Amos 6
6
Ja Dyosi oj ya stup ja israelenio
1Ti cho yala ja Amosi:
—Mi lek oj ek' a wujilex ja we'nlex
ma'tik jel lek ayex b'a Jerusaleni—
—Mi lek oj ek' a wujilex ja we'nlex
ma'tik jel niwan wala iljiyex b'a niwan chonab' iti—
Ta wan k'axa k'u'anex ja Jerusalen sok ja Samaria
yuj jun chonab' tsats aye sok oj niwan k'ujolaxuk,
2Ka'axik b'a chonab' Calne,
b'a niwan chonab' Hamat
sok b'a Gat schonab'il filisteo jumasa,
—K'elawik ja jas ek' yujile ja ye'nle'i—
¿Yuj ma waxa walawex yuj ek'el wa lekil we'nlex yuj ja ye'nle'i,
ma yuj waxa walawex yuj ek'el ja sniwanil wa chonab'ilexi?
3—A'nimaxa wa'wex och ya'tel jun ma' jel kalax
mi oj b'ob' sch'ak wa wokolexi—
4Ja we'nlexi snajtil k'ak'u b'a'an wax
ek' a wujilex b'a tsamal ch'at marfil
waxa k'uxuwex tsamal sb'ak'tel wakax.
5Ja we'nlexi toj ya'jel ok' arpa wax ek' a wujilex,
sok wax ocha tojb'esex ts'eb'oj jumasa
waxa walawex jastal oj ja k'ulukex yajk'achil k'in jumasa.
—Jach' wa sk'u'lan jan jastal jaw ajyi ja mandaranum Davidi—
6Wax yu'aje pajal ya'lel ts'usub' wax yakb'iye lek,
waxa yamawex lekil perjume jumasa,
—Ja'yuj mi jasxa wala wex yuj wa
niwan chonab'ilexi, a'nima tix ajyi jipana—
7Ja'yuj oj ka k'ot tik'an wa k'inex
jumasa waxa k'u'lanex yuj wa relijyonexi,
yajnix waj i'juk ja kristyano jumasa
b'a pilan niwan chonab'i,
we'n b'ajtan oj i'janik.
8Ja Dyos kujtik it jel ja yipi, toj lek yalunej:
—Mixax k'ana ja israelenio jumasa—
—yuj ja je stoyo sb'aje
sok ja tsamal niwan sna'itse'i—
Ja'yuj oj ka' yamjukel,
ja ye'nle sok ja schonab'ile'i,
oj ka'e b'a sk'ab' ja ma'tik mi lek ilji ye yuji.
9—Yajnix ek' ja jawi, a'nima kechan lajune winik oj kan sak'an b'a jun na'itsi, spetsanil ja ye'nle'i, ojni ch'ak chamuke'a. 10B'ob'ta oj k'ot jun smoj alijele, b'a oj stsom ja sb'ak'tel ja cham winik jumasa b'a oj stsik e; ta ay k'a pilan ma' sjob'o ta ayto ma kanel ja ma' oj yal b'ajtani mixa, oj cho ya sna' ab'i ch'ab'anuk yuj ja ta lek ay ma' oj sta' ti ja jb'i'il it jel toji, mini t'un lek oj ek' yuj ja.
11—Na'awik lek ja iti:
ke'n Dyoson yuj ja israelenio
ojni ka ch'ak sna'jel spetsanil
ja niwak na'its sok ja ch'in jumasa—
12—Ay chab'e ja jas mi oj b'ob' k'u'laxuki:
ja' oj ajnan sok kawu b'a yoj ton jumasa
sok ja jutuj lu'um b'a yoj niwan paman ja'i
Jaxa we'nlexi ak'u'lanex
b'a lajan sok wokol sk'u'lajeli:
ja b'a leki a wa'wex sutxuk chamel ch'akel
jaxa b'a tsamali a wa'wex sutxuk cham k'ujolil.
13Ja we'nlexi, jel tsamal ayex waxa wabyex
yuj ja a b'ajanexta
jun chonab' b'a jel chapani
wax cho a walawex oj ja wil'ex sk'ujol
ja ma'tik jel jitsane'i.
14—Maklayik ja it israelenio jumasa:
ay ma' oj jek b'a mi lek ja jas oj sk'u'luk a wi'exi
swinkil jun niwan chonab' oj sle jastal oj snol k'ab'ukex,
a petsanilex ojni yil a k'ujolexa;
Masan b'a Hamat b'a k'e'el k'inal,
sok man b'a takin lu'um k'inal, b'a ko'el k'inal.
Ke'n ja Dyos it jel ja kipi,
Ja jas wax kala yujni jach' oj ek'uka—.
Currently Selected:
Amos 6: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
