Amos 1
1
Jun talna wakax och aluman Dyos
1Ja b'a chonab' Tecoa ajyi jun winik sb'i'il Amos jel ja swakaxi, jel ja jas yal yab' ja israelenio jumasa yuj ja jastik alji yab' yuj ja Dyosi. Ja ek' ja iti, ja' yajni ayto sk'ana chab' jab'il oj nijkuk ja lu'umi, ja yajni ye'n mandaranum ay ja Ozias b'a Juda sok ja Jeroboam yunin ja Joasi mandaranum ay yuj ja israelenio. 2Ja' lo'il jumasa it ja alji yab' ja Amosi:
Yajni wax tajki ja Dyosi
ti wax k'umani man Jerusalen,
wax takji ja ak jumasa;
—wax takji ja wits Carmelo—
Ja jas mi lek oj ek' yuj ja niwak chonab' jumasa
Cho jach'ni b'a Damasco
3Ja ma' Dyos yuj ja israelenio jumasa yalata:
Ja we'nlex swinkil Damasco,
jelxa jelxiyexta sok ja jas mi leki.
Ja'yuj mini oj ch'ay wa mulexa—
Xe'ntiyam a wa'ex wajuk ja swinkil ja Galaad
jastal wax juch'xi trigo
b'a jun tak'ini
4Ja'yujil oj jlap sk'ajk'al
ja niwan na'its yuj ja mandaranum Hazaeli
sok ja sb'a yunin Ben-hadad;
5Oj ch'ak jip ja b'a niwak wax ajyi ochel b'a Damasco,
oj ch'ak sna'jel ja mandaranum jumasa
b'a Bicat-aven sok b'a Bet-eden,
jachuk a petsanil ja we'nlexi
oj i'janik b'a chonab' Quir.
Ja jas wax kala yujni jach' oj k'u'luka—.
Ja jas mi lek oj ek' yuj ja Gaza
6Ja Dyos yuj ja israelenio yalata:
Ja we'nlex swinkil Gaza,
jelxa jelxiyexta sok ja jas mi leki.
Ja'yuj —mini oj ch'ay wa mulexa—
A lutuwex spetsanil ja swinkil ja chonab'i,
jaxa swinkil Edomi a chonowex b'a yib' k'ab'al oj ajyuke.
7—Ja'yuj oj jlap sk'ajk'al
ja cha'anil ts'akab' ton jumasa b'a Gaza
jaxa niwan na'its jumasa kechan ja' oj kanuk ja sta'anili;
8oj ch'ak sna'jel ja mandaranum jumasa
b'a Asdod sok b'a Ascaloni,
oj yil janek' ja kip ja Ecroni,
ja we'nlexi, man oj ch'ak chamanik a petsanilex.
Ja jas wax kala yujni jach' oj k'u'luka—.
Ja jas mi lek oj ek' b'a Tiro
9Ja Dyos yuj ja israelenio jumasa yalata:
Ja we'nlex swinkil Tiro,
jelxa jelxiyexta sok ja jas mi leki.
Ja'yuj, —mini oj ch'ay wa mulexa—
A lutuwex spetsanil ja swinkil ja chonab'i
jaxa swinkil Edomi a chonowex b'a yib' k'ab'al oj ajyuke;
—Mi a kisawex ja trato sb'a moj alijel a b'ajexi
ja jastal a k'u'lanex yi ja kristyano jumasa jawi—
10Ja'yuj oj jlap sk'ajk'al
ja cha'anil ts'akab' ton jumasa b'a Tiro
jaxa niwan na'its jumasa kechan ja kan ja sta'anili—.
Ja jas mi lek oj ek' b'a Edomi
11Ja Dyos yuj ja israelenio jumasa yalata:
Ja we'nlex swinkil Edom,
jelxa jelxiyexta sok ja jas mi leki.
Ja'yuj, —Mini oj ch'ay wa mulexa—
A wi'ajex spatik wa moj alijelexi
a milawex mi a talnayex sya'ujlale;
mi t'un a komo wa tajkelexi,
yujni ti nolan a wujilex wa takelex jawa.
12Ja'yuj oj jlap sk'ajk'al
ja chonab' Teman sok ja Bosra,
jaxa niwan na'its jumasa kechan ja oj kan ja sta'anili—.
Ja jas mi lek oj ek' yuj ja Amoni
13Ja Dyos yuj ja israelenio jumasa yalata:
Ja we'nlex swinkil Amon,
jelxa jelxiyexta sok ja jas mi leki.
Ja'yuj, —mini oj ch'ay wa mulexa—
B'a oj yil slekil ja swinkil wa chonab'ilexi,
b'a Galaadi a pojowex snalan
ja ixuk jumasa ma'tik kuchan yuj niwak chameli.
14Ja'yuj oj jlap sk'ajk'al
ja cha'anil ts'akab' ton jumasa b'a Raba,
jaxa niwan na'its jumasa kechan ja oj kan ja sta'anili.
Ja iti, ja oj k'u'luk ja sk'ak'u'il tiro'aneli,
ay jas jel tsats oj b'ojtuk
jun sk'ak'u'il tsatsal ik',
15jaxa wa mandaranumex jumasa sok ja ma'tik niwak ya'teli
oj i'juke b'a pilan chonab'.
Ja jas wax kala yujni jach' oj ek'uka—.
Currently Selected:
Amos 1: YABD
Highlight
Copy
Compare
Share
Want to have your highlights saved across all your devices? Sign up or sign in
© Sociedad Bíblica de México 2021
