Amos 9
9
Ja Dyosi, oj ya stup ja yuntikili
1Tsa'an yuj ja jawi kila ja Dyosi. Ti tek'an sok lajan ja altari, ti yala kab'a:
K'ojtsin ja b'a cha'an
ja syojyal ja snajtsil tsomjeli,
b'a jach' oj jem ele
b'a ti' oj ko' sb'aj ja kristyano'i.
—Mini jun ma' oj kan sak'ana—
kechan ta ay k'a ma b'ob' spak ajnel
ti oj cham b'a yoj tiro'anel.
2—A'nimax waj snak' sb'aje
b'a cha'an lek yuj ja lu'umi:
man tiwi, ti' oj ka eluke'a;
a'nima ti snak' sb'aje'a
b'a man scha'anil ja satk'inali:
man tiwi ti oj ka eluke'a.
3B'ob'ta oj waj snak' sb'aje
b'a niwan ya xk'ul Carmelo,
ke'n oj waj le'ex
man tiwi ti oj ka eluke'a.
B'ob'ta oj waj snak' sb'aje b'a sti jsat
man yib'el ja niwan paman ja'i,
ke'n oj jek jun b'its'il chan
b'a oj k'ux juke yuj.
4Jun sna'jel lek waj i'juke yuj ja
ma'tik mi lek ilji ye yuj oj waj lutjuke b'a pilan niwan chonab',
ti oj kal yabye tiw:
—a ch'ak t'osjuke sok machit—
Ti'xta oj ajyukon yuj ja ye'nle'i,
mi yuj sb'a ay jas lek oj k'ulyi'e
ja oj k'ulyi'e b'a jas mi lekuk.—
Ja niwan yip ja Dyosi
5Ja ke'n wax kala wabyex:
—Ja Dyos kujtiki, jel ja yipi—
wa sb'ata ja lu'umi
wax ya k'itk'unuk;
wax ya k'e'uk sok wax ya ko'uk
jastal ja niwan ja' b'a Nilo,
jel wax ya ok'uk ja ma'tik tey tiwi.
6Ja Dyosi, ti sk'u'lan ja snaj b'a satk'inal,
jaxa yip jumasa ti ya'kan b'a lu'um.
Ja Dyosi, wa sk'uman ja ja' jumasa b'a niwan paman ja'i,
ti wa spek'a b'a lu'um.
—Ja Dyos kujtiki, jel ja yipi—
Ja israelenio oj a'ji stup'e
7Ja Dyos kujtiki yalata:
ja ke'n wax kala yuj ja we'nlex israelenio jumasa
mi tukukex ja we'nlex yuj ja tuk jumasa:
we'nlex ja ti' ka elanik b'a Egipto,
ja filisteo jumasa ka eluke b'a Creta,
jach'ni ja arameo jumasa ka eluke b'a Quir.
8Ja ke'n kilata ja we'nlexi
jelni wax cho a le'a wa mulexa;
—Ja'yuj oj chay a na'jelex b'a mapa—
Jaxa yintil jumasa ja Jacobi, oj jkolta.
Ke'n Dyoson yuj ja israelenio,
Ja jas wax kala yujni jach' oj k'uluka.
9—Israelenio,
ja ya'n oj kala wabyex
ja we'nlexi, ojxa tsijujananik
jastal wax tsijuji ja trigo
b'a oj eluk ja sts'i'lelali,
kechan mini jun sat oj jipxuka.
10A petsanil ja we'nlexi waxa walawex
yuj mi ja skistal oj ek' a wujilex,
jaxa stik'anil wa mulexi
ja oj ya'a tup'ex ja chamel ch'akeli.
Ja Dyosi, oj cho stojb'es ja israelenio
11—Yajnix k'ot ja k'ak'u jawi,
oj kal yab' ja yintil jumasa ja Davidi,
oj cho och ya'tele yuj ja israelenio.
Cho jel tsats oj ayuke jastal ja b'ajtan jani.
12B'a jachuk ja jas oj kan b'a Edom
sok b'a pilan niwak chonab' jumasa
ye'nxani oj sb'ajuke ja israelenio'a,
ja ma' wa stoyo ja jb'i'ili.
Ke'n Dyoson yuj ja israelenio,
ja jas wax kala yujni jach' oj ek'uka.
13—Jelxa mojan ja k'ak'u
ja jel oj ajyuk wa jasa b'ajexi.
Mitox ch'ak a tul'ex ja trigo
ojxa cho a ts'un'ex pilan mak'e;
mitox ch'ak a tojb'esex ja ya'lel ts'usub'i
ojxa ni cho a ts'un'ex ja ts'usub'i.
—Ja b'a wits jumasa sok b'a loman yamani
oj yi yok ja ya'lel ts'usub' jastal yok ja'—
14—Israelenio
yajnix k'ot ja k'ak'u jawi,
oj ka kumxanik b'a wa chonab'ilexi.
Jach' oj ja tojb'es wa chonab'ilexi
tini oj cho ajyanik tiwa;
oj ja k'u'lukex ja yaljil ts'usub'i oj cho a wu'ex ja ya'leli,
oj ja ts'un'ex ja wa maka'exi,
sok oj cho a wabyex ja jas oj ja wa'wex eluki.
15Ke'n oj jts'un sb'a'al wa lu'umexi,
mini ma oj sjots
ja b'a lu'um ka'wi'exi.
Ke'n a Dyoson,
ja jas wax kala yujni jach' oj ek'uka—
Currently Selected:
Amos 9: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
