Levitiku 1
1
Ekhalelo ya sooveleela soohisa
1Yave aamwiitthana Moisesi anuuluma ni yoowo Muheemani mwa Muthukumano. Aamweerela: 2“Mwaaleele aYixrayeli ha: ‘Yoole aneera ampakele Yave yooveleela, aruuheke ntoko yooveleela mwaamunama a imombe hoye hoye ikhondoolo. 3Yooveleela yakhala yoohisa, mutthu owo amuruuheke mwaamunama mulopwana oohirakala. Owo amuruuheke vamulako wa Eheema ya Muthukumano* weera aakhuleliwe ni Yave. 4Owo iikaathiki ntatanawe vamuru wa mwaamunama a yooveleela yoohisa, ni eyo enimwaakhuleliwa ntoko yoorehererela wiiwanana ni Yave. 5Vano owo amwiiveke mwaamunama vamaithoni wa Yave ni asaserdoti*, anamwane asilopwana a Aharoni, erongheke ephome ni emisereke mipatta sootheene sa valtaarini* vamulako wa Eheema ya Muthukumano*. 6Owo ampereke mwaamunama ni amuthikilaseke. 7Asaserdoti*, anamwane asilopwana a Aharoni, epattiheke mooro valtaarini* ni ekukhumanyeke mooro owo. 8Vahoolowaya asaserdoteene yaawo ethateke intthuri vamoha ni muru ni makhura vakhuunini siri vayikho valtaarini*. 9Marupo ni nyetto sirapihiweke toko, ni musaserdoti* ahiseke sootheene iyo valtaarini*. Ti yooveleela yoohisa, yooveleela erehereriwe vayikho, yooveleela yoowunkhelaxa enimusiveliha Yave. 10Yooveleela yakhala yooveleela yoohisa ya ikhondoolo, ekhalaka ekhondoolo hata epuri, mutthu owo amveleeleke mwaamunama oohirakala. 11Owo iiveliweke mpatta wa ottuttuwani wa altaari* vamaithoni wa Yave ni asaserdoti*, anamwane asilopwana a Aharoni, emisereke ephomaawe mipatta sootheene sa altaari*. 12Mutthu owo amuthikilaseke intthuri intthuri. Vano musaserdoti* athateke intthuri iyo vamoha ni muru ni makhura vakhuunini siri vayikho valtaarini*. 13Marupo ni nyetto sirapihiweke toko, ni musaserdoti* aruuheke ntoko yoovaha ni ahiseke valtaarini*. Ti yooveleela yoohisa, yooveleela erehereriwe vayikho, yooveleela yoowunkhelaxa enimusiveliha Yave. 14Yooveleela yakhala yooveleela yoohisa ya ipalame, owo aruuheke mwaansiya hoye hoye nikhinda. 15Musaserdoti* amuruuheke mwaapalame, amuhiteke ni amuhiseke valtaarini*. Owo ahiyeke ephome ekhwalalelaka vaxirini ya altaari*. 16Owo avenxeke ecohocoho ni seiyo siri mwemmo, avonyereke mpatta ninkhuma nsuwa wa altaari* enriheliwaayawo ettuura. 17Owo amuthaleke mwaapalame eriyariru ahimukawanyiheke, ni vano musaserdoti* amuhiseke vayikho vakhuunini mooro ovarelaka. Ti yooveleela yoohisa, yooveleela erehereriwe vayikho, yooveleela yoowunkhelaxa enimusiveliha Yave.
Currently Selected:
Levitiku 1: VMK2021
Highlight
Share
Copy
Want to have your highlights saved across all your devices? Sign up or sign in
Makhua Shirima Bible © Christelike Lektuurmaatskappy NPC, 2021.
