Levitiku 2
2
Sooveleela sa irooro
1Yoole aneera amuruuhele Yave yooveleela ya irooro, yooveleelaawe ekhaleke ya ephepa yooreerela. Vasuluwaya owo amiineleke makhura ni iikaathiki erubani*, 2aaroiheleke asaserdoti*, anamwane asilopwana a Aharoni. Mmoha a yaawo anyottoleke ephepa yooreerela, makhura ni erubani* yootheene, ahisereke valtaarini* ntoko eyuupuxero. Ti yooveleela yoohisa, yooveleela erehereriwe vayikho, yooveleela yoowunkhelaxa enimusiveliha Yave. 3Singhala iyo sa sooveleela sa irooro ti sa Aharoni ni anamwanaawe; ti mpatta wootteelaxa wa sooveleela ompakeliwa Yave soorehereriwa vayikho. 4Nyuwo mwaruuha yooveleela ya irooro yoowooxiwa vayikho, eyo ekhaleke ya ephepa yooreerela: iboolu soopakiwa woohikhalano eferementu ni sooweetheeliwa makhura, hoye hoye ipaawu sikhaanene soohikhalano eferementu ni soottikittheliwa makhura. 5Yooveleelaanyu ya irooro yarehereriwa munooxeriwa, eyo ekhaleke ya ephepa yooreerela yooweetheeliwa makhura yoohikhalano eferementu. 6Muttikitthe ni mmiinele makhura; ti yooveleela ya irooro. 7Yooveleelaanyu ya irooro yaapeiwa mmwaapuni, eyo ekhaleke ya ephepa yooreerela ni makhura. 8Munruuhele Yave yooveleela ya irooro yoopakiwa ntoko ohimeriwaaya ni mmwinnyerereke musaserdoti*, mwa yoowo aneera aronghe valtaarini*. 9Owo avenxeke mpatta wa eyuupuxero ya yooveleela ya irooro ni ahisereke valtaarini*; ti yooveleela erehereriwe vayikho, yooveleela yoowunkhelaxa enimusiveliha Yave. 10Singhala iyo sa sooveleela sa irooro ti sa Aharoni ni anamwanaawe; ti mpatta wootteelaxa wa sooveleela ompakeliwa Yave soorehereriwa vayikho. 11Khula yooveleela ya irooro yootheene muneeraanyu munrongheleke Yave ehiheliwe eferementu, niwoko khoontthuniheriwa ohisa eferementu naari oravo mwaampakelaka yooveleela Yave yoorehereriwa vayikho. 12Nyuwo munrongheleke yeeyo Yave ntoko yooveleela ya soowiima soopacera, mene muhiveleelele valtaarini* ntoko yooveleela yoowunkhelaxa. 13Muutuwanyere maakha sooveleelasanyu sootheene sa irooro. Muhihiye sooveleelasanyu sa irooro soohiheliwa maakha a wiiraana wa Mulukwaanyu; mwaandyeerere maakha sooveleelasanyu sootheene. 14Nyuwo mwamuruuhela Yave yooveleela ya irooro ntoko yooveleela ya soowiima soopacera, munruuhele inuku soottikitthiwa sa irooro inyowani soowaarikiwa. 15Mmiinelekewo makhura ni muheleke erubani*; ti yooveleela ya irooro. 16Musaserdoti* ahiseke mpatta wa eyuupuxero ya irooro soottikitthiwa ni makhura vamoha ni erubani* yootheene ntoko yoomveleelela Yave yoorehereriwa vayikho.
Currently Selected:
Levitiku 2: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
