jijlel wax ek' awujilex
ojxa ch'akuk ja sk'ak'u'il jijleli
cho jach' waxa k'anawex yuj ja k'in b'a wax ch'ak ja ixawi.
Kechan wa'n ek'el ak'ujolex jastal oj ja lo'layex ja ma wa smana
b'a oj ja yam'ex ja slikulab'il sok ja sb'isol b'a mi ts'ikanuki.
6Waxa k'ana chon'ex spetsanil,
—man spatik ja trigo—
Waxa k'ana oj ja wa'wex och yib' a k'ab'ex ja ma ajula sb'aji
kechan waxa tupuwex sok chab' oxe sat tak'in
ma b'a sts'akol ita chab' xanab'al.
7—Yuj ja ke'n Dyoson yuj ja israelenio,
wax cho kala mi oj ch'ay jk'ujol
ja jas mi lek waxa k'u'lanexi.
8Yuj ja smul spetsanil ja iti,
ja lu'umi, oj nijkuk;
oj k'e' jastal niwan ja' b'a Nilo,
ti'xta'a oj ch'ak mukxuk spetsanil,
oj ya ok' spetsanil ja swinkil ja ma tey tiwi.
9—Ke'n Dyoson yuj ja israelenio
Ja smeranil ja k'ak'u jawi
mi oj ijlab'anuk ja k'ak'u;
b'a kulan k'ak'u yoj a'kwal oj kanuk
b'a spetsanil ja lu'umi k'ik'inal oj kanuk.
10Wa k'inex jumasa oj ka sutxuk talnuj cham winik,
wa ts'eb'ojex jumasa cham k'ujol sok ok'el;
a petsanilex cham k'ujol oj ajyanik
oj ch'ak a nok ex ja stso'otsil wa olomexi;
jel cham k'ujol oj ajyanik yuj wa wokolexi
lajan sok jastal wax cham ja wa yal jun unini.
11—Ke'n Dyoson yuj ja israelenio,
ja smeranili, jakum ja k'ak'u jumasa
b'a oj ja tek' ex ja wa'ini;
oj jak wa'in oj ja wabyex,
mi yuj sok wa'eluk,
oj takjuk wa ti'exi, mi yuj sok ja'uk;
—Oj jak wa'in oj ja wabyex ja'yuj ja kab'ali—
12Oj wajanik b'a stojol wax jak ja k'uk'u sok b'a wax mukxi,
b'a k'e'el k'inal sok b'a ko'el
jel oj k'ank'unuk oj ja maklayex ja kab'ali,
jaxa ke'n mini oj k'umukexa.
13—Yajnix k'ot ja k'ak'u jawi,
ja ak'ixuk jumasa b'a jel lek aye'i
sok ja keremtik jumasa b'a jel tsatse'i
oj jom sk'ujole yuj ja takin ti'i.
14Mi kechanuka, oj mok'uke oj chamuke
ja ma'tik wa stoyo jan k'u'lub'al dyos jumasa
b'a Samaria, b'a Dan sok b'a Beerseba.
Wa sta'awe ti' ja sb'i'il ja dyos jumasa jawi,
wa sk'u'ane yuj sak'an dyose,
ja'yuj mixani oj stul sb'aje'a.—
Currently Selected:
Amos 8: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
